குளிர்காலத்துல 'இந்த' 5 பழங்கள நீங்க கண்டிப்பா சாப்பிடணுமாம்... இல்லனா என்ன நடக்கும் தெரியுமா?

ஒவ்வொரு பருவகாலமும் மாறும்போது, அதற்கேற்ப நம் உடலையும் மனதையும் தயார் செய்ய வேண்டும். ஏனெனில், பருவ காலங்கள், பல்வேறு உடல்நல பிரச்சனைகளை ஏற்படுத்த வாய்ப்புள்ளது. அதை தவிர்க்க, உங்களை பாதுகாத்துக்கொள்ள பருவ கால உணவுகளை எடுத்துக்கொள்ள வேண்டும்.

பருவ கால உணவுகளில் பழங்கள் மற்றும் காய்கறிகள் முக்கிய பங்கு வகிக்கின்றன. தற்போது குளிர்காலம் தொடங்கிவிட்டது. அதிகாலையிலும் மாலையிலும் குளிர் அதன் முழு விளைவைக் காட்டத் தொடங்கியுள்ளது. இந்த வானிலையிலிருந்து நம்மைப் பாதுகாத்துக் கொள்ள நாம் தயாராக வேண்டிய நேரம் இது.

நம்மை சூடாகவும் வசதியாகவும் வைத்திருக்க பல உணவுகள் இருந்தாலும், ஆரோக்கியமாக இருக்க உதவும் சில பருவ கால பழங்களைப் பற்றி பேசுவோம். இந்த பழங்கள் நோய் எதிர்ப்பு சக்தியை அதிகரிப்பது மட்டுமல்லாமல், நோய்களைத் தடுக்கவும் உதவும். குளிர்காலத்தில் நீங்கள் கட்டாயம் சாப்பிட வேண்டிய பழங்களின் பட்டியல் பற்றி இக்கட்டுரையில் காணலாம்.

ஆப்பிள்

ஆரோக்கியமான வாழ்க்கையை பெற சாப்பிட வேண்டிய வரப்பிரசாத உணவாக ஆப்பிள் உள்ளது. அதனால்தான், தினமும் ஒரு ஆப்பிளை சாப்பிட்டால், நாம் மருத்துவரை சந்திப்பதை தாமதப்படுத்தலாம் என்று கூறப்படுகிறது. குளிர்காலத்தில் ஆப்பிள் பழம் சந்தையில் ஏராளமாக கிடைக்கும். இந்த பழம் உங்கள் ஆரோக்கியத்திற்கு பல்வேறு நன்மைகளை வழங்குகிறது. .

இதில் உள்ள வைட்டமின் சி நோய் எதிர்ப்பு சக்தியை வலுப்படுத்த உதவுகிறது. இது தவிர, குடல் ஆரோக்கியத்தை மேம்படுத்தும் நார்ச்சத்து, பெக்டின் மற்றும் ஆன்டி-ஆக்ஸிடன்ட் பண்புகள் ஆப்பிளில் காணப்படுகின்றன. இந்த பழம் நீரிழிவு நோயாளிகளுக்கும் மிகவும் பயனுள்ளதாக இருக்கும்.

ஆரஞ்சு

இனிப்பு மற்றும் புளிப்பு சுவை நிறைந்த ஆரஞ்சு ஆரோக்கியத்திற்கு மிகவும் நன்மை பயக்கும். இந்த பழத்தில் வைட்டமின் சி, நார்ச்சத்து, பொட்டாசியம், ஃபோலேட் மற்றும் பல ஊட்டச்சத்துக்கள் உள்ளன. இதில் உள்ள வைட்டமின் சி நோய் எதிர்ப்பு சக்தியை அதிகரிக்கிறது. இதன் காரணமாக நீங்கள் பல வகையான தொற்றுநோய்களைத் தவிர்க்கலாம்.

ஆரஞ்சு பழங்களை சாப்பிடுவது புற்றுநோய் அபாயத்தையும் குறைக்கும் என்று நம்பப்படுகிறது. குளிர்காலத்தில் இந்த பழத்தை தவறாமல் சாப்பிடுங்கள். இதனால் நீங்கள் பருவகால நோய்கள் வருவதைத் தவிர்க்கலாம்.

கொய்யாப்பழம்

குளிர்காலத்தில் மிக எளிதாக கிடைக்கும் ஓர் அற்புதமான பழம் கொய்யாப்பழம். ஊட்டச்சத்து பண்புகள் நிறைந்த இந்தப் பழம் ஆரோக்கியத்திற்கு நன்மை பயக்கும். வைட்டமின் ஏ, ஃபோலேட், பொட்டாசியம், நார்ச்சத்து உள்ளிட்ட பல சத்துக்கள் இதில் காணப்படுகின்றன. நீங்கள் செரிமான பிரச்சனைகளால் சிரமப்படுகிறீர்கள் என்றால், கண்டிப்பாக கொய்யாவை உங்கள் உணவில் சேர்த்துக்கொள்ளுங்கள்.

திராட்சை

திராட்சை பழத்தை சாப்பிட யாருக்குத்தான் பிடிக்காது? அவை நார்ச்சத்து நிறைந்தவை. இது செரிமான ஆரோக்கியத்தை மேம்படுத்த உதவுகிறது. திராட்சையில் உள்ள இயற்கையான பைட்டோ கெமிக்கல்கள் வீக்கத்தைக் குறைக்க உதவுகின்றன. இதனால் பல அழற்சி பிரச்சனைகளின் அபாயத்தில் இருந்து உங்களை பாதுகாக்கலாம்.

பிளம்ஸ்

பிளம்ஸ் பழத்தில் வைட்டமின்கள் ஏ, சி மற்றும் கே மற்றும் மாங்கனீஸ், நார்ச்சத்து மற்றும் ஆக்ஸிஜனேற்ற பண்புகள் நிறைந்துள்ளன. உயர் இரத்த அழுத்தம் உள்ள நோயாளிகளுக்கு இது மிகவும் பயனுள்ளதாக இருக்கும். இதில் உள்ள பொட்டாசியம் உயர் இரத்த அழுத்தத்தைக் கட்டுப்படுத்த உதவுகிறது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.