For Quick Alerts
ALLOW NOTIFICATIONS  
For Daily Alerts

செட்டிநாடு காளான் மசாலா

Posted By:
|

உங்கள் வீட்டில் உள்ளோர் காளானை விரும்பி சாப்பிடுவார்களா? அதுவும் செட்டிநாடு ரெசிபிக்களை விரும்புவார்களா? அப்படியானால் இன்று இரவு உங்கள் வீட்டில் சப்பாத்தி செய்வதாக இருந்தால், செட்டிநாடு காளான் மசாலாவை செய்து சாப்பிடுங்கள். இந்த காளான் மசாலா செய்வதற்கு சுலபமாக இருப்பதோடு, அனைவரும் விரும்பி சாப்பிடும் வகையில் இருக்கும். இந்த காளான் மசாலா சப்பாத்திக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும்.

உங்களுக்கு செட்டிநாடு காளான் மசாலாவை எப்படி செய்வதென்று தெரிந்து கொள்ள வேண்டுமா? கீழே செட்டிநாடு காளான் மசாலா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* காளான் - 2 கப் (துண்டுகளாக்கப்பட்டது)

* புளிச்சாறு - 1 டேபிள் ஸ்பூன் (அல்லது) தக்காளி - 1

* மஞ்சள் தூள் - 1 சிட்டிகை

* கடுகு - 1 டீஸ்பூன்

* கறிவேப்பிலை - சிறிது

* எண்ணெய் - 2 டேபிள் ஸ்பூன்

* கொத்தமல்லி - சிறிது

மசாலா பொடிக்கு...

* மிளகு - 1 டீஸ்பூன்

* வரமிளகாய் - 2

* மல்லி விதைகள் - 1 டேபிள் ஸ்பூன்

* சீரகம் - 1/2 டீஸ்பூன்

* சோம்பு - 1/2 டீஸ்பூன்

* சின்ன வெங்காயம் - 2-3

* பூண்டு - 2 பல்

செய்முறை:

* முதலில் ஒரு வாணலியை அடுப்பில் வைத்து, அதில் 'மசாலா பொடிக்கு' கொடுத்துள்ள பொருட்களை ஒவ்வொன்றாக சேர்த்து வறுத்து இறக்கி குளிர வைத்து, மிக்சர் ஜாரில் போட்டு நன்கு அரைத்து தனியாக வைத்துக் கொள்ள வேண்டும்.

* பின்னர் காளானை நன்கு சுத்தம் செய்து, நீளவாக்கி வெட்டிக் கொள்ள வேண்டும்.

* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, கறிவேப்பிலை சேர்த்து தாளிக்க வேண்டும்.

* பிறகு அதில் காளானை சேர்த்து 5 நிமிடம் நன்கு வதக்க வேண்டும். நீரை சேர்க்காதீர்கள். ஏனெனில் காளானில் இருந்தே அது வேக தேவையான நீர் வெளியேறும்.

* அடுத்து, அதில் தக்காளி/புளிச்சாறு சேர்த்து, சுவைக்கேற்ப உப்பு மற்றும் மஞ்சள் தூள் சேர்த்து நன்கு கிளறி, மூடி வைத்து சில நிமிடங்கள் வேக வைக்க வேண்டும்.

* பின் அதில் அரைத்த மசாலாவை சேர்த்து கிளறி, சில நிமிடங்கள் கொதிக்க விட்டு, மேலே கொத்தமல்லியைத் தூவி இறக்கினால், செட்டிநாடு காளான் மசாலா தயார்.

Image Courtesy: cookspan

[ of 5 - Users]
English summary

Chettinad Mushroom Masala Recipe In Tamil

Want to know how to make a chettinad mushroom masala recipe at home? Take a look and give it a try...
Story first published: Saturday, September 10, 2022, 18:13 [IST]
Desktop Bottom Promotion