தலைக்கு ஹென்னா போட்டா சளி பிடிக்கும்-ன்னு பயப்படுறீங்களா? அப்ப இத ஃபாலோ பண்ணுங்க..

டிப்ஸ் #1

ஹென்னா குளிர்ச்சியானது என்பதால் குளிர்காலத்தில் இவற்றைப் பயன்படுத்துவது சற்று ஆபத்தானது தான். ஆனால் குளிர்காலத்தில் ஹென்னாவால் சளி பிடிக்காமல் இருக்க, ஹென்னா பேஸ்ட்டை ஊற வைக்கும் போது, அதில் 2-3 கிராம்புகளை சேர்த்துக் கொள்ள வேண்டும். இப்படி செய்வதன் மூலம், சளி மற்றும் இருமல் பிரச்சனையைத் தவிர்க்கலாம்.

டிப்ஸ் #2

குளிர்காலத்தில் உங்களுக்கு ஏற்கனவே சளி தொடர்பான ஆரோக்கிய பிரச்சனைகள் இருந்தால், ஹென்னாவில் எண்ணெய், தேநீர், மாங்காய் பொடி, மாங்காய் ஜூஸ், பட்டை தூள், காபி டிகாஷன் போன்றவற்றை சேர்த்துக் கொள்ளலாம். இதனால் சளி பிடிப்பதைத் தவிர்க்கலாம்.

டிப்ஸ் #3

குளிர்காலத்தில் ஹென்னாவை பயன்படுத்தும் போது, அந்த பேஸ்ட்டில் சிறிது கற்பூரம் மற்றும் ஒரு டீஸ்பூன் வெந்தயப் பொடி சேர்த்துக் கொள்ளுங்கள். இதனால் தலைமுடியில் நீண்ட நாள் ஹென்னாவின் நிறம் நிலைத்திருக்கும்.

டிப்ஸ் #4

குளிர்காலத்தில் ஹென்னாவை பயன்படுத்தும் போது, அத்துடன் 2 ஸ்பூன் ஆரஞ்சு ஜூஸை சேர்த்து, தலைமுடிக்கு தடவ வேண்டும். பின் தலைமுடி நன்கு காய்ந்ததும் குளிர்ந்த நீரால் தலைமுடியை ஷாம்பு பயன்படுத்தாமல் அலச வேண்டும். இதனால் தலைமுடி நன்கு வலிமையாக இருக்கும்.