முட்டையை 7 நாள் இப்படி சாப்பிட்டா தொப்பை வேகமா குறையுமாம்... ட்ரை பண்ணி பாருங்க...

Seven Day Egg Diet For Weight Loss: தற்போது இன்டர்நெட்டில் அதிகம் தேடப்படும் ஒரு சொல்லாக எடை இழப்பு உள்ளது. ஏனெனில் தற்போதைய உடலுழைப்பில்லாத வாழ்க்கை முறை, ஆரோக்கியமற்ற உணவுகள் மற்றும் ஒழுங்கற்ற தூக்க பழக்கஙக்ள் போன்றவற்றால் ஒருவரது உடல் எடை அதிகரிக்கிறது. உடல் எடை அதிகரித்து விட்டால் அதைக் குறைப்பது என்பதை அவ்வளவு சுலபமல்ல. சில சமயங்களில் உடல் எடையைக் குறைக்க முடியாமலும் போகலாம். ஆயினும், உடல் எடையைக் குறைக்க பல்வேறு டயட்டுகள் தற்போது இணையத்தில் உலாவிக் கொண்டிருக்கின்றன.

உணவுகளும், சில பழக்கங்களும் தானே நமது எடையை அதிகரித்தன. அதே உணவுகள் மற்றும் பழக்கங்களின் மூலமே நமது எடையைக் குறைக்கலாம். அந்த வகையில் சில எடை இழப்பு டயட்டுகள் மிகவும் கடுமையாக இருப்பதோடு, குறுகிய காலத்தில் எடையை குறைக்க உதவுகின்றன. அப்படிப்பட்ட ஒரு டயட் தான் 7 நாள் முட்டை டயட். இந்த டயட்டில் முட்டை பல வடிவங்களில் உட்கொள்ளப்படுகிறது. இப்போது இந்த 7 நாள் முட்டை டயட் அல்லது ஒரு வார முட்டை டயட் பற்றி சற்று விரிவாக காண்போம்.