Skin Care: உங்க முகத்தில் இருக்கும் கரும்புள்ளிகளை வலியே இல்லாம நீக்கணுமா? இந்த வழிகளை ட்ரை பண்ணுங்க...!

Skin Care Tips: முகப்பரு என்பது வரும் சிவப்பு நிற புள்ளிகளைப் பற்றியது மட்டுமல்ல. முகப்பருவின் பொதுவான வடிவமான கரும்புள்ளிகளையும் நீங்கள் பெறலாம், அவை சரும தோற்றத்தைப் பாதிக்கும் அடர் நிற புள்ளிகளாகும். அவை மூக்கு மற்றும் முகம் அல்லது முதுகு அல்லது மார்பின் பிற பகுதிகளில் தோன்றும். அவற்றை நகத்தால் எடுப்பது மிகவும் எளிதானது, ஆனால் எதிர்பார்க்கும் பலனை அளிக்காது.

பிளாக்ஹெட்ஸை அகற்ற நீங்கள் கிளினிக் அல்லது பார்லருக்குச் செல்லலாம். ஆனால் அதற்கு சில இயற்கை வழிகளும் உள்ளன. கரும்புள்ளிகளைப் போக்க நீங்கள் இந்த வீட்டு வைத்தியத்தை முயற்சி செய்யலாம். உங்கள் முகத்தில் இருக்கும் கரும்புள்ளிகளை அகற்ற உதவும் எளிய வீட்டு வைத்தியங்கள் என்னென்ன என்று இந்த பதிவில் தெரிந்து கொள்ளலாம்.

கரும்புள்ளிகள் என்றால் என்ன?

கரும்புள்ளிகள் அறிவியல்ரீதியாக திறந்த காமெடோன்கள் என்று அழைக்கப்படுகிறது, இது பொதுவாக தோலில் தோன்றும் ஒரு வகையான முகப்பரு புண் ஆகும். உரோமக்கால் விரிவடைந்து அதிகப்படியான எண்ணெய் மற்றும் இறந்த சரும செல்களால் அடைக்கப்படும் போது இது உருவாகிறது. கரும்புள்ளிகள் கருமை நிறத்தில் இருப்பதற்குக் காரணம், தோலின் மேற்பரப்பில் துளை திறந்திருக்கும் போது, அடைபட்ட பொருள் காற்றில் வெளிப்படும். இது ஆக்ஸிஜனேற்றத்தை ஏற்படுத்துவதால் கருமை நிறமாக மாறும்.

முல்தானி மிட்டி மற்றும் ஆரஞ்சு தோல்

முல்தானி மிட்டி மற்றும் ஆரஞ்சு தோலை நன்கு கலந்து, பாதிக்கப்பட்ட பகுதியில் மெதுவாக ஸ்க்ரப் செய்யவும். 5 முதல் 10 நிமிடங்கள் அப்படியே விடவும். மெதுவாக ஸ்க்ரப் செய்து, பின்னர் உங்கள் முகத்தை தண்ணீரில் கழுவவும். முல்தானி மிட்டி எண்ணெய் உறிஞ்சும் பண்புகளுக்கு பெயர் பெற்றது, இது சருமத்தில் அதிகப்படியான எண்ணெயைக் கட்டுப்படுத்துகிறது என்கிறார். ஆரஞ்சு பழத்தோலில் வைட்டமின் சி மற்றும் சிட்ரிக் அமிலம் உள்ளது, இது சருமத்தை பிரகாசமாக்கும், சருமத்தின் அமைப்பை மேம்படுத்தும் மற்றும் கரும்புள்ளிகளின் தோற்றத்தை குறைக்கும்.

தண்ணீர் மற்றும் பேக்கிங் சோடா

பேக்கிங் சோடாவை தண்ணீரில் கலந்து கெட்டியான பேஸ்ட்டை உருவாக்கலாம். ஈரமான சருமத்தில் இந்த பேஸ்ட்டைத் தடவி மெதுவாக மசாஜ் செய்யவும். அவ்வாறு செய்யும்போது, கரும்புள்ளிகள் உள்ள பகுதிகளில் அதிக கவனம் செலுத்துங்கள். சில நிமிடங்களுக்கு ஸ்க்ரப்பை விட்டுவிட்டு, உங்கள் முகத்தை வெதுவெதுப்பான நீரில் கழுவவும்.

சர்க்கரை மற்றும் எலுமிச்சை சாறு

அரை எலுமிச்சை சாறுடன் ஒரு தேக்கரண்டி கிரானுலேட்டட் சர்க்கரையை கலக்கவும். சர்க்கரை மற்றும் எலுமிச்சை சேர்த்து கரகரப்பானப் பேஸ்ட்டை உருவாக்கவும். இந்த கலவையை உங்கள் தோலில் மெதுவாக மசாஜ் செய்து ஐந்து முதல் 10 நிமிடங்கள் வரை விட்டு பின் வெதுவெதுப்பான நீரில் கழுவவும். சர்க்கரைத் துகள்கள் உரிக்க உதவுகின்றன, அதே சமயம் எலுமிச்சை சாறு சருமத்தை பிரகாசமாக்க உதவும்.

பப்பாளி, பால் பவுடர், எலுமிச்சை சாறு மற்றும் அரிசி மாவு

பப்பாளி, பால் பவுடர், எலுமிச்சை சாறு மற்றும் அரிசி மாவு ஆகியவற்றை பேஸ்டாக வரும் வரை கலக்கவும். இதை உங்கள் முகத்தில் தடவி, மெதுவாக ஸ்க்ரப் செய்து 5 முதல் 10 நிமிடங்கள் வரை விட்டு, இறுதியாக, உங்கள் முகத்தை வெதுவெதுப்பான நீரில் கழுவவும். பப்பாளியில் பப்பேன் போன்ற இயற்கை என்சைம்கள் உள்ளன, இது இறந்த சரும செல்கள் மற்றும் அதிகப்படியான எண்ணெயை உடைத்து கரைக்க உதவும். இந்த நொதி கரும்புள்ளிகளை சிறப்பாக அகற்றும்.

தேன் மற்றும் இலவங்கப்பட்டை ஸ்க்ரப்

ஒரு டேபிள் ஸ்பூன் தேன் மற்றும் அரை டீஸ்பூன் இலவங்கப்பட்டை தூள் கலந்து, அனைத்து பொருட்களும் நன்றாக சேரும் வரை காத்திருக்கவும். இதை உங்கள் முகத்தில் தடவி மெதுவாக ஸ்க்ரப் செய்து பின்னர் 10 நிமிடம் விட்டு முகத்தை கழுவவும். தேனில் இயற்கையான பாக்டீரியா எதிர்ப்பு பண்புகள் உள்ளன, மேலும் இலவங்கப்பட்டை சருமத்தில் இரத்த ஓட்டத்தை மேம்படுத்த உதவும்.