செவ்வாய் கிழமைகளில் இந்த தவறுகளை செய்யாதீங்க.. இல்லன்னா வாழ்வில் பிரச்சனைகள் அதிகரிக்கும்..

அசைவ உணவை உண்ணாதீர்கள்

நீங்கள் அசைவ உணவுப் பிரியராக இருந்தாலோ அல்லது அசைவ உணவை அவ்வப்போது உண்பவராக இருந்தாலோ, செவ்வாய்கிழமைகளில் மட்டும் அசைவ உணவை உண்ணாதீர்கள். இல்லாவிட்டால், வாழ்வில் பெரிய பிரச்சனைகளை சந்திக்க வேண்டியிருக்கும்.

நில வழிபாட்டை தவிர்க்கவும்

அனுமன் மண்ணின் மைந்தனாக கருதப்படுகிறார். ஆகவே செவ்வாய்கிழமைகளில் புதிய வீடு வாங்கவோ அல்லது புதிய வீடு கட்டுவதற்கு பூமி பூஜை செய்யவோ வேண்டாம். ஒருவேளை செவ்வாய் கிழமைகளில் இச்செயல்களை செய்தால், வீட்டில் பல நோய்கள் வரலாம் மற்றும் குடும்பத்தில் பண பிரச்சனை ஏற்படத் தொடங்கும்.

இரும்பு பொருட்களை வாங்காதீர்

செவ்வாய் கிழமைகளில் இரும்பு பொருட்களை வாங்குவதை அல்லரு கருப்பு நிற ஆடைகளை வாங்குவதை/அணிவதைத் தவிர்க்க வேண்டும். அதற்கு பதிலாக செவ்வாய் கிழமைகளில் ஆரஞ்சு அல்லது சிவப்பு நிற ஆடைகளை வாங்கலாம்/அணியலாம். அனுமனுக்கு சிவப்பு நிறம் மிகவும் பிடிக்கும். ஆகவே செவ்வாய்கிழமைகளில் சிவப்பு நிற ஆடைகளை அணிவது செவ்வாய் தோஷத்தைக் குறைக்கும்.

மேக்கப் பொருட்களை வாங்காதீர்

செவ்வாய்கிழமைகளில் மேக்கப் பொருட்கள் அல்லது கண்ணாடி பொருட்களை வாங்காதீர்கள். இல்லாவிட்டால் கணவன்-மனைவி இடையே சண்டைகள் வரத் தொடங்கும். இது தவிர, வீட்டில் பண இழப்பு ஏற்படவும் வாய்ப்புள்ளது.

தானம் செய்ய வேண்டிய பொருட்கள்

செவ்வாய்கிழமை அன்று தாமிரம், குங்குமம், கோதுமை, செம்பருத்தி, தேன், மிளகாய் ஆகியவற்றை தானம் செய்வது நல்லது. அதோடு சிவப்பு நிற பழங்கள் மற்றும் சிவப்பு நிற ஆடைகளையும் தானமாக வழங்கலாம். இப்படி தானம் செய்வதால் அனுமன் மகிழ்ச்சியடைவார். மேலும் உங்கள் விருப்பங்கள் அனைத்தும் நிறைவேறும்.