கிறிஸ்துமஸ் மரத்தை அலங்கரிக்க சில சூப்பர் டிப்ஸ்...

முத்து நூல்கள்

கிறிஸ்துமஸ் மரத்தைச் சுற்றி தங்க நிறத்தில் இருக்கும் முத்து போன்ற நூல்களால் அலங்கரிக்கலாம். இவை பார்ப்பதற்கு மிகவும் அழகாக இருக்கும்.

பரிசுகள்

கிறிஸ்துமஸ் ஸ்பெஷலே பரிசுகள் தான். அந்த பரிசுகளை வைத்தும் மரத்தை அலங்கரிக்கலாம். அதிலும் சின்ன சின்ன பரிசுகளை சிவப்பு நிற பேப்பரால் சுற்றி, மரத்தை சுற்றி ஆங்காங்கு கட்டினால் சூப்பராக இருக்கும்.

கிறிஸ்துமஸ் மணிகள்

மரத்தை அலங்கரிக்கும் போது கிறிஸ்மஸ் மணிகளை வைத்து அலங்கரிப்பது என்பது சூப்பரான ஐடியா. இதற்கு அந்த மணிகளை கடைகளிலிருந்து வாங்கி, செயற்கை இலைகளை மணிகளில் மேல் வைத்து, சிவப்பு நிற ரிப்பனால் கட்டி மரத்தில் தொங்கவிட்டால், அருமையாக இருக்கும்.

திரைச்சீலைகள்

இந்த வருடம் சற்று வித்தியாசமாக, சிவப்பு நிறத் துணியை எடுத்துக் கொண்டு, அதை இதயம், நட்சத்திரம் மற்றும் பந்து போன்று வெட்டி, அதில் சிறிது காட்டனை நுழைத்து, ஊசியால் தைத்து, அவற்றை மரத்தில் தொங்கவிட்டால், வித்தியாசமாக இருக்கும்.

தங்க நிற நட்சத்திரங்கள் மற்றும் பந்துகள்

நட்சத்திரங்கள் ஒரு ஆன்மீக முக்கியத்துவம் வாய்ந்தது. எனவே வித்தியாசமான அளவுகளில் கோல்டன் நட்சத்திரங்களை, கோல்டன் பந்துகளுடன் சேர்த்து, மரத்தில் உள்ள கிளைகளில் முனையில் தொங்கவிடலாம்.

வண்ணமயமான பந்துகள்

எப்போதும் கோல்டன் நிறத்தை மட்டும் தான் பயன்படுத்த வேண்டுமா என்ன? இல்லை அல்லவா. ஆகவே சற்று மார்டனான மரமாக இருப்பதற்கு, பல வண்ணங்களில் இருக்கும் பந்துகளை வாங்கி, அலங்கரிக்கலாம்.

மலர்வளையம்

மலர்வளையம் கூட கிறிஸ்துமஸ் அன்று மிகவும் சிறப்பானது. எனவே பச்சை நிற இலைகளைக் கொண்டு, ஒரு மலர்வளையம் செய்து, அதில் சிவப்பு நிற ரிப்பனை கட்டி, வீட்டில் உள்ள கதவு, சுவர் மற்றும் மரத்தின் உச்சியில் வைக்கலாம்.

லைட்கள்

மரமானது நன்கு அழகாக ஜொலிப்பதற்கு, சின்ன சின்ன நீலம், சிவப்பு, தங்கம் மற்றும் இதர நிறங்களில் இருக்கும் கயிறு பல்புகளை வைத்து அலங்கரிப்பதால், கிறிஸ்துமஸ் மரம் மிகவும் அருமையாக காணப்படும்.

வேறு எவற்றையெல்லாம் வைத்து அலங்கரிக்கலாம் என்று உங்களுக்கு தெரிந்தால், எங்களுடன் பகிர்ந்து கொள்ளுங்கள்.