பண்டைய கால மருத்துவ நூலான சரகா சம்ஹிதாவில் கூறியுள்ள வெங்காயத்தின் அற்புத பலன்கள் என்ன தெரியுமா?

வெங்காயம்

வெங்காயம் பொதுவாக வெவ்வேறு உணவு தயாரிப்புகளில் பயன்படுத்தப்படுகிறது. இந்த உலகத்தில் இருக்கும் அனைத்து வீடுகளின் சமையலறையிலும் வெங்காயம் கண்டிப்பாக இருக்கும். வெங்காயம் உணவின் சுவைக்காக மட்டும் பயன்படுத்துவதல்ல, அதில் பல ஆரோக்கிய நன்மைகளும் நிறைந்துள்ளது.

உடல் பகுப்பாய்வு

குறைந்த கலோரி கொண்ட இந்த பொருளில் வெவ்வேறு ஊட்டச்சத்துக்கள், தாதுக்கள், வைட்டமின்கள் மற்றும் ஆக்ஸிஜனேற்றிகள் நிறைந்துள்ளன. அதனால் இது பல உடல்நல பிரச்சினைகளுக்கு தீர்வாக அமைகிறது. வெங்காயம் உங்கள் உடலின் பல்வேறு பிரச்சினைகளை எப்படி தீர்க்கிறது என்று மேற்கொண்டு பார்க்கலாம்.

காது அடைப்பு

முதலில், வெங்காயத்தின் மென்மையான மையத்தை ஒரு துணியால் அகற்றவும். பின்னர் காது மடலின் ஆரம்பத்தில் இதனை வைக்கவும். அதன்பின் வெங்காயத்தை இரவு முழுவதும் காதில் இருக்கும்படி பார்த்து கொள்ளுங்கள். இது காதில் இருக்கும் அடைப்புகளை வெளியேற்றும் எளிய வழியாகும்.

தீக்காயங்கள்

உங்கள் உடலில் தீக்காயங்கள் உள்ளதா? வெங்காயத்தை இரண்டாக வெட்டி அதனை பாதிக்கப்பட்ட இடத்தில் வைக்கவும். இது விரைவில் உங்களின் வலியை குறைக்கும். மேலும் எரிச்சலை குணப்படுத்தும்.

பூச்சிக் கடிகள்

பூச்சிக் கடிகள் பலருக்கும் ஒவ்வாமையை ஏற்படுத்தும். குளவி அல்லது தேனீ கடித்து விட்டால் சருமத்தில் இருக்கும் கொடுக்கை முதலில் எடுத்துவிடுங்கள். அதனை எடுத்தவுடன் வெங்கயாத்தை நசுக்கி அந்த இடத்தில் வைக்கவும். சில நிமிடங்கள் அதனை அப்படியே வைக்கவும். வலி விரைவில் குறையும்.

அதிக உடல் வெப்பநிலை

ஒருவருக்கு காய்ச்சல் இருந்தால், அவர்களின் உடல் வழக்கத்திற்கு மாறாக அதிக வெப்பநிலையுடன் இருக்கும். இதனை குறைப்பதற்காக சாக்ஸில் வெங்காயத் துண்டுகளை போட்டு காலில் வைப்பது பல நூற்றாண்டுகளாக பின்பற்றப்பட்டு வரும் முறையாகும். இது உங்கள் வெப்பநிலையை விரைவில் சகஜ நிலைக்கு கொண்டுவரும்.

நச்சுக்களை நீக்கும்

வெங்காயத்தில் உள்ள ஆன்டிஆக்ஸிடன்ட்கள் உடலில் உள்ள நச்சுக்களை அகற்றுவதில் மிகவும் பயனுள்ளதாக இருக்கும். சிறந்த ஆரோக்கியத்திற்கு இந்த ஊட்டச்சத்து அதிகமுள்ள உணவை உட்கொள்வது அவசியமாகும்.

சிறுநீர் பாதை தோற்று

தண்ணீர் நிரம்பிய ஒரு பாத்திரத்தில் வெங்காயத்தை போட்டு கொதிக்க வைக்கவும், பின்னர் நன்கு கொதிக்கும் வரை காத்திருக்கவும். பின்னர் இதனை வடிகட்டி ஆறியபின் குடிக்கவும். இதில் இருக்கும் பாக்டீரியா எதிர்ப்பு பண்புகள் சிறுநீர் கழிப்பதில் ஏற்படும் எரிச்சல் உணர்வை கட்டுப்படுத்தும்.

சுவாசப் பிரச்சினைகள்

வெங்காயச்சாறு மற்றும் தேனை சரியான அளவில் கலந்து கொண்டு அதனை தினமும் மூன்று அல்லது நான்கு ஸ்பூன் குடிக்கவும். இது சளியை குணப்படுத்துவதோடு மேலும் அது உருவாவதையும் தடுக்கிறது. இது பொதுவாக ஜலதோஷத்திற்கு எதிரான சிறந்த சிகிச்சைகளில் ஒன்றாகும்.

பாலியல் ஆற்றல்

ஆற்றலை அதிகரிப்பதிலும், படுக்கையில் சிறப்பாக செய்லபட உதவுவதிலும் பூண்டுக்கு அடுத்த இடத்தில் வெங்காயம் உள்ளது. இதற்கு மற்ற வெங்காயங்களை காட்டிலும் வெள்ளை வெங்காயம் சிறப்பான பலன்களை வழங்கும்.

இரத்த அழுத்தம்

சமைத்த அல்லது சமைக்காத வெங்காயத்தை சாப்பிடுவது உங்களின் இரத்த அழுத்தத்தை தன்னிச்சையாக குறைக்க உதவும். மேலும் இரத்தம் உறைவதை தடுக்கிறது, இரத்தத்தில் இருக்கும் பலவீனமான கொழுப்புகளை அழிக்கிறது.