முட்டையை சமைக்கும் போது இந்த தவறுகளை தெரியாம கூட செஞ்சுராதீங்க... இல்லனா டேஸ்ட்டாகவே இருக்காது...!

முட்டைகள் என்றால் யாருக்குத்தான் பிடிக்காது. அசைவமே சாப்பிடாதவர்கள் கூட முட்டை என்றால் விரும்பி சாப்பிடுவார்கள். முட்டைகள் எவ்வளவு சுவையானதோ அதேயளவிற்கு ஆரோக்கியமானதும் கூட. முட்டையில் பல அத்தியாவசிய ஊட்டச்சத்துக்கள் நிறைந்துள்ளன, மேலும் முட்டையை பல வழிகளில் சமைக்க முடியும். முட்டை காலை உணவு முதல் இரவு உணவு வரை அனைத்திலும் முக்கியப்பங்கு வகிக்கின்றன. இருப்பினும், முட்டைகளைச் சமைப்பது நாம் நினைக்கும் அளவிற்கு எளிதானது அல்ல.

பலரும் முட்டைகளை சமைப்பதில் சில தவறுகளைச் செய்து, தங்கள் உணவின் தரத்தையும், சுவையையும் குறைத்துவிடுகிறார்கள். சரியான பாத்திரத்தைத் தேர்ந்தெடுப்பது முதல், சரியான நேரத்தில் மசாலாப் பொருட்களைச் சேர்ப்பது வரை, முட்டையை சரியாகவும், சுவையாகவும் சமைக்க நாம் எதிர்பார்ப்பதை விட அதிக திறமை தேவை. முட்டைகளைச் சமைக்கும்போது பொதுவாக மக்கள் செய்யும் தவறுகளையும் அதை எப்படி சரி செய்யலாம் என்றும் இந்த பதிவில் தெரிந்து கொள்ளலாம்.

முட்டையை அதிக நேரம் வேக வைப்பது

முட்டையைக் கொண்டு தயாரிக்கப்படும் உணவுகளை சமைக்கும்போது மக்கள் செய்யும் மிகவும் பொதுவான சமையல் தவறுகளில் ஒன்று முட்டையை அதிக நேரம் வேக வைப்பது. மக்கள் பெரும்பாலும் மொத்த நேரத்தைக் கணக்கிட மறந்துவிடுகிறார்கள், இறுதியில் முட்டையை அதிகமாக வேகவைத்துவிடுகிறார்கள். இது உணவின் பதத்தையும், சுவையையும் கெடுத்துவிடும்.

தவறான பாத்திரத்தில் சமைப்பது

முட்டைகளைச் சமைப்பதற்கு சரியான பாத்திரத்தைப் பயன்படுத்துது மிகவும் முக்கியமான ஒன்றாகும். உதாரணமாக, முட்டைகளை வேகவைப்பதற்கு , பாத்திரத்தில் ஒரு அடுக்காகப் பரவி, முழுவதுமாக நீரால் மூடப்படுவதற்குப் போதுமான இடம் தேவை. வேகவைத்த முட்டைகளைச் சமைக்கும்போது, ​​அவை சுற்றி நகர்வதற்குப் போதுமான இடம் இருப்பதற்காக, ஆழம் குறைவான பாத்திரத்தைப் பயன்படுத்த வேண்டும். உடைத்த முட்டைகளை சமைக்க ஒரு சிறிய வறுக்கும் பாத்திரத்தைப் பயன்படுத்துவது நல்லது, ஏனெனில் இது முட்டைகள் கருகிப் போவதையோ அல்லது அதிகமாக வெந்துவிடுவதையோ தடுக்கும்.

பழைய முட்டைகளை சமைப்பது

முட்டை பார்ப்பதற்கு வெள்ளையாக பளபளப்பாக இருந்தால் மட்டும் அது ப்ரெஷான முட்டை என்றாகிவிடாது. முட்டைகளை வறுப்பதற்கு எப்போதும் ப்ரெஷான முட்டைகளையே தேர்ந்தெடுக்க வேண்டும், அப்போதுதான் முட்டையின் வாசனையும், சுவையும் நன்றாக இருக்கும். முட்டைகளை வாங்குவதற்கு முன், அதன் பேக்கேஜிங்கையும், காலாவதி தேதியையும் சரிபார்த்து வாங்க வேண்டியது அவசியம்.

முட்டையை வேகவைக்கும் போது அதிக நேரம் கொதிக்க விடுவது

முட்டைகளை வேகவைக்கும்போது, ​​அவற்றை நீண்ட நேரம் கொதிக்க விட்டால், முட்டையின் ஓடுகள் விரிசல் அடையலாம், மேலும் மஞ்சள் கருவின் மேற்பரப்பு சாம்பல் நிறமாக மாறலாம். முட்டைகளை வேகவைப்பதற்கான சரியான முறை, முட்டைகளைக் கொதிக்க வைத்து, பின்னர் தீயைக் குறைப்பதாகும். நீங்கள் பாதி வெந்த முட்டைகளை விரும்பினால், தொடர்ந்து வேக வைக்கவும். முழுதாக வெந்த மென்மையான முட்டை வேண்டுமெனில் 8 நிமிடம் முட்டையை வேக வைக்க வேண்டும்.

அதிக வெப்பத்தில் முட்டையை வறுப்பது

முட்டைப் பொரியலைப் பொறுத்தவரை, குறைந்த தீயில் மெதுவாகச் சமைப்பதே முட்டையின் சுவையை அதிகரிக்கும். நீங்கள் அவசரப்பட்டு, அதிக தீயில் முட்டையை வறுத்தால் உங்களுக்கு விரைவான முட்டைப் பொரியல் கிடைக்கலாம், ஆனால் சுவையான முட்டைப் பொரியல் கிடைக்காது. சிறிது பொறுமையுடனும், குறைந்த தீயிலும் முட்டையை வறுப்பது முட்டையின் சுவையை அதிகரிக்கும், அதிக வெப்பம் முட்டையை வேகமாக வேகவைக்காது, மாறாக அது முட்டையை உலர வைத்துவிடும் அல்லது கருகிப் போகச் செய்துவிடும்.

தவறான நேரத்தில் மசாலா சேர்ப்பது

முட்டையை சமைக்கும் போது உப்பு மற்றும் மிளகு ஆகியவற்றைச் சரியான நேரத்தில் சேர்ப்பது முக்கியம். முட்டைக்கு சரியான நேரத்தில் உப்பு சேர்க்கப்படாவிட்டால், அவை முட்டையிலுள்ள நீரை வெளியேற்றிவிடும். இது வறுத்த முட்டைகளின் தன்மையைப் பாதித்து, அதை கடினமாக மாற்றக்கூடும். சமையலைத் தொடங்குவதற்கு முன்பு,உடைத்து கலக்கிய முட்டைகளில் உப்பு சேர்ப்பது, புரதங்கள் இறுக்கமாகப் பிணைவதைத் தடுக்கிறது, இதனால் முட்டைகள் மென்மையாக இருக்கும். சிறப்பான பதத்திற்கு, அடித்து கலக்கிய முட்டைகளில் உப்பு சேர்த்து, சமையல் தயாராகும் வரை அதைத் தனியாக வைத்துவிடுங்கள்.