உங்க வீட்டில் பாமாயிலில் சமையல் செய்யுறாங்களா? அப்ப இந்த விஷயங்களை முதலில் அவங்ககிட்ட சொல்லுங்க...!

ஆரோக்கியமான வாழ்க்கை என்று வரும்போது அனைவரின் கவனமும் முதலில் செல்வது உணவு முறையை நோக்கிதான். இளைஞர்கள் பலரும் தற்போது மாரடைப்பால் இறந்து வரும் நிலையில் நாம் எப்படிப்பட்ட வாழ்க்கைமுறையை வாழ்கிறோம் என்று சந்தேகம் அனைவருக்குள்ளும் எழுந்துள்ளது.

மோசமான உணவுமுறை என்று வரும்போது அதில் முதல் குற்றவாளியாக இருப்பது வெளிப்புறங்களில் சாப்பிடும் நொறுக்குதீனிகளும், துரித உணவுகளும்தான். இந்த உணவுகளை ஆரோக்கியமற்றதாக்கும் முக்கியப்பொருள் அது சமைக்கப்படும் எண்ணெய்.

பெரும்பாலும் இந்த உணவுகள் பாமயிலில் சமைக்கப்படுவதாக இருக்கிறது. கடந்தகால ஆய்வுகளில் பாமாயில் மற்றும் இதய நோய்க்கு இடையே உள்ள தொடர்பு விளக்கப்பட்டுள்ளன. உலகின் சில பகுதிகளில், பாமாயில் விலங்குகளின் தீவனமாகவும் உயிரி எரிபொருளாகவும் பயன்படுத்தப்படுகிறது. ஆனால் நம் நாட்டில் அதிகளவு மக்களால் சமையலுக்கு பயன்படுத்தப்படுகிறது.

பாமாயில் என்றால் என்ன?

வெப்பமண்டல பகுதிகளில் பயிரிடப்படும் எண்ணெய் பனை மரங்களின் பழங்களில் இருந்தது பாமாயில் தயாரிக்கப்படுகிறது, ஒரு வகை தாவர எண்ணெயாகும். இது உணவு, அழகுசாதனப் பொருட்கள் மற்றும் உயிரி எரிபொருள் உள்ளிட்ட பல்வேறு பொருட்களில் பயன்படுத்தப்படுகிறது. பாமாயில் அதன் பல்துறை, மலிவான விலை மற்றும் அதிக வெப்பநிலையை உடைக்காமல் தாங்கும் திறனுக்காக பரவலாக பயன்படுத்தப்படுகிறது.

பாமாயிலை அதிகமாக இறக்குமதி செய்யும் நாடு இந்தியா

உலக சுகாதார அமைப்பின் அறிக்கையின் படி, உலகிலேயே அதிகமாக பாமாயிலை இறக்குமதி செய்யும் நாடாக இந்தியா உள்ளது. பெரும்பாலான துரித உணவுகள், சிப்ஸ், குக்கீகள், பிஸ்கட்கள் இந்தியாவில் பாமாயிலில் தயாரிக்கப்படுவதை அதன் லேபிளை படித்தால் தெரியும்.

இதற்கு காரணம் அது மலிவானது மற்றும் உற்பத்திச் செலவைக் குறைக்கிறது. பல ஊட்டச்சத்து நிபுணர்கள் பாமாயில், பாமோலின் எண்ணெய் அல்லது பால்மிட்டிக் அமிலம் கொண்ட பொருட்களைத் தவிர்க்க பரிந்துரைக்கின்றனர். பாமாயிலை ஏன் தவிர்க்க வேண்டும் என்பதற்கான முக்கியக் காரணங்கள் என்னென்ன என்று மேற்கொண்டு பார்க்கலாம்.

பாமாயில் ஏன் ஆபத்தானது?

பாமாயிலில் 50 சதவீதம் ட்ரைகிளிசரைடுகள் உள்ளன, அவை பக்கவாதம் மற்றும் மாரடைப்பு அபாயத்தை அதிகரிக்கின்றன. பாமாயிலை தொடர்ந்து உட்கொள்வது தமனிகளை கடினப்படுத்துகிறது மற்றும் தடிமனாக்குகிறது மற்றும் இதய நோய்களின் வாய்ப்புகளை வேகமாக அதிகரிக்கிறது.

பாமாயில் ஆலிவ் ஆயிலை விட சிறந்ததா?

நிச்சயமாக இல்லை. பாமாயிலை விட ஆலிவ் எண்ணெய் சிறந்தது, ஏனெனில் அதில் 55-80 சதவீதம் ஒலிக் அமிலம் உள்ளது. இது இதய ஆரோக்கியத்தை பாதுகாக்கும் கொழுப்பு அமிலமாகும். பாமாயிலில் ஓய்ந்த அமிலம் 40 சதவீதம் மட்டுமே உள்ளது.

நிபுணர்கள் சொல்வதென்ன?

ஊட்டச்சத்து நிபுணர்கள் கூறுகையில், பாமாயிலில் நிறைவுற்ற கொழுப்புச் சத்து அதிகம் உள்ளதாகவும், அதனை தொடர்ந்து உட்கொள்வது கெட்ட கொழுப்பின் அளவை அதிகரிக்கச் செய்யும் என்றும் அறியப்படுகிறது.

அதிக ஸ்மோக்கிங் பாயிண்ட் காரணமாக, இது சமையலுக்கும், சாப்பிடுவதற்குத் தயாராக உள்ள மற்றும் தானியங்கள், குக்கீகள், மஃபின்கள், சாக்லேட்கள், வெண்ணெயை போன்ற பதப்படுத்தப்பட்ட உணவுகளிலும் பரவலாகப் பயன்படுத்தப்படுகிறது. எனவே இது இதய நோய்களின் அபாயத்தை அதிகரிக்கிறது. எனவே இதற்கு மாற்றாக வேறு கொழுப்பு மூலங்களை பயன்படுத்த வேண்டும்.

கொழுப்பு அளவை அதிகரிக்கும்

பாமாயில் கொழுப்பின் அளவைக் குறைக்கிறது என்று சில ஆராய்ச்சியாளர்கள் கருதினாலும், அது கெட்ட கொழுப்பை உயர்த்துவதாகக் கூறும் நிபுணர்கள் உள்ளனர். சமீபத்திய ஆய்வின்படி, பாமாயில் வெண்ணெயை விட ஆரோக்கியமானது, ஆனால் இது நிச்சயமாக கொழுப்பின் அளவை உயர்த்தும் திறன் கொண்டது, எனவே நீங்கள் இதய நோயால் பாதிக்கப்பட்டிருந்தால் அதனை நிச்சயம் தவிர்க்க வேண்டும்.

இதய நோய் ஏற்படும் ஆபத்தை அதிகரிக்கும்

மற்ற எண்ணெய்களுடன் ஒப்பிடுகையில் பாமாயில் அதிக நிறைவுற்ற கொழுப்பு உள்ளடக்கத்தை கொண்டுள்ளது. ஆய்வுகளின் படி, இதில் சுமார் 34 சதவீதம் நிறைவுற்ற கொழுப்பு உள்ளது, அதே சமயம் ஆலிவ் எண்ணெயில் இதில் பாதியை விட குறைவாகவே உள்ளது. அதனால் இதய நோய் ஏற்படும் வாய்ப்பை அதிகரிக்கிறது.

பாமயிலை சாப்பிடலாமா? கூடாதா?

இதற்கான தெளிவான பதில் இதுவரை கண்டறியப்படவில்லை. பாமாயிலைப் பயன்படுத்துவதில் நன்மைகள் மற்றும் தீமைகள் இருந்தாலும், உற்பத்தியின் சுற்றுச்சூழல் பாதிப்புகள் மற்றும் அதிகளவு நுகர்வுகளால் ஏற்படும் உடல்நலக் கேடுகள் ஆகியவற்றை கவனத்தில் எடுத்துக்கொள்வது அவசியம். நீங்கள் பாமாயிலை உணவில் சேர்த்துக் கொள்ள முடிவு செய்தால், அது மிதமான அளவில் இருக்க வேண்டியது முக்கியம்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.