குழந்தைகளுக்கு ஏற்றவாறு வீட்டை அலங்கரிக்க சில டிப்ஸ்...

சுவர்கள்

குழந்தைகள் இருந்தால், அவர்களை ஈர்க்கும் வண்ணம் சுவர்கள் இருக்க வேண்டும். ஆகவே குழந்தைகளுக்கு ஏற்ப அறையை அலங்கரிக்க, சரியான வகைப் பெயிண்ட்டை தேர்ந்தெடுக்க வேண்டும். குழந்தைகளின் அறை எப்பொழுதுமே பளிச்சிடும் வண்ணத்தில் இருக்க வேண்டும். ஏனெனில், அவை குழந்தைகளை ஆற்றலுடனும், புத்துணர்ச்சியுடன் இருக்க பெரிதும் உதவும். மேலும், எளிதில் துடைக்கும் லேடெக்ஸ் பெயிண்ட்களை உபயோகித்தால், அழுக்கு கைகளை சுவற்றில் குழந்தைகள் தடவும் போது, எளிதில் அதனை துணி கொண்டு துடைத்துவிடலாம்.

நீடித்து உழைக்கக்கூடிய பர்னிச்சர்கள்

நல்ல திடமான பர்னிச்சர்களையே தேர்ந்தெடுங்கள். குறிப்பாக சாட்டின் துணியிலான விதானத்தை தேர்வு செய்யாதீர்கள். பாலிஸ்டர் வகைகளை உபயோகிப்பதால், அவற்றில் கரை படிந்தால் எளிதில் சோப்பு போட்டு துவைக்கலாம். உயரமான பர்னிச்சர் வாங்காதீர்கள். மேலும், குழந்தைகளுக்கு ஏதுவான பொருட்களையே வாங்குங்கள். மெத்தை வகையான பீன் பேக் மற்றும் பௌப்ஸ் போன்றவற்றை வாங்குங்கள்.

தகுந்த மெத்தை

குழந்தைகளின் படுக்கை அறையை அலங்கரிப்பதில் வசதியான மெத்தைகள் மிகப் பிரபலமான ஒன்றாகும். தேர்ந்து வடிவமைக்கப்பட்ட அடுக்குப்படுக்கை மற்றும் பரண்படுக்கை போன்றவை குழந்தைகளை மகிழ்விப்பது மட்டுமல்லாது, நிறைய இடத்தையும் சேமிக்கும். பரண்படுக்கையானது இடத்தை சேமிப்பது மட்டுமல்லாது, குழந்தைகளின் விளையாட்டு இடமாகவும், அவர்கள் விளையாடும் பொருட்களை வைக்கும் இடமாகவும், மீதம் இருக்கும் மெத்தைகளை வைப்பதற்கும் உதவும்.

தலையணைகள் மற்றும் போர்வைகள்

சிறு குழந்தைகள் இருந்தால் வீடானது பெரிதும் கறைப்படும். ஆகவே லேசான மற்றும் குழந்தைகளுக்கு ஏதுவான தலையணை மற்றும் போர்வைகளையே தேர்வு செய்யுங்கள். மணிகள் அல்லது பாசிகள் கூடிய வேலைபாடுகள் உள்ள போர்வைகள் மற்றும் தலையணைகளை வாங்க வேண்டாம். ஏனெனில், குழந்தைகள் எதை கையில் எடுத்தாலும், வாயில் போட்டுக் கொள்ளும் பழக்கம் உடையவர்கள்.

தரை

எளிதில் துடைக்கக்கூடிய சிறந்த தரையையே தேர்ந்தெடுங்கள். டைல்ஸ், மரம், லாமினேட் மற்றும் லினோலியம் போன்றவை சிறந்த தேர்வு. லாமினேட் வகை தரைகளில் தண்ணீர் அல்லது சாறு சிந்தினால், அவைகளை எளிதில் நீக்கலாம்.

கேபினெட் மற்றும் டிராக்கள்

அறை முழுவதும் குழந்தைகளுக்கு தேவையான விளையாட்டு பொருட்கள், பாடப்புத்தகங்கள், துணிமணிகள் வைப்பதற்கென்றே ஒதுக்குங்கள். அதற்கு தேவையான கேபினெட்களும், டிராக்களும் இருக்கும்படி பார்த்து கொள்ளுங்கள்.

சித்திரங்களும், வரைபடங்களும்

குழந்தைகளை ஈர்க்க இந்த ஐடியாவை உபயோகியுங்கள். கார்ட்டூன் சித்திரங்களை சுவற்றில் மாட்டலாம் அல்லது குழந்தைகள் தீட்டிய வரைபடங்களை தொகுத்து எளிதில் மாற்றக்கூடிய ஆர்ட் கேலரியாக செய்து சுவற்றில் தொங்கவிடலாம்.

மேற்கூறிய ஐடியாக்களை பின்பற்றினால், இல்லமே குழந்தைகளுக்கு ஏற்ற சிறந்த இல்லமாக இருக்கும்.