உங்கள் சளியின் நிறத்தை வைத்தே உங்களுக்கு என்ன நோய் ஏற்பட்டுள்ளது என்று கண்டுபிடித்து விடலாம் தெரியும

சளி சாம்பல் அல்லது கருப்பு நிறத்தில் இருந்தால்

உங்கள் சளியின் நிறம் அடர் சாம்பலில் இருந்தால் நீங்கள் அதிகம் புகைபிடிக்கிறீர்கள் என்று அர்த்தம். நீங்கள் புகைபிடிக்கும் போது அதனை உள்ளே இழுப்பதால் அந்த நச்சுப்பொருட்கள் உங்கள் மூச்சுக்குழாயில் சென்று ஒட்டிக்கொள்ளும். இது சளி வழியே வரும்போது அதனுடன் சேர்ந்து வருவதால் அதன் நிறம் மாறுபடும். ஒருவேளை நீங்கள் புகை பிடிக்காதவராக இருந்து உங்கள் சளியின் நிறம் அப்படி இருந்தால் உங்களுக்கு கடுமையான பூஞ்சை தொற்று உள்ளது என்று அர்த்தம்.

சளி மிகவும் கெட்டியாக இருந்தால்

இதன் அர்த்தம் உங்கள் உடலில் நீரின் அளவு மிகவும் குறைந்து விட்டது என்பதாகும். உடலில் நீரின் அளவு குறையும்போது அது சளியை கெட்டியாக்குவதுடன் அதனை தொண்டையில் கட்டிக்கொள்ளவும் செய்யும். இதனால் தொண்டை பகுதி வறட்சியடையும்.

சளி மஞ்சள் அல்லது பச்சை நிறத்தில் இருந்தால்

இதற்கு அர்த்தம் நீங்கள் நிமோனியா, சைனஸ் அல்லது தொண்டை பாதிப்புகளால் பாதிக்கப்பட்டிருப்பீர்கள். இல்லையெனில் உங்கள் சுவாச குழாயில் ஏதாவது பிரச்சினை இருக்கும், இது உங்கள் நோயெதிர்ப்பு மண்டலத்தை பலவீனமடைய வைத்திருக்கும். பச்சை நிற சளி இரத்த வெள்ளை அணுக்களில் இருந்து உருவாகிறது.

சளி சிவப்பு நிறத்தில் இருந்தால்

உங்களுக்கு இரத்தப்போக்கு ஏற்பட்டிருக்கலாம் அல்லது இன்னும் தொடர்ந்து கொண்டு இருக்கலாம். நாசியின் திசுக்களானது வறட்சி அடையும்போது அது இரத்தக்கசிவை ஏற்படுத்தும். சளியின் நிறம் பிங்க் நிறத்தில் இருந்தால் அது முன்னால் ஏற்பட்ட கசிவின் அடையாளம், அடர் சிவப்பு நிறத்தில் இருந்தால் உங்களுக்கு இப்பொழுது இரத்தக்கசிவு ஏற்பட்டுள்ளது என்று அர்த்தம். அடிக்கடி மூக்கிற்குள் துணியை விடுவது இந்த பிரச்சினையின் முக்கிய காரணமாகும்.

நீர் போல தெளிவாக இருந்தால்

நடுத்தர நிலைமையில் இருந்தால் எந்த பிரச்சினையும் இல்லை, ஆனால் அது உங்கள் தொண்டைக்கும், மூக்கிற்கும் தொடர்ந்து மாறுவது போல இருந்தால் நீங்கள் அலர்ஜியால் பாதிக்கப்பட்டுள்ளீர்கள் என்று அர்த்தம். சுவாச மண்டலத்தை பாதிக்கும் ஏதோ தூசியை சுவாசித்துள்ளீர்கள் என்று புரிந்துகொள்ளுங்கள்.

வெள்ளை நிறத்தில் கெட்டியாக இருந்தால்

நீங்கள் நோயில் விழப்போகிறீர்கள் என்று அர்த்தம். இந்த சூழ்நிலையில் நீங்கள் சோர்வாக உணருவீர்கள் அடிக்கடி தும்மல் ஏற்படும். உங்கள் நோயெதிர்ப்பு மண்டலம் நோய்களுக்கு எதிராக போராட அதிக இரத்த வெள்ளை அணுக்களை சுரக்கும், இதனால் உங்கள் சளியின் நிறம் வெள்ளையாக மாறியிருக்கும். நீங்கள் நோயில் விழுந்திருக்கும் உங்கள் நாசி திசுக்கள் வீக்கம் அடைந்திருக்கும், அதனால் அதிக நெருக்கமாக இருப்பதால் சளி கெட்டியாக மாறிவிடும்.

மூக்கில் சளி ஒழுகி கொண்டே இருந்தால்

உங்களுக்கு அரிதான நோயான முதுகெலும்பு கசிவு திரவ நோயாக இருக்கலாம். இந்த நிலையில் முதுகெலும்பு திரவமானது மண்டை ஓட்டின் வழியாக நாசி திசுக்களின் வழியே வெளியேறும்போது ஏற்படும். இது அதீத திரவ நிலையிலும், உப்பு சுவையுடனும் இருந்தால் அது அலர்ஜி என்று தவறாக புரிந்து கொள்ளாதீர்கள், அது மூளை திரவத்தின் வெளிப்பாடாக கூட இருக்கலாம்.

சளி மோசமான துர்நாற்றத்துடன் இருந்தால்

உங்களுக்கு தொற்றுநொய் ஏற்பட்டுள்ளது என்று அர்த்தம். உங்கள் சளியில் துர்நாற்றம் வீசினால் அது பெரும்பாலும் மேல் சுவாசப்பாதையில் ஏற்பட்டுள்ள தொற்றுநோயின் காரணமாகத்தான் இருக்கும். இப்படி சளி வெளிப்படும்போது கன்னத்தில் வலி ஏற்பட்டால் அது பல் தொற்று உங்கள் சுவாச மண்டலத்திற்கு பரவி விட்டது என்று அர்த்தம்.