பெண்களே! பீரியட்ஸ் டைம்ல நீங்க மறக்காம அன்னாசி பழச்சாறு குடிக்கணுமாம்... ஏன் தெரியுமா?

Benefits Of Pineapple Juice: குறிப்பிட்ட வயதிற்கு பிறகு ஒவ்வொரு பெண்ணும் மாதவிடாய் சுழற்சியை அனுபவிக்கிறார்கள். எல்லா பெண்களுக்கும் ஒரே மாதிரி மாதவிடாய் ஏற்படுவதில்லை. ஒவ்வொரு பெண்களுக்கு மாதவிடாய் இரத்தப்போக்கு மற்றும் வலி வேறுபடும்.

மாதவிடாய் காலத்தில் பெண்களுக்கு அன்னாசி பழச்சாறு சிறந்த தேர்வாக இருக்கும். இதில் வைட்டமின் சி, வைட்டமின் பி6 மற்றும் மாங்கனீஸ் போன்ற அத்தியாவசிய வைட்டமின்கள் மற்றும் தாதுக்கள் நிறைந்துள்ளன, இது உங்கள் உடலை புத்துணர்ச்சியாக வைத்திருக்கவும் சோர்வைக் குறைக்கவும் உதவும்.

மாதவிடாயின்போது, உங்களுக்கு கடுமையான வலி இருந்தால், நீங்கள் அன்னாசி பழச்சாற்றை அருந்தலாம். மாதவிடாய் காலத்தில் அன்னாசி பழச்சாறு சிறந்த தேர்வாக இருப்பதற்கான காரணங்கள் பற்றி இங்கே.தெரிந்துகொள்ளுங்கள்

மாதவிடாய் காலத்தில் அன்னாசி பழச்சாற்றின் நன்மைகள்
அன்னாசி பழச்சாறு வைட்டமின்கள் மற்றும் தாதுக்களின் சிறந்த மூலமாக இருக்கிறது. இது மாதவிடாய் பிடிப்புகளின் அசௌகரியத்தை குறைக்க உதவும். அன்னாசிப்பழச் சாற்றில் உள்ள வைட்டமின் சி வீக்கத்தைக் குறைக்க உதவுவதோடு, பொட்டாசியம் வீக்கம் மற்றும் பிற பிஎம்எஸ் அறிகுறிகளைக் குறைக்க உதவுகிறது.

அன்னாசி பழச்சாற்றில் புரோமெலைன் என்ற நொதியும் நிறைந்துள்ளது. இது உடலில் உள்ள புரதங்களை உடைக்க உதவும். மேலும், இது பெண்களுக்கு மாதவிடாய் காலத்தில் ஏற்படும் வலி மற்றும் பிடிப்புகளின் தீவிரத்தை குறைக்க உதவும். இந்த பழச்சாறு மாதவிடாய் இரத்தப்போக்கை குறைக்கவும் உதவும். புரோமிலைன் என்சைம் இரத்தத்தில் உள்ள புரதங்களை உடைக்க உதவுவதோடு, மாதவிடாய் காலத்தில் இழக்கப்படும் இரத்தத்தின் அளவைக் குறைக்கவும் உதவுகிறது.

அன்னாசி பழச்சாற்றில் இரும்புச்சத்து அதிகமாக உள்ளது, இது பெண்களுக்கு மாதவிடாய் காலத்தில் அவசியம் தேவைப்படும் ஓர் ஊட்டச்சத்து ஆகும். மேலும், குறைந்த இரும்பு அளவு இரத்த சோகைக்கு வழிவகுக்கும். அத்துடன் மாதவிடாய் பிடிப்பின் அறிகுறிகளை மோசமாக்கும்.

அன்னாசி பழச்சாறு ஒரு இயற்கையான டையூரிடிக் ஆகும். இது மாதவிடாய் காலத்தில் நீர் தேக்கம் மற்றும் வீக்கத்தை குறைக்க உதவுகிறது. இது அசௌகரியம் மற்றும் பிடிப்பு உணர்வைக் குறைக்க உதவும். இந்த பழச்சாற்றில் உள்ள வைட்டமின்கள் மற்றும் தாதுக்கள் ஆற்றலை அதிகரிக்கவும் சோர்வைக் குறைக்கவும் உதவும்.

அன்னாசி பழச்சாறு மாதவிடாய் காலங்களில் ஈஸ்ட் தொற்று அபாயத்தைக் குறைக்கவும் உதவும். இந்த பழச்சாற்றில் உள்ள ப்ரோமெலைன் என்சைம், ஈஸ்ட் தொற்றுகளை உண்டாக்கும் புரதங்களை உடைக்க உதவும். இதிலுள்ள அதிக வைட்டமின் சி உள்ளடக்கம் நோயெதிர்ப்பு மண்டலத்தையும் அதிகரிக்க உதவுவதோடு, சிறுநீர் பாதை நோய்த்தொற்றுகளின் (UTIs) அபாயத்தைக் குறைக்கவும் உதவும்.

மாதவிடாய் காலத்தில் செரிமானத்தை மேம்படுத்த உதவும் அன்னாசி பழச்சாற்றில், அதிக நார்ச்சத்து உள்ளது. இது மலச்சிக்கலை குறைக்க உதவுவதோடு, மாதவிடாய் காலத்தில் ஏற்படும் அசௌகரியத்தை குறைக்க உதவும். மாதவிடாய் காலத்தில் நீரேற்றம் பெற அன்னாசி பழச்சாறு ஒரு சிறந்த வழியாகும். இந்த பழச்சாற்றில் உள்ள அதிக நீர்ச்சத்து உடலை நீரேற்றமாக வைத்திருக்க உதவும், இது அசௌகரியத்தை குறைக்க உதவும்.

அன்னாசி பழச்சாறு செய்வது எப்படி?
நன்றாக பழுத்த அன்னாசிப்பழத்தை எடுத்துக்கொள்ளுங்கள். அன்னாசிப்பழத்தின் மேல் மற்றும் கீழ் பகுதியை வெட்டி எடுத்து, க்யூப்ஸ் அல்லது துண்டுகளாக வெட்டிக்கொள்ளுங்கள். பழத்துண்டுகளையும், சிறிதளவு இஞ்சியையும் மற்றும் 1 கப் குளிர்ந்த நீரை சேர்த்து பிளெண்டரில் அரைத்துக்கொள்ளவும்.

கூழ் நீக்க அன்னாசி பழச்சாற்றை ஒரு சல்லடை மூலம் வடிகட்டவும். விரும்பினால், ஒரு தேக்கரண்டி தேன் அல்லது பிற இயற்கை இனிப்பு சேர்க்கவும். பழச்சாற்றை ஒரு கிளாஸில் ஊற்றி ஐஸ்கட்டிகள் சேர்த்து அருந்தவும்.

மாதவிடாய் காலத்தில் அன்னாசி பழச்சாற்றை, தினமும் குடிப்பது நல்லது. மாதவிடாய் தொடங்குவதற்கு குறைந்தது ஒரு வாரத்திற்கு முன்பே அன்னாசிப் பழச்சாறு குடிக்க ஆரம்பித்து, மாதவிடாய் முடியும் வரை தொடர்ந்து குடிப்பது உங்களுக்கு நல்லது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.