செக்ஸ் தலைவலி என்றால் என்ன? அது ஏன் உடலுறவிற்கு முன்னும், பின்னும் ஏற்படுகிறது தெரியுமா?

பலவகை தலைவலி இருக்கலாம்

நிபுணர்களின் கருத்துப்படி, இரண்டு வகை பாலியல் தலைவலிகள் உள்ளன.

• பாலியல் உற்சாகம் அதிகரிக்கும் போது அல்லது தீவிரமடையும் போது தலை மற்றும் கழுத்தில் ஒரு மந்தமான வலி ஏற்படலாம்.
• திடீர், கடுமையான, துடிக்கும் தலைவலி, உச்சக்கட்டத்திற்கு சற்று முன்பு அல்லது தருணத்தில் ஏற்படும்.

சிலருக்கு இரண்டு வகையான தலைவலிகளும் ஒன்றாக வரலாம்.



பாலியல் தலைவலி எவ்வளவு நேரம் நீடிக்கும்?

பெரும்பாலான பாலியல் தலைவலிகள் சில நிமிடங்கள் முதல் பல நிமிடங்கள் வரை நீடிக்கும் என்று ஆய்வுகள் கூறுகிறது. ஆனால் சிலருக்கு இது சில மணிநேரம் முதல் 2 அல்லது 3 நாட்கள் வரை தாமதிக்கலாம்.

"பாலியல் தலைவலி உள்ள பலர் சில மாதங்கள் அதனை மோசமாக அனுபவிப்பார்கள், அதன் பின்னர் அவர்கள் ஒரு வருடம் அல்லது அதற்கு மேல் எதுவும் இதனால் பாதிக்கப்படாமல் இருக்கலாம் " என்று ஆய்வு கூறுகிறது.

"பாலியல் தலைவலி உள்ளவர்களில் பாதி பேர் சுமார் ஆறு மாதங்கள் வரை அவற்றை அனுபவிக்கிறார்கள். சிலர் தங்கள் வாழ்நாளில் ஒரே ஒரு தாக்குதலை மட்டுமே சந்திக்க நேரிடும்" என்று ஆய்வு மேலும் கூறுகிறது.



பாலியல் தலைவலி ஏற்பட காரணங்கள்?

அமெரிக்க மைக்ரேன் அறக்கட்டளை (AMC) ஆய்வின் படி, பாலியல் தலைவலி என்பது வேறு எந்த நிலை அல்லது கோளாறுக்கும் தொடர்பில்லாத முதன்மை தலைவலியாகும். இந்த முதன்மை தலைவலியை உங்கள் தலையில் உள்ள வலி உணர்திறன் அமைப்புகளின் அதிகப்படியான செயல்பாடு அல்லது சிக்கல்களால் ஏற்படும் தலைவலி என்று வரையறுக்கிறது.

பாலியல் தலைவலிக்குப் பின்னால் உள்ள மற்றொரு காரணம் இரத்தக்கசிவு அல்லது பக்கவாதம் போன்ற அடிப்படை நிலை. மேலும், இன்ட்ராக்ரானியல் அனீரிசம், தமனி குறைபாடு, பெருமூளை வாசோகன்ஸ்டிரிக்ஷன் சிண்ட்ரோம், கரோனரி ஆர்டரி நோய் போன்ற சில நோய்களை ஏற்படுத்தலாம்.

பாலியல் தொடர்பான தலைவலி மரபணுக்களுடன் தொடர்புடையது, அதாவது பாலியல் செயல்பாடுகளுடன் தொடர்புடைய தலைவலிகளின் குடும்ப வரலாற்றைக் கொண்டவர்களும் இந்த நிலைக்கு ஆளாகலாம். கூடுதலாக, சில மருந்துகள் பாலியல் தலைவலியைத் தூண்டும்.



எப்போது மருத்துவரை சந்திக்க வேண்டும்?

இரண்டாம் நிலை பாலியல் தலைவலி என்பது சில ஆரோக்கிய பிரச்சினைகளால் ஏற்படக்கூடும். இது உயிருக்கே ஆபத்தான சில ஆரோக்கிய பிரச்சினைகளின் அறிகுறியாகவும் இருக்கலாம். இரண்டாம் நிலை தலைவலியால் ஏற்படும் பிரச்சினைகளில் சில,

• உணர்வு இழப்பு
• குமட்டல் அல்லது வாந்தி
• கழுத்தில் விறைப்பு அல்லது வலி
• இரட்டை பார்வை
• உணர்வின்மை அல்லது பலவீனம்



என்ன செய்ய வேண்டும்?

தொடர்ச்சியான தலைவலி இருந்தால் அல்லது பாலுறவு செயல்பாட்டின் போது தொடர்ந்து அல்லது மீண்டும் மீண்டும் தலைவலி ஏற்பட்டால், மருத்துவரை அணுகுவது நல்லது. உங்களைப் பரிசோதிக்கவும், இந்த நிலைக்கான உறுதியான காரணத்தைப் புரிந்துகொள்ளவும் மருத்துவரை அணுக வேண்டியது அவசியம். எந்தவொரு ஆபத்தான பிரச்சினையையும் முன்கூட்டியே தடுக்க, உடனடியாக சிகிச்சையை நாட வேண்டும், இந்த பிரச்சினையை உறுதிப்படுத்துவது, நோயறிதலுக்குப் பிறகு மட்டுமே சாத்தியமாகும்.