பாதி பன்றி, பாதி மனிதன், ஆட்டுக்கு பிறந்த வினோதக் குட்டி - என்ன நடந்திருக்கும்?

பிலிப்பைன்ஸ்!

ஆட்டுக்கு பாதி பன்றி, பாதி மனித உருவில் குட்டி ஒன்று பிறந்ததாக கூறப்படும் இந்த நிகழ்வு, பிலிப்பைன்ஸ் நாட்டின் சுல்தான் கடாரத் எனும் இடத்தில் நடந்ததாக கூறப்படுகிறது. இப்பகுதியில் விசித்து ஒருவரது பண்ணையில் தான் ஆடு இப்படியான பாதி பன்றி, மனித உருவம் கொண்ட குட்டியை ஈன்றதாக கூறி செய்தி வைரலாக பரவி வருகிறது.

சிசேரியன்!

ஜோசபைன் ரெபிகியூ எனும் விவசாரி இதுக்குறித்து கூறுகையில், ஆடு குட்டி இட முடியாமல் சிரமப்பட்டதால், கால்நடை மருத்துவரை அழைத்தோம். அவர் வந்து அறுவை சிகிச்சை மூலம் குட்டியை வெளியே எடுத்தார். ஆனால், குட்டியை பார்த்த நொடியில் அனைவரும் வாயடைத்து போயினர். காரணம் ஆடு ஈன்ற குட்டி பார்ப்பதற்கு பாதி பன்றி மற்றும் பாதி மனித உருவத்தில் இருந்தது.

தோற்றம்!

எப்போதும் ஆடு குட்டி இட்டால், அதன் தொழில் கொஞ்சமாவது முடி இருக்கும். ஆனால், இந்த குட்டி பளிச்சென்று கொஞ்சம் கூட முடி இல்லாமல் பளபளவென்று இருந்தது. தோற்றத்தில் விசித்திரமாக இருக்கும் இந்த குட்டியை கண்டு அனைவரும் வருந்தி வருகிறார்கள். ஆம்! குட்டி ஈன்ற கொஞ்ச நேரத்திலேயே குட்டியும், தாயும் இறந்துவிட்டது.

இந்த நிகழ்வு நம் கிராமத்தில் நடக்க போகும் ஏதோ அபாயத்தை குறிக்கிறது என்று கிராம மக்கள் இப்போதே பேச துவங்கிவிட்டனர்.

ஆராய்ச்சி!

சில ஆராய்ச்சியாளர்கள் இது ஒரு மரபணு மாற்றம் அல்லது பிறழ்வு எனப்படும் ஜெனிட்டிக் மியூட்டேஷன் நிகழ்வுக்கு சிறந்த எடுத்துகாட்டு என்று கூறி வருகிறார்கள். மேலும், ஒருவேளை கருத்தரித்த ஆட்டுக்கு Rift Valley Fever என்ற நோய் தொற்று ஏற்பட்டிருக்கலாம் என்றும், இது கொசுக்கள் மூலம் பரவும் நோய் என்றும் கூறி இருக்கிறார்கள். இதனால், வயிற்றில் வளரும் சிசுவின் வளர்ச்சியில் தாக்கம் ஏற்படுமாம்.