"ஹல்திராம்ஸ்" மனிதர்கள் உண்ண தகுந்தது அல்ல - அமெரிக்க உணவு நிர்வாகம் தடை!!!

அமெரிக்க உணவு மற்றும் மருந்து நிர்வாகம்

இந்திய நிறுவனமான ஹல்திராம்சின் உணவுத் தயாரிப்புகள் உண்ணத் தகுந்ததல்ல என அமெரிக்க உணவு மற்றும் மருந்து நிர்வாகம் நேற்று அறிவித்தது.

இந்தியாவின் பல நொறுக்கு தீனிகள்

ஹல்திராம்ஸ் மட்டுமின்றி இந்தியாவில் தயாரிக்கப்படும் 500க்கும் மேற்பட்ட பல நொறுக்குத்தீனிகள் விற்பனைக்கு தகுதியானதாக இல்லை என்று அமெரிக்க உணவு மற்றும் மருந்து நிர்வாகம் தெரிவித்துள்ளது.

வால் ஸ்ட்ரீட் ஜர்னல்

அதிர்ச்சியை ஏற்படுத்தும் இந்த செய்தி தகவல்கள் அமெரிக்காவின், ‘வால் ஸ்ட்ரீட் ஜர்னல்' என்ற நாளிதழில் செய்தியாக வெளியிடப்பட்டுள்ளது.

ஹல்திராம்ஸ் நிறுவனத்தின் தயாரிப்புகளில் ரசாயனங்கள்

நாக்பூரை மையமாகக் கொண்ட ஹல்திராம்ஸ் உணவு தயாரிப்பு நிறுவனத்தின் உணவுகளில் ரசாயனங்கள் மற்றும் பாக்டீரியாக்கள் அதிக அளவில் இருப்பதாக, அமெரிக்க உணவு மற்றும் மருந்து நிர்வாகம் தெரிவித்துள்ளது.

ஹல்திராம்ஸ் நிறுவனம் மறுப்பு

தங்களது உணவுகள் 100 சதவீதம் பாதுகாப்பான முறையில் தான் தயாரிக்கப்படுகிறது என்றும், சில ரசாயனங்கள் இந்தியாவில் அனுமதிக்கப்பட்டுள்ளது ஆனால் அமெரிக்காவல் அது அனுமதிக்கப்படுவதில்லை எனவும் அந்நிறுவனம் தெரிவித்துள்ளது.

மக்கள் அதிர்ச்சி

அது எப்படி அமெரிக்காவில் நலன் கருதி தடை செய்யப்படும் ஓர் இரசாயனம், இந்தியாவில் அனுமதிக்கப்படுகிறது என மக்கள் கேள்வி எழுப்பியுள்ளனர். அப்போது இதுப் போன்று பல உணவுகள் இந்திய சந்தையில் விற்கப்பட்டு வருகிறதா? எனவும் மக்கள் அதிர்ச்சியில் உள்ளனர்.

அரசு நடவடிக்கை எடுக்குமா?

மேலும், இந்தியாவில் மற்றும் வெளிநாடுகளில் இருந்து தயாரிக்கப்பட்டு இந்தியாவில் விற்கப்படும் அனைத்து உணவுகளையும், மக்களின் நலன் கருதி, இந்திய அரசு கடுமையாக பரிசோதனை செய்து அனுமதிக்க வேண்டும் எனவும் மக்கள் எதிர்பார்க்கின்றனர்.