பாத்திரம் கழுவுவதற்கு கிச்சனில் ரொம்ப நேரம் நிக்குறீங்களா? இப்படி பண்ணுங்க ஈஸியா கழுவிட்டு சீக்கிரம் வந்துரலாம

அனைவருக்கும் சமைப்பதை விட மிகவும் கடினமான விஷயம் எதுவென்றால் அது சமைத்த பாத்திரத்தை கழுவுவதான். அனைத்து வீடுகளிலும் டிஷ்வாஷர் இருக்காது. எனவே கையால் பாத்திரத்தை கழுவுவதை தவிர நமக்கு வேறு வழியில்லை. சமைத்த பாத்திரங்கள் மற்றும் அழுக்கு பாத்திரங்கள் நிறைந்த சமையலறையை யாரும் விரும்புவதில்லை.

அதிகளவு பாத்திரங்களை கழுவுவது என்பது மிகவும் கடினமான ஒன்று. எனவே அதற்கான சில எளிய தந்திரங்களை கண்டறிய வேண்டியது மிகவும் அவசியமாகிறது. இந்த பதிவில் உங்கள் அழுக்கு பாத்திரங்களை வேகமாகவும், சிறப்பாகவும் சுத்தம் செய்ய என்ன செய்ய வேண்டுமென்று பார்க்கலாம்.

சரியான சோப்புகளை தேர்ந்தெடுக்கவும்

லாக்டிக் அமிலம் கொண்ட சோப்புகளைத் தேடுங்கள், இது பாக்டீரியா எதிர்ப்பு நன்மைகளை வழங்குகிறது மற்றும் பாத்திரத்தை கழுவும் வேலையை விரைவாகச் செய்கிறது. லாரமைன் ஆக்சைடு கொண்ட சோப்புகளில் கிரீஸை போக்கும் ஆற்றல் உள்ளது.

பாத்திரத்தை ஈரமாக்கி சின்க்-ல் போடவும்

தட்டில் இருக்கும் மீதமுள்ள உணவுகளை பாத்திரம் கழுவும் சின்க்-ல் போடுவதற்கு முன் எடுத்து குப்பைத்தொட்டியில் போடவும். தட்டு மற்றும் பிற பாத்திரங்கள் காயாமல் இருப்பதற்கு பாத்திரங்களில் சிறிது தண்ணீரை தெளித்து வைக்கவும். பாத்திரங்களின் மீது சிறிது பேக்கிங் சோடா போடுவது பாத்திரத்தை கழுவுவதை எளிதாக்கும்.

வெதுவெதுப்பான பாத்திரத்தை ஊற வைக்கவும்

பாத்திரங்களை விரைவில் சுத்தமாக கழுவுவதற்கு அவற்றை வெதுவெதுப்பான நீரில் ஊறவைப்பது நல்லது. இது உணவுத் துகள்களை தளர்த்தும் மற்றும் நீண்ட நேரம் பாத்திரத்தை தேய்ப்பதில் இருந்து உங்களை காப்பாற்றும். தீய்ந்து போன பாத்திரங்களை உப்பு மற்றும் குளிர்ந்த நீரில் இரவு முழுவதும் ஊறவைக்கவும், பின்னர் அந்த தண்ணீரை கொதிக்க வைத்து அதற்குப்பின் கழுவினால் பாத்திரம் புதியது போல மாறும்.

பால் பாத்திரங்களை கழுவ குளிர்ந்த நீரை பயன்படுத்தவும்

ஐஸ்க்ரீம் அல்லது வெண்ணெய் மற்றும் பால் போன்ற பால் பாத்திரங்களை வெந்நீரில் கழுவினால் அது விடாப்பிடியான கறையாக மாறும். வெதுவெதுப்பான நீரில் பாத்திரத்தை கழுவுவதற்கு முன், இந்த பாத்திரங்களை குளிர்ந்த நீரில் ஊறவைக்கவும்.

பேக்கிங் சோடாவை பயன்படுத்துங்கள்

பாத்திரத்தில் விடாப்பிடியாக மற்றும் பிசுபிசுவென்று இருக்கும் கறைகளை நீக்க பேக்கிங் சோடாவை தேய்க்கவும் மற்றும் அதன்மீது தண்ணீர் ஊற்றி ஊறவைக்கவும். அதன்பின் பாத்திரத்தை சிறிது சூடாக்கவும். இந்த தண்ணீர் ஆறியவுடன் பாத்திரத்தைக் கழுவினால் கறைகள் உடனடியாக நீங்கும்.

சின்க்-ல் பாத்திரங்ளை விடாதீர்கள்

பாத்திரங்களை ஒருபோதும் பிறகு கழுவிக் கொள்ளலாம் என்று அலட்சியமாக விடாதீர்கள். பாத்திரங்களை உடனுக்குடன் கழுவுவது உங்களின் சுமைகளையும், நேரத்தையும் மிச்சப்படுத்தும். அதுமட்டுமின்றி பாத்திரங்களை கழுவாமல் அப்படியே விடுவது அதிலுள்ள உணவுகள் காய்வதற்கு வழிவகுக்கும். இது சமையலறையில் விரும்பத்தகாத வாசனையை ஏற்படுத்துவதுடன் பாத்திரங்களை கழுவும் நேரத்தையும் அதிகரிக்கும்.