தினமும் நைட் நீங்க 'இத' சரியா பண்ணலானா.... உங்க பிபி அளவு எக்கச்சக்கமா அதிகரிக்குமாம்...ஜாக்கிரதை!

தூக்கம் என்பது தினசரி வழக்கத்தின் ஒரு முக்கியமான பகுதியாகும். நம் ஒவ்வொருவருக்கும் இன்றியமையாத தூக்கமானது, நம் உடல் ஆரோக்கியத்தோடு இணைக்கப்பட்டுள்ளது. ஆம், தரமான தூக்கத்தை நீங்கள் பெறாவிட்டால், பல உடல்நலப் பிரச்சினைகளை சந்திக்க நேரிடலாம்.

மோசமான தூக்கம் குறைந்த ஆற்றல் நிலைகள், மனநிலை மாற்றங்கள், கவனம் செலுத்துவதில் சிரமம், குறைந்த சிந்தனை மற்றும் செரிமான பிரச்சனைகளுக்கு வழிவகுக்கும். உயர் இரத்த அழுத்தம் இதழில் வெளியிடப்பட்ட புதிய ஆராய்ச்சியின் படி, தூக்கமின்மை பிரச்சனையால் அவதிப்படும் பெண்கள் உயர் இரத்த அழுத்தம் ஏற்படுவதற்கான அதிக ஆபத்தில் இருக்கலாம்.

தூக்கத்திற்கும் இரத்த அழுத்தத்திற்கும் இடையிலான தொடர்பு

இந்த ஆய்விற்காக, ஆராய்ச்சியாளர்கள் 16 ஆண்டுகளுக்கும் மேலாக 25 முதல் 42 வயதுக்குட்பட்ட 66,000 பெண்களை ஆய்வு செய்தனர். ஆய்வு தொடங்கியபோது பங்கேற்பாளர்கள் எவருக்கும் உயர் இரத்த அழுத்தம் இல்லை.

ஆராய்ச்சியாளர்கள் பங்கேற்பாளர்களின் தூக்கத்தின் அளவு, அத்துடன் தூங்குவதில் சிரமம், நள்ளிரவில் எழுந்திருப்பது மற்றும் தூக்கமின்மை பிரச்சனையால் அவதியடைவது போன்ற எந்த தூக்க பிரச்சனைகளையும் பதிவு செய்தனர். பங்கேற்பாளர்களின் வயது, இனம், பிஎம்ஐ, உணவு, உடற்பயிற்சி, உயர் இரத்த அழுத்தத்தின் குடும்ப வரலாறு மற்றும் பிற தேவையான காரணிகளின் தகவல்களை சேகரித்தனர்.

ஆய்வின் கண்டுபிடிப்புகள்

அதிக தூக்கமின்மை பிரச்சனை உள்ள பெண்களுக்கு குறைவான உடல் செயல்பாடு, மோசமான உணவு, அதிக பி.எம்.ஐ மற்றும் உயர் இரத்த அழுத்தம் இருப்பதற்கான வாய்ப்புகள் அதிகம் உள்ளதாக ஆராய்ச்சியாளர்கள் கண்டறிந்தனர். இந்த ஆய்வு முழுவதும் 26,000 க்கும் குறைவான உயர் இரத்த அழுத்த வழக்குகளை ஆராய்ச்சியாளர்கள் பதிவு செய்துள்ளனர்.

ஒரு இரவில் 7-8 மணி நேரத்திற்கும் குறைவாக தூங்கும் பெண்கள் அதிக இரத்த அழுத்த பிரச்சனையால் பாதிக்கப்படுவதற்கான வாய்ப்புகள் அதிகம் என்று அவர்கள் கண்டறிந்தனர். குறைந்த மணிநேர தூக்கத்துடன், தூக்கக் கஷ்டங்களும் உயர் இரத்த அழுத்தம் ஏற்படுவதற்கான அதிக வாய்ப்புடன் இணைக்கப்பட்டுள்ளன.

ஆய்வின் கண்டுபிடிப்புகள் ஏன் முக்கியம்?

இந்த ஆய்வின் கண்டுபிடிப்புகள் தூக்கமின்மையின் அறிகுறிகளுடன் போராடும் நபர்கள் உயர் இரத்த அழுத்தத்தின் ஆபத்தில் இருக்கக்கூடும் என்றும், முன்னெச்சரிக்கை நடவடிக்கை மேற்கொண்டு பயனடையலாம் என்றும் தெரிவிக்கிறது. மேலும், விரைவில் நாம் உயர் இரத்த அழுத்தம் உள்ளவர்களைக் கண்டறிந்து, அவர்களுக்கு சிகிச்சை அளிக்க முடியும்.

எதிர்காலத்தில் ஏற்படும் உடல்நலப் பிரச்சினைகளை முன்க்கூட்டியே கண்டறிந்து சரிசெய்ய முடியும். அத்துடன் ஆபத்தான நிலைக்கு செல்லாமல் தடுக்க முடியும். மோசமான தூக்கத்திற்கும் உயர் இரத்த அழுத்தத்திற்கும் இடையே உள்ள தொடர்பை ஆய்வு நிரூபிக்கிறது. மேலும், இந்த இணைப்பை முழுவதுமாக புரிந்துகொள்ள கூடுதல் ஆராய்ச்சி தேவைப்படுகிறது.

தூக்கத்தின் தரத்தை மேம்படுத்துவதற்கான உதவிக்குறிப்புகள்

உங்கள் தூக்கத்தின் தரத்தை மேம்படுத்த, நிலையான தூக்கம் மற்றும் விழிப்பு அட்டவணையை உருவாக்குவது முக்கியம். இது இரவில் சரியாக தூங்கச் செல்வதும், காலையில் சரியாக எழும் வழக்கமாக மாறலாம். ஒவ்வொரு நாளும், இதை நீங்கள் பின்பற்றும்போது, ஆரோக்கியமான வாழ்க்கைமுறையை பின்பற்றுகிறீர்கள் எனப் புரிந்துகொள்ளலாம்.

தொடர்ந்து உடற்பயிற்சி செய்வது உங்கள் உடலையும் மூளையையும் ஆழ்ந்த தூக்கத்திற்கு தயார் படுத்தும். உயர் இரத்த அழுத்தத்தைத் தடுப்பதற்கும் ஒரு சிறந்த வழியாகும். தூக்கத்தில் சிரமங்களை நீங்கள் சந்தித்தால் அல்லது உங்களுக்கு தூக்கமின்மை இருப்பதாக நீங்கள் சந்தேகித்தால், உதவிக்கு உங்கள் மருத்துவரை அணுகுங்கள்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.