பசலைக்கீரை பாஸ்தா ரெசிபி

பசலைக்கீரை பாஸ்தா ரெசிபியை எப்போதாவது முயற்சி செய்ததுண்டா? இது ஒரு வித்தியாசமான மற்றும் சுவையான ரெசிபி மட்டுமல்ல, ஆரோக்கியமான ரெசிபியும் கூட. அதிலும் காலை வேளையில் செய்து சாப்பிடுவதற்கு ஏற்ற ரெசிபி.

குழந்தைகள் கூட இதனை விரும்பி சாப்பிடுவார்கள். இங்கு அந்த பசலைக்கீரை பாஸ்தை ரெசிபியின் செய்முறை கொடுக்கப்பட்டுள்ளது. அதைப் பார்ப்போமா!

தேவையான பொருட்கள்:

பாஸ்தா - 2 கப் (வேக வைத்தது)
பசலைக்கீரை - 1/2 கட்டு (நீரில் கழுவி, நறுக்கியது)
மைதா - 2 டேபிள் ஸ்பூன்
உலர்ந்த துளசி இலைகள் - 1/2 டீஸ்பூன்
உலர்ந்த கற்பூரவள்ளி இலைகள் - 1 டீஸ்பூன்
மிளக் தூள் - 1 டீஸ்பூன்
சில்லி ப்ளேக்ஸ் - 1 டீஸ்பூன்
பால் - 1 கப்
உப்பு - தேவையான அளவு
சீஸ் - 1/4 கப் (துருவியது)
ஆலிவ் ஆயில் - 2 டேபிள் ஸ்பூன்

செய்முறை:

முதலில் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், மைதாவை சேர்த்து சிறிது நேரம் கிளறி விட வேண்டும்.

பின்னர் அதில் உலர்ந்த துளசி மற்றும் கற்பூரவள்ளி இலைகள், சில்லி ப்ளேக்ஸ், மிளகு தூள், உப்பு சேர்த்து சிறிது நேரம் கிளறி விட வேண்டும்.

பின்பு அதில் பால் ஊற்றி கட்டி சேராதவாறு கிளறி விட வேண்டும்.

பாலானது கொதித்ததும், அதில் பசலைக்கீரை சேர்த்து, 2-3 நிமிடம் மூடி வைத்து வேக வைக்க வேண்டும்.

பிறகு மூடியை திறந்து, அதில் சீஸ் சேர்த்து நன்கு கிளறிவிட்டு, பின் அதில் வேக வைத்துள்ள பாஸ்தாவை சேர்த்து ஒருமுறை கிளறி இறக்கினால், பசலைக்கீரை பாஸ்தா ரெடி!!!