2022 சனி பெயர்ச்சியால் ஏப்ரல் 29 முதல் எச்சரிக்கையாக இருக்க வேண்டிய ராசிக்காரர்கள் யார்யார் தெரியுமா?

மேஷம்

கும்பம் செல்லும் சனி பகவானால், மேஷ ராசிக்காரர்கள் சில சிரமங்களை சந்திக்க வேண்டியிருக்கும். இப்பெயர்ச்சிக்கு பின் நீதிமன்ற வழக்குகளால் அடிக்கடி நீதிமன்றத்தை சுற்ற வேண்டியிருக்கும். யாருடனும் வாக்குவாதங்களில் ஈடுபடாதீர்கள். அதேப் போல் யாருடனும் பகைமை கொள்ளாதீர்கள். இக்காலத்தில் மேஷ ராசிக்காரர்கள் மிகவும் பொறுமையாக இருக்க வேண்டும். முடிந்த அளவு பணத்தை சேமிக்க முயற்சி செய்யுங்கள். சிலருக்கு கடன் வாங்க வேண்டிய சூழ்நிலையும் வரலாம்.

சிம்மம்

2022 சனிப் பெயர்ச்சியானது சிம்ம ராசிக்காரர்களுக்கு சிரமங்களை உருவாக்கலாம். இக்காலத்தில் நன்கு திட்டமிட்டு செயல்பட்டால் வெற்றி கிடைக்கும். இல்லாவிட்டால் இழப்புக்களை சந்திக்க நேரிடும். இக்காலத்தில் உங்களின் இமேஜ் பாதிக்கப்படலாம். மற்றவர்களுக்கு தீமை செய்வதைத் தவிர்க்கவும் மற்றும் மற்றவர்கள் சொல்வதைக் கேட்டு நடப்பதைத் தவிர்க்க அறிவுறுத்தப்படுகிறது. இக்காலத்தில் பண இழப்பை சந்திக்க வேண்டியிருக்கும். உங்கள் இலக்கை அடைய சில சவால்களை சனி பகவான் உருவாக்குவார். இருப்பினும் அதற்காக கவலைப்பட வேண்டிய அவசியமில்லை.

கன்னி

2022 சனி பெயர்ச்சியானது கன்னி ராசிக்காரர்களுக்கு குழந்தைகள் தொடர்பான பிரச்சனைகளையும், கூடவே பணப்பிரச்சனைகளையும் தருவார். எனவே இக்காலத்தில் மிகவும் கவனமாக இருக்க வேண்டும். குழந்தையின் ஆரோக்கியத்தில் கவனம் செலுத்த வேண்டியது அவசியம். மாணவர்கள் வெற்றி பெறுவதில் சிரமங்களை சந்திக்க நேரிடும். நிதி பிரச்சனைகள் தலைதூக்கும். கடன் வாங்க வாய்ப்புள்ளது. உண்ணும் உணவில் அதிக கவனம் செலுத்த அறிவுறுத்தப்படுகிறது.

சனி பகவானை மகிழ்விக்க செய்ய வேண்டியவைகள்:

கோபமாக இருக்கும் சனி பகவானை குளிர்விக்கவும், சனி பகவானின் மோசமான தாக்கத்தைத் தவிர்க்கவும் ஒருசில விஷயங்களை செய்ய வேண்டும். அவை பின்வருமாறு:

* சனிக்கிழமை அன்று சனி பகவானுக்கு அன்று கடுகு எண்ணெயை வழங்குங்கள்.

* ஏழை எளியோருக்கு உதவுங்கள்.

* ஆடைகளை தானமாக வழங்குங்கள்.