பிளாஸ்டிக் பாட்டிலைக் கொண்டு வீட்டை அலங்கரிக்க சில டிப்ஸ்...

பூ ஜாடி

வீட்டில் உள்ள டைனிங் டேபிள் வித்தியாசமாகவும், அதே சமயம் அழகாகவும் இருக்க, கடைகளில் பணம் செலவழித்து பூ ஜாடி வாங்கி வருவதற்கு பதிலாக, வீட்டில் உள்ள பிளாஸ்டிக் பாட்டிலைக் கொண்டு அருமையான பூ ஜாடி தயாரிக்கலாம். அதற்கு பிளாஸ்டிக் பாட்டிலை பாதியாக வெட்டி, பாட்டிலில் பிடித்த பெயிண்ட் அடித்தோ அல்லது பலவண்ண பேப்பர்களை ஒட்டியோ, பின் பாட்டிலினுள் தண்ணீர் ஊற்றி, அதனுள் பூக்களை வைத்தால், அழகான பூ ஜாடி ரெடி.

பேனா/பென்சில் ஸ்டாண்ட்

பிளாஸ்டிக் பாட்டிலைக் கொண்டு பேனா/பென்சில் ஸ்டாண்ட் செய்யலாம். அப்படி செய்து வீட்டின் ஒவ்வொரு அறையிலும் வைத்தால், பேனாவை ஒவ்வொரு முறையும் தேட தேவையில்லை. அதற்கு பிளாஸ்டிக் பாட்டிலின் மேல் பகுதியை வெட்டிவிட்டு, பின் அதனைச் சுற்றி பெயிண்டிங் செய்யப்பட்ட பேப்பர்/சார்ட் ஒட்டினால், பேனா/பென்சில் ஸ்டாண்ட் தயாராகிவிட்டது.

அணிகலன்களை வைக்கும் ஸ்டாண்ட்

பிளாஸ்டிக் பாட்டிலைக் கொண்டு அணிகலன்கள் வைக்கும் ஸ்டாண்ட் தயாரிக்கவும் செய்யலாம். அதற்கு 3 பிளாஸ்டிக் பாட்டிலை எடுத்துக் கொண்டு, அதன் அடிப்பகுதியை வெட்டி தனியாக எடுத்துக் கொள்ள வேண்டும். பின் அதில் பிடித்த நிறமுள்ள பெயிண்ட் அடித்து, முனைகளில் வெல்வெட் துணியை பெவிகால் கொண்டு ஒட்டினால், அணிகலன்கள் வைக்கும் ஸ்டாண்ட் ரெடி.

பூந்தொட்டி

வீட்டில் நிறைய பிளாஸ்டிக் பாட்டில் இருந்தால், அதனை பூந்தொட்டியாக பயன்படுத்தலாம். அதற்கு அந்த பிளாஸ்டிக் பாட்டிலை படுக்க வைத்து, அதன் நடுவே வட்டமாக வெட்டி, அதனுள் மண்ணை நிரப்பி, சிறு செடியை வைத்துக் கொள்ள வேண்டும். இதேப் போன்று 4-5 பாட்டிலை செய்து கொள்ள வேண்டும். பின் படத்தில் காட்டியவாறு, அதனை கயிற்றினால் கட்டி, வீட்டுச் சுவற்றில் தொங்க விட்டால், சூப்பராக இருக்கும்.

பிளாஸ்டிக் பாட்டில் திரைச்சீலைகள்

பிளாஸ்டிக் பாட்டிலைக் கொண்டு திரைச்சீலைகள் செய்து தொங்கவிட்டு கூட, வீட்டின் அழகை அதிகரிக்கலாம். அதற்கு பிளாஸ்டிக் பாட்டில்களை பிடித்த வடிவத்தில் வெட்டியோ அல்லது நிறைய பாட்டில்களின் அடிப்பகுதியை வெட்டியோ, பின் அதனை படித்தில் காட்டியவாறு அல்லது பிடித்த டிசைனில் கயிற்றினால் கோர்த்து, அதில் பிடித்த பெயிண்ட் அடித்து நன்கு உலர வைத்து, திரைச்சீலைகளாக தொங்க விடலாம். இது இன்னும் அருமையான தோற்றத்தைக் கொடுக்கும்.