இந்த 5 யோகாசனங்கள் குளிர்காலத்தில் ஏற்படும் உடல் வலியைத் தடுக்குமாம்.. ட்ரை பண்ணி பாருங்க..

1. உத்தனாசனம் (Uttanasana)

* முதலில் படத்தில் காட்டப்பட்டுள்ளவாறு நேராக நிற்க வேண்டும்.

* பின் மெதுவாக முன்னோக்கி குனிய வேண்டும்.

* அப்படி குனியும் போது உள்ளங்கைகளை தரையில் வைப்பதை குறிக்கோளாக கொளள வேண்டும்.

* உங்களால் உடலை போதுமான அளவு வளைக்க முடியாவிட்டால், கால் பெருவிரல்களைத் தொடுவது போதுமானதாக இருக்கும். ஆனால் முடிந்த வரை தரையைத் தொட முயற்சிப்பது பயனுள்ளதாக இருக்கும்.

* இந்த நேரத்தில் முகமானது கால்களை எதிர்கொள்ளும் வகையில் இருக்க வேண்டும். அதாவது தலைக்கு மேல் தரை இருக்க வேண்டும்.

* இப்படி சில முறை சிறு சிறு இடைவெளியில் செய்ய வேண்டும்.

2. பச்சிமோத்தனாசனம் (Paschimottanasana)

* முதலில் படத்தில் காட்டப்பட்டுள்ளவாறு கால்களை நீட்டி நேராக உட்கார வேண்டும்.

* பின் இந்நிலையில் மெதுவாக உங்கள் உடலை முன்னோக்கி கால்களுக்கு அருகே முடிந்தவரை கொண்டு வர வேண்டும். அப்போது உங்கள் கால்களை கைகளால் பிடித்துக் கொண்டால், சற்று எளிதாக இருக்கும்.

* இந்த நிலையில் உங்கள் வயிறு மற்றும் மார்பு தொடைகளைத் தொட வேண்டும்.

* முகமானது கால்களை நோக்கியோ அல்லது உங்களுக்கு எது வசதியோ அந்நிலையில் வைத்துக் கொள்ளலாம்.

* இந்த நிலையில் 10-20 நொடிகள் இருந்து, பின் பழைய நிலைக்கு திரும்ப வேண்டும்.

* இந்த மாதிரி உங்களால் எத்தனை முறை செய்ய முடியுமோ அவ்வளவு முறை செய்யலாம்.

3. அதோ முக மர்ஜாரியாசனம் (Adho mukha Marjariasana)

* முதலில் படத்தில் காட்டப்பட்டவாறு கைகள் மற்றும் கால்களை தரையில் ஊன்றி, குழந்தைகள் தவழும் நிலையில் இருக்க வேண்டும்.

* பின் முதுகை மேலே உயர்த்தி, மலை போன்ற நிலையில் இருக்க வேண்டும்.

* அப்படி செய்யும் போது, முகத்தை உள்நோக்கி தாடைப்பகுதி மார்பு பகுதியை தொடுமாறு இருக்க வேண்டும்.

* பின்பு முதுகை கீழேநோக்கி தள்ளி, 'U' வடிவில் இருக்க வேண்டும்.

* அப்படி செய்யும் போது, முகம் மேல் நோக்கி இருக்க வேண்டும்.

* இப்படி தொடர்ந்து உங்களால் முடிந்த வரை மீண்டும் மீண்டும் செய்ய வேண்டும்.

4. அதோ முக ஸ்வனாசனா (Adho mukha Svanasana)

* முதலில் தரையில் குப்புறப்படுத்துக் கொள்ள வேண்டும்.

* பின் படத்தில் காட்டப்பட்டவாறு, உடற்பகுதியை மெதுவாக மேலே உயர்த்து, மலை போன்ற அமைப்பை உருவாக்க வேண்டும்.

* கைகள் தோள்பட்டைக்கு அருகே இல்லாமல் படத்தில் காட்டப்பட்டவாறு சற்று தொலைவில் இருக்க வேண்டும்.

* இந்நிலையில் தரையில் உள்ளங்கைகள் மற்றும் பாதங்கள் மட்டுமே இருக்க வேண்டும். முகம் உள்நோக்கி இருக்க வேண்டும்.

* இந்த ஆசனத்தில் உடல் முக்கோண வடிவில் இருக்க வேண்டும். இந்த நிலையில் சில வினாடிகள் இருந்து, பழைய நிலைக்கு திரும்ப வேண்டும். இந்த ஆசனத்தை குறைந்தது 10 முறை செய்ய வேண்டும்.

5. புஜங்காசனம் (Bhujangasana)

* முதலில் படத்தில் காட்டப்பட்டவாறு தரையில் குப்புற படுக்க வேண்டும்.

* பின் உள்ளங்கைகளை பக்கவாட்டில் தோள்பட்டைக்கு அருகே வைத்து, உடலை மேலே மெதுவாக உயர்த்த வேண்டும்.

* இந்த நிலையில், தரையைத் தொடும் ஒரே உடல் உறுப்புக்கள் என்றால் உள்ளங்கைகள் மற்றும் கீழே உடலாக மட்டுமே இருக்க வேண்டும்.

* இந்த நிலையில் 30 நொடிகள் இருந்து, பின் பழைய நிலைக்கு திரும்ப வேண்டும்.

* இப்படி இந்த ஆசனத்தை 3-4 முறை செய்ய வேண்டும்.

மேலே கொடுக்கப்பட்டுள்ள 5 ஆசனங்களையும் குளிர்காலத்தில் செய்து வந்தால், உடல் வலியின்றி நன்கு ஆரோக்கியமாக இருக்கும். நீங்களும் தினமும் இந்த ஆசனங்களை செய்து பயன் பெறுங்கள்.