தெரியாம கூட துடைப்பத்தை வீட்டின் இந்த திசையில் வெக்காதீங்க... இல்ல பெரிய நஷ்டத்தை சந்திப்பீங்க...

உடைந்த துடைப்பத்தை பயன்படுத்தக்கூடாது

நீங்கள் உங்கள் வீட்டில் உடைந்த துடைப்பத்தை பயன்படுத்தி வந்தால், முதலில் அதை தூக்கி எறியுங்கள். வாஸ்துப்படி உடைந்த துடைப்பத்தை பயன்படுத்தக்கூடாது. ஒருமுறை துடைப்பம் உடைந்துவிட்டால், அது தீங்கு விளைவிக்கும் ஒரு பொருளாகிவிடும். எனவே இந்த மாதிரியான துடைப்பத்தை வீட்டில் வைத்திருந்தால், முதலில் அப்புறப்படுத்துங்கள்.

எந்த இடத்தில் வைக்கக்கூடாது

என்ன தான் துடைப்பம் லட்சுமி தேவியின் வடிவாக கருதப்பட்டாலும், அதை ஆபரணங்கள் அல்லது மதிப்புமிக்க பொருட்கள் வைக்கும் இடத்தில் வைக்கக்கூடாது. அப்படி வைத்தால், அது அந்த வீட்டில் வணிகம் செய்வோரின் வியாபாரத்தில் எதிர்மறையான தாக்கத்தை, அதாவது நஷ்டத்தை ஏற்படுத்தும்.

துடைப்பத்தை நிறுத்தி வைக்கக்கூடாது

துடைப்பத்தை நீங்கள் உங்கள் வீட்டில் நிறுத்தி வைத்திருந்தால், முதலில் அதை படுக்க வையுங்கள். ஏனெனில் வாஸ்துப்படி துடைப்பத்தை நிறுத்தி வைக்கக்கூடாது. இப்படி வைத்தால், அது மோசமான சகுனமாக கருதப்படுகிறது. எனவே எப்போதும் துடைப்பத்தை வீட்டில் படுக்க வையுங்கள். இதனால் உங்கள் வீட்டில் உள்ள செல்வம் அல்லது வங்கி இருப்பு எப்போதும் காலியாகாது.

மாலை வேளையில் வீட்டை பெருக்காதீர்

உங்கள் வீட்டில் பாட்டிமார்கள் இருந்தால், அவர்கள் மாலை வேளையில் வீட்டை பெருக்கக்கூடாது என்று சொல்வதைக் கேட்டிருப்பீர்கள். அது உண்மை தான், ஏனெனில் அவ்வாறு செய்வது லட்சுமி தேவியின் கோபத்திற்கு ஆளாக்கும். எனவே எப்போதும் இரவு அல்லது மாலை வேளையில் வீட்டைப் பெருக்குவதைத் தவிர்த்திடுங்கள். ஒருவேளை வீட்டை பெருக்க வேண்டிய கட்டாயத்தில் இருந்தால், குப்பையை வீட்டிற்கு வெளியே கொட்டாதீர்கள்.

துடைப்பத்தை எந்த திசையில் வைக்கக்கூடாது?

வாஸ்து சாஸ்திரத்தின் படி, துடைப்பத்தை எப்போதும் தென்மேற்கு மூலை அல்லது மேற்கு திசையில் தான் வைக்க வேண்டும். அதே வேளையில், துடைப்பத்தை வடகிழக்கு திசையில் வைக்கக்கூடாது. இந்த திசையில் வைத்தால், அது வீட்டின் சந்தோஷம் மற்றும் மகிழ்ச்சியை அழிப்பதோடு, வீட்டில் உள்ளோரின் முன்னேற்றத்தில் தடையை ஏற்படுத்தும்.