பெருங்காயத்தை உணவில் சேர்ப்பது உண்மையில் ஆரோக்கியமானதா?

சரும எரிச்சல்

பெருங்காயம் குறிப்பிட்ட அளவை தாண்டும்போது அது சருமத்தில் எரிச்சல், தடிப்புகள், அரிப்பு போன்ற பாதிப்புகளை ஏற்படுத்தும். ஒருவேளை உங்கள் சருமம் அதிக நெகிழ்வுத்தன்மையுடன் இருந்தால் பெருங்காயத்தால் ஏற்படும் பாதிப்புகள் மோசமானதாக இருக்கும். பாதிப்புகள் அதிகம் இருந்தால் உடனடியாக மருத்துவரை அணுகவும்.

உதடுகளில் வீக்கம்

சிலர் தங்கள் உதடுகளில் அசாதரணமான தொல்லைகளை உணருவார்கள். நிலைமை மோசமடையும்போது இது தொண்டை மற்றும் முகத்திலும் பரவ வாய்ப்புள்ளது. இந்த நிலை தொடர்ந்தால் உடனடியாக மருத்துவ உதவிகள் பெறவேண்டியது அவசியம்.

வயிறு தொடர்பான பிரச்சினைகள்

வாயுக்கோளாறு, வயிற்றில் எரிச்சல் உணர்வு மற்றும் வாந்தி போன்றவை பெருங்காயத்தின் முக்கிய பக்கவிளைவுகளாகும். வயிற்றுபோக்கு ஏற்படுவதும் கூட இதன் அறிகுறிதான். மேலும் அடிவயிற்றில் வாயு பிரச்சினை மற்றும் தொடர்ச்சியான ஏப்பம் போன்றவை இதனால் ஏற்படும் மற்ற அசௌகரியங்கள் ஆகும்.

இரத்த அழுத்தத்தை அதிகரிக்கிறது

ஏற்கனவே உயர் அழுத்தம் மற்றும் ஹைபர்டென்சன் அல்லது ஹிபோடென்சன்உள்ளவர்கள் பெருங்காயத்தை உணவில் சேர்ப்பதை அறவே தவிர்க்க வேண்டும் இல்லையெனில் இரத்த அழுத்தம் அதிகரித்து இதய கோளாறுகளை உருவாக்கும்.

தலைவலி மற்றும் மயக்கம்

அதிகளவு பெருங்காயம் சேர்த்துக்கொள்வது தலைவலி மற்றும் மயக்கம் போன்ற பிரச்சினைகளை ஏற்படுத்த வாய்ப்புள்ளது. மேலும் இதனால் நினைவு இழப்பு மற்றும் கவனக்குறைவு போன்ற எதிர்மறை பிரச்சினைகளை ஏற்படுத்தும். இந்த பக்கவிளைவுகள் தாற்காலிகமானவைதான்.

கர்ப்பகாலம் மற்றும் பாலூட்டும் காலம்

கர்ப்பிணி பெண்கள் உணவில் அதிகளவு பெருங்காயத்தை சேர்த்து கொள்வது அவர்களுக்கு நல்லதல்ல. இதனால் கருச்சிதைவு கூட ஏற்படலாம். அதேபோல தாய்ப்பாலூட்டும் பெண்களும் உணவில் பெருங்காயத்தை சேர்த்துக்கொள்ளாமல் இருப்பது நல்லது. ஏனெனில் தாய்ப்பால் மூலம் இது குழந்தைக்கு செல்லும்போது அது அவர்களின் ஆரோக்கியத்தை பாதிக்கும். மேலும் இரத்தம் தொடர்பான பிரச்சினைகளையும் ஏற்படுத்தும்.

வாதம்

உங்களுக்கு வாதம் மற்றும் அது தொடர்பான பிரச்சினைகள் இருந்தால் உணவில் பெருங்காயம் சேர்ப்பதை அறவே தவிர்க்க வேண்டும். இதனால் மாரடைப்பு ஏற்பட வாய்ப்புள்ளது. நரம்பு மண்டல கோளாறுகள் உள்ளவர்கள் பெருங்காயம் சாப்பிடுவது அவர்களின் பாதிப்பை அதிகரிக்கும்.

மற்ற கோளாறுகள்

அதிகளவு பெருங்காயம் உட்கொள்வது சிறுநீரகம் தொடர்பான பிரச்சினைகள், தொண்டை பாதிப்புகள், மறதி மற்றும் ஈரலில் நச்சுப்பொருட்களை அதிகரிப்பது போன்ற பிரச்சினைகளை ஏற்படுத்தும். பெண்களை பொறுத்தவரையில் அதிகளவு பெருங்காயம் சாப்பிடுவது அவர்களின் மாதவிடாய் சுழற்சியில் பாதிப்பை ஏற்படுத்தும்.