பொடுகுத் தொல்லையில் இருந்து நிவாரணம் தரும் சில இயற்கை வைத்தியங்கள்!!!

ஆப்பிள் சீடர் வினிகர்

ஆப்பிள் சீடர் வினிகரில் உள்ள அசிடிட்டி, ஸ்கால்ப்பின் pH தன்மையை மாற்றி, தலையில் பொடுகு ஏற்படுவதைத் தடுக்கும். அதற்கு ஆப்பிள் சீடர் வினிகரை நீரில் சரிசமமாக கலந்து, குளித்து முடித்தப் பின்னர் தலையில் ஊற்றி அலச வேண்டும்.

பேக்கிங் சோடா

ஷாம்பு போட்டு குளிக்கும் போது, பேக்கிங் சோடாவை ஷாம்புவில் சேர்த்து கலந்து, அதனைப் பயன்படுத்தினால், பொடுகு பளிச்சென்று போய்விடும். இல்லாவிட்டால், தலையில் நீரில் நனைத்து, பின் பேக்கிங் சோடா பயன்படுத்தி ஸ்கால்ப்பை மசாஜ் செய்து அலசினால், ஸ்கால்ப்பில் உள்ள பூஞ்சைகள் குறைந்துவிடும்.

தேங்காய் எண்ணெய்

இரவில் படுக்கும் போது, தேங்காய் எண்ணெய் கொண்டு, தலையை மசாஜ் செய்து, இரவு முழுவதும் ஊற வைத்து, காலையில் மைல்டு ஷாம்பு போட்டு குளித்தால் பொடுகு குறைய ஆரம்பிக்கும்.

எலுமிச்சை

2 டேபிள் ஸ்பூன் எலுமிச்சை சாற்றினை, நீரில் கலந்து, ஷாம்பு போட்டு குளித்த பின்னர், அந்நீரினால் தலையை அலசினால், ஸ்கால்ப்பின் pH சீரான அளவில் பராமரிக்கப்பட்டு, பொடுகு வராமல் இருக்கும்.

பூண்டு

பூண்டுகளில் பூஞ்சை எதிர்ப்பு பொருட்கள் அதிகம் இருப்பதால், அதன் சாற்றினைக் கொண்டு ஸ்காப்பை மசாஜ் செய்து பின் நீரில் அலசினால், பொடுகு வருவதைத் தடுக்கலாம்.