முக்கியமான வைட்டமின்களும் அவை அதிகம் இருக்கும் உணவுகளும்

வைட்டமின் ஏ

நமது உடலின் ஆரோக்கியத்திற்கு மிகவும் முக்கியமான ஒரு வைட்டமின் ஏ. நமது உடலின் ஒட்டுமொத்த வளர்ச்சிதை மாற்றத்திற்கு இது அத்தியாவசியமானதாகும். எலும்பு, பற்கள், நரம்பு மண்டலம், கண் என அனைத்தின் ஆரோக்கியத்திற்கும் வைட்டமின் ஏ அவசியமாகும். முட்டை, மீன், கேரட் மற்றும் பாலில் வைட்டமின் ஏ அதிகம் உள்ளது.

வைட்டமின் சி

வைட்டமின் சி தொற்றுநோய் பரவாமலும், காயங்கள் விரைவில் குணமாகவும், நோயெதிர்ப்பு மண்டலத்தை வலுப்படுத்தவும், இரும்பு சத்தை உறிஞ்சவும் பயன்படுகிறது. மேலும் இதுதான் சரும ஆரோக்கியத்திற்கும் அவசியமான வைட்டமின் ஆகும். ப்ரோக்கோலி, மிளகு, பப்பாளி, சிட்ரஸ் அமிலம் உள்ள பழங்கள் போன்றவற்றில் இது அதிகம் உள்ளது.

வைட்டமின் டி

நமது எலும்புகளின் ஆரோக்கியத்திற்கு மிகவும் அவசியமான சத்து கால்சியம் ஆகும். இதனை நமது எலும்புகளுக்கும், பற்களுக்கும் தேவையான அளவு வழங்குவது வைட்டமின் டி தான். வெண்ணெய், முட்டையின் வெள்ளைக்கரு, சில மீன்கள் போன்றவற்றில் வைட்டமின் டி உள்ளது.

வைட்டமின் ஈ

உடலில் உள்ள செல்களை சேதத்தில் இருந்து பாதுகாக்க வைட்டமின் ஈ மிகவும் அவசியமானதாகும். தசைகளை வலுப்படுத்த மற்றும் புற்றுநோய் செல்களுக்கு எதிராக போராடக்கூடிய இரத்த சிவப்பு அணுக்களை போராட வைக்கிறது. முட்டை, கோதுமை, காய்கறிகள் எண்னெய் மற்றும் சில விதைகளில் வைட்டமின் ஈ உள்ளது.

வைட்டமின் கே

வைட்டமின் கே இரத்த நாளங்களின் ஆரோக்கியம், எலும்புகளின் ஆரோக்கியம் மற்றும் இரத்த கசிவை கட்டுப்படுத்த அவசியமான வைட்டமின் ஆகும். ஈரல், பச்சை காய்கறிகள் மற்றும் இறைச்சியில் இது அதிகம் உள்ளது.

வைட்டமின் பி1(தயாமைன்)

நமது உடலின் வளர்ச்சிதை மாற்றத்தை சீரமைப்பதில் வைட்டமின் பி1 முக்கியப்பங்கு வகிக்கிறது. மேலும் பசியை கட்டுப்படுத்துவது, செரிமானம் மற்றும் நரம்பு மண்டலத்தை சீராக செயல்பட வைப்பது போன்ற வேலைகளையும் செய்கிறது. முட்டை, கொட்டைகள், பால், பருப்பு மற்றும் பட்டாணியில் இது அதிகம் உள்ளது.

வைட்டமின் பி2(ரிபோபிளவின்)

தொற்றுநோய்களுக்கு எதிராக நமது உடல் போராட வைட்டமின் பி2 அவசியமாகும். மேலும் பொலிவான சருமம், சீரான பார்வை மற்றும் இரத்த சிவப்பு அணுக்களின் உற்பத்தி போன்றவற்றையும் செய்கிறது. பால் பொருட்கள், அவகோடோ, காளான், உருளைக்கிழங்கு போன்றவற்றில் வைட்டமின் பி2 உள்ளது.

வைட்டமின் பி3(நியாசின்)

இது நமது உடலுக்கு தேவையான ஆற்றலை வழங்குவதுடன் நரம்பு மற்றும் இரத்த நாளங்களை சீராக செயல்பட உதவுகிறது. மேலும் இது கொழுப்பின் அளவை குறைக்கும் ஆற்றலுடையது. டூனா மீன், காளான், பீனட் மற்றும் பட்டாணியில் வைட்டமின் பி3 உள்ளது.

வைட்டமின் பி5(பெண்தொடேனிக் அமிலம்)

வைட்டமின் பி6 கொழுப்பு குறைப்பு, ஹீமோகுளோபின் மற்றும் ஹார்மோன்கள் சமநிலை மற்றும் சர்க்கரை அல்வாய் குறைப்பது போன்ற வேலைகளை செய்கிறது. இறைச்சி, முழுதானியங்கள், பால் பொருட்கள், மீன் போன்றவற்றில் இது அதிகம் உள்ளது.