தினமும் காலையில சீக்கிரமா எழுந்திருக்கணுமா? நீங்கள் செய்ய வேண்டிய 5 விஷயங்கள் இதுதான்...

Subscribe to Boldsky

காலையில் சீக்கிரம் எழுவது என்பது பல பேருக்கு மிகவும் கடினமான ஒரு விஷயம் ஆகும். அதிகாலையில் தான் தூக்கமும் அதிகமாக வருவது போல் தோன்றும். கண் விழிக்க மனசே வராது. இன்னும் கொஞ்ச நேரம் தூங்கினால் சுகமாக இருக்கும் என்று தோன்றும்.

Tips To Wake Up Early In The Morning

ஆனால் அடுத்தடுத்து இருக்கும் வேலை பளு காரணமாக நாம் எழுந்தாக வேண்டிய நிலை உண்டாகிறது. சில நேரம் இந்த அதிக வேலை பளுவின் காரணமாகவும் தூக்கத்தின் தன்மை பாதித்து காலையில் சீக்கிரம் எழ முடியாத நிலை உண்டாகிறது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
என்ன செய்ய வேண்டும்?

என்ன செய்ய வேண்டும்?

இந்த பிரச்னையை எப்படி எதிர்கொள்வது என்பது பற்றி நாம் இந்த பதிவில் காணலாம். காலையில் விரைவாக எழ இங்கே சில குறிப்புகள் கூறப்பட்டுள்ளன.

1. குறைந்த அளவு இரவு உணவு எடுத்துக் கொள்வது

2. மின்னணு கேட்ஜெட்களை நிறுத்தி வைப்பது

3. படுக்கைக்கு அருகில் அலராம் வைக்காமல் இருப்பது

4. தூங்கச் செல்வதற்கு முன் ஒரு கிளாஸ் தண்ணீர் பருகுவது

5. படுக்கையில் இருந்து எழுந்தவுடன் குளிர்ந்த நீரில் குளிப்பது

1. குறைந்த அளவு இரவு உணவு

1. குறைந்த அளவு இரவு உணவு

இரவு உறங்கச் செல்வதற்கு முன் அதிகமான அளவு உணவு உண்பதை தவிர்ப்பது நல்லது. வயிறு முட்ட உணவு உண்பதால் மறுநாள் விழிக்கும்போது மிகவும் சோம்பலாக உணரத் தோன்றும். அதிகமான அளவு உணவு உண்பதால் அஜீரண கோளாறு உண்டாகலாம். ஆகவே இரவு உறங்கச் செல்வதற்கு முன் குறைந்த அளவு உணவு உண்பதை பழக்கப்படுத்திக் கொள்ள வேண்டும். மிகவும் குறைந்த அளவு உணவை உட்கொள்வதால் நடு இரவில் பசி எடுக்கும் நிலை உண்டாவதால் உறக்கம் கெடுகிறது. மிதமான அளவு உணவை உட்கொள்வதால் தூக்கம் தடைபடாமல் தூங்க முடிகிறது. இதனால் மறுநாள் காலை விரைவாக எழ முடிகிறது.

MOST READ: தயிர் சாப்பிடும்போது கவனிக்க வேண்டிய விஷயம் என்ன? வேகமா புளிக்காம இருக்க என்ன செய்யணும்?

2. மின்னணு கேட்ஜெட்களை நிறுத்தி வைப்பது

2. மின்னணு கேட்ஜெட்களை நிறுத்தி வைப்பது

உறங்கச் செல்வதற்கு முன் எதாவது படிப்பது, அல்லது இசையைக் கேட்டு ரசிப்பது அல்லது கணினி அல்லது தொலைக்காட்சியைப் பார்ப்பது, போன்றவற்றை பழக்கமாகக் கொண்டுள்ளோம். ஆனால் இந்த பழக்கங்கள் பல நேரங்களில் நமது உறக்கத்தைக் கெடுக்கின்றன என்பதை நாம் புரிந்து கொள்வதில்லை. ஆகவே நம்மை நீண்ட நேரம் விழிக்க வைக்கும் இத்தகைய மின்னணு சாதனங்களை உறங்கச் செல்லும் முன் நிறுத்தி வைப்பது நல்லது. மின்னணு சாதனங்களை உறங்கும் நேரத்தில் கையாளுவதால் தூக்கம் பாதிக்கப்பட்டு , மறுநாள் காலை சீக்கிரம் எழ முடியாமல் அந்த நாளில் வேலை பாதிக்கப்படுகிறது.

3. படுக்கைக்கு அருகில் அலராம் வைக்காமல் இருப்பது

3. படுக்கைக்கு அருகில் அலராம் வைக்காமல் இருப்பது

படுக்கையில் அல்லது படுக்கைக்கு அருகில் அலாரத்தை வைத்துக் கொள்வதால், அலாரம் அடிக்கும்போது, உடனடியாக அதனை நிறுத்தி விட்டு மறுபடி தூக்கத்தைத் தொடருவது நமது வாடிக்கையாக உள்ளது. ஆகவே அலாரத்தை படுக்கையை விட்டு தொலைவாக வைத்துக் கொள்வதால், அலராம் அடித்துக் கொண்டே இருக்கும். அதனை நிறுத்த எழுந்து வர வேண்டியிருக்கும். இதனால் தூக்கம் தடைபடும். விரைவாக விழித்து விடுவதால் நாம் திட்டமிடும் வேலையும் பாதிக்காது.

MOST READ: பொடுகைப் போக்கி முடி வளர்ச்சியை வேகமாகத் துண்டும் முள்ளங்கி... எப்படி யூஸ் பண்ணணும்?

4. தூங்கச் செல்வதற்கு முன் தண்ணீர் பருகுவது

4. தூங்கச் செல்வதற்கு முன் தண்ணீர் பருகுவது

இரவில் உறங்குவதற்கு முன் ஒரு கிளாஸ் தண்ணீர் பருக வேண்டும். இதனால் சிறுநீர்ப்பை செயல்பாடு சிறந்த முறையில் ஏற்பட்டு, மறுநாள் காலையில் சிறுநீர் கழிக்கும் உணர்வு ஏற்படும். இதனால் தூக்கம் தொலைந்து விழிப்பு உண்டாகும். அதே நேரம், மிக அதிக அளவு தண்ணீர் பருகுவதால், சிறுநீர்ப்பை நிரம்பி, நடு இரவில் சிறுநீர் கழிக்கும் எண்ணம் தோன்றி, தூக்கம் தடை படலாம். சிறுநீரகம் தொண்டர்பான தொந்தரவுகள் மற்றும் நீரிழிவு நோய் பாதிப்பு உள்ளவர்கள், இதனைத் தவிர்ப்பது நல்லது.

5. குளிர்ந்த நீரில் குளிப்பது

5. குளிர்ந்த நீரில் குளிப்பது

தூக்கத்தில் இருந்து விழிப்பு வந்தவுடன் படுக்கையில் இருந்து எழுந்து கொள்வது நல்லது. படுக்கையிலேயே மீண்டும் புரண்டுக் கொண்டிருந்தால் மறுபடி தூக்கம் தழுவக் கூடும். ஆகவே தூக்கம் தெளிந்தவுடன் படுக்கையில் இருந்து எழுந்து, உங்கள் தினசரி கடமைகளை ஆற்றத் தொடங்குங்கள் . பல் துலக்குவது, காலைக் கடன்களைச் செய்வது போன்றவற்றைத் தொடங்குங்கள். இதனைச் செய்வதால், தூக்கம் தொலைந்து சுறுசுறுப்பாக மாறுவீர்கள். தூக்கம் முழுவதும் தொலைய, குளிர்ந்த நீரில் குளிக்கலாம்.

MOST READ: உங்கள் சருமத்தை முதல்முறையே கலராக்கும் அத்திப்பழம்... எதோடு கலந்து அப்ளை செய்யணும்?

குறிப்புகள்

குறிப்புகள்

மேலே கூறிய குறிப்புகளை முயற்சி செய்வதால் நீங்கள் அதிகாலையில் தூக்கத்தில் இருந்து விழிக்க முடியும். இந்த பயிற்சியைத் தொடங்கும் முதல் நாளிலேயே மிகவும் சீக்கிரமாக எழுவதற்கு முயற்சிக்க வேண்டாம். உங்கள் உடல் அதற்கு ஒத்துழைக்காது. இதனால் உங்கள் உடல் விரைவில் சோர்வடைய நேரும். காலையில் விரைந்து விழிக்க கொஞ்சம் கொஞ்சமாக பழகுங்கள். ஒழுக்கமாகவும், நீங்கள் திட்டமிட்ட நேரத்தில் விழிக்கவும் முயற்சியுங்கள். இதனால் உங்கள் உடல் செயல்பாடுகள் சீராக இருக்கும்.

குறிக்கோள்

குறிக்கோள்

காலையில் சீக்கிரம் விழிக்கும் பழக்கம் வந்தவுடன், அந்த நாளை, தியானம் அல்லதி சில நிமிட யோகாசனம் மூலம் தொடங்குங்கள். இதனால் நாள் முழுவதும் சுறுசுறுப்பாக இருக்க முடியும். உங்கள் உடலின் ஒட்டுமொத்த ஆரோக்கியமும் அதிகரிக்கும். ஆகவே, இந்த குறிப்புகளைப் பின்பற்றி அதிகாலையில் எழுத்து, நேர்மறை எண்ணத்துடன் உங்கள் குறிக்கோளை அடைய முயற்சி செய்யுங்கள். உங்கள் முயற்சிகள் வெற்றி பெற எங்கள் வாழ்த்துகள் ..

மேலும் இந்த பதிவை உங்கள் நண்பர்கள் மத்தியில் பகிர மறக்க வேண்டாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
For Quick Alerts
ALLOW NOTIFICATIONS
For Daily Alerts

    English summary

    5 Simple Tips To Wake Up Early In The Morning

    here we are gving some useful tips for Wake Up Early In The Morning.
    இந்தியாவின் மாபெரும் அரசியல் கருத்துக் கணிப்பு.. நீங்கள் பங்கேற்றீர்களா?
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more