வரப்போற புதுவருஷத்தில் கொரோனா வராம தப்பிக்க இந்த 5 விஷயங்களை சரியா பண்ணுனா போதும்...!

தடுப்பூசியைத் தவிர்க்க வேண்டாம்

உங்களுக்கும் நீங்கள் விரும்பும் மக்களுக்கும் நீங்கள் செய்யக்கூடிய மிகச் சிறந்த விஷயம் கோவிட் தடுப்பூசி பெறுவதுதான். நீங்கள் கேட்ட மற்றும் படித்த எல்லாவற்றையும் பற்றி நினைத்து நீங்கள் பயந்து குழப்பமடையக்கூடும். ஆனால் தடுப்பூசி குறித்து நீங்கள் அவசியம் தெரிந்து கொள்ள வேண்டிய சில முக்கியமான விஷயங்கள் உள்ளன.

ஏன் தடுப்பூசி போட்டுக்கொள்ள வேண்டும்?

தடுப்பூசி வைரஸைக் கட்டுப்படுத்த ஒரு பாதுகாப்பான மற்றும் பயனுள்ள முறையாகும். நீங்கள் கேள்விப்பட்ட ஒவ்வொரு கட்டுக்கதையும் உண்மை இல்லை. வைரஸ் பரவுவதைக் கட்டுப்படுத்த ஒரே வழி தடுப்பூசி. குறைந்தது 80 சதவீத மக்களுக்கு தடுப்பூசி போடும்போது, அது மந்தை நோய் எதிர்ப்பு சக்தியை அளிக்கும். தடுப்பூசி போடுவதன் மூலம், மற்றவர்களைப் பாதுகாக்க உதவுகிறீர்கள். தடுப்பூசி குறித்து உங்களுக்கு கேள்விகள் மற்றும் கவலைகள் இருந்தால், அதைப் பற்றி உங்கள் மருத்துவரிடம் பேசுங்கள். ஆனால் உங்களுக்கு வாய்ப்பு வரும்போது தடுப்பூசி போட மறுக்கும் தவறை செய்ய வேண்டாம்.

முகமூடி அணிவதை நிறுத்த வேண்டாம்

கொரோனா வைரஸ் தொற்று நம் வாழ்வைத் தாக்கி ஒரு வருடம் ஆகிறது. இப்போது மக்கள் அதைப் பற்றி பயமில்லாமல் சாதாரணமாகி வருகிறார்கள், முகமூடி அணிவது அல்லது சமூக தூரத்தை பராமரிப்பது போன்ற அடிப்படை விதிகளை பின்பற்றுவதில்லை. ஆனால் முன்பு இருந்ததைப் போல இப்போது முகமூடியை அணிவது தற்போதும் முக்கியம். உலகின் சில பகுதிகளில் தடுப்பூசி விநியோகம் தொடங்கியிருந்தாலும், அனைவருக்கும் தடுப்பூசி போட நிறைய காலம் எடுக்கப் போகிறது, அதுவரை வைரஸ் பரவும் ஆபத்து இருக்கத்தான் செய்கிறது. முகமூடி அணிவது, கைகளை கழுவுதல் மற்றும் சமூக தூரத்தை பராமரிப்பது போன்ற எளிய விதிகளைப் பின்பற்றுவதே வைரஸைக் கட்டுப்படுத்த ஒரே வழி.

COVID நோய்த்தொற்றின் பரவலைக் குறைக்க முகமூடிகள் பயனுள்ளதாக இருக்கும் என்பது பல முறை நிரூபிக்கப்பட்டுள்ளது.

நமக்கு வைரஸ் வராது என்று நினைக்க வேண்டாம்

நீங்கள் இளமையாகவும், ஆரோக்கியமாகவும் இருக்கிறீர்கள் என்று கருதுவது எளிது, இதனால் கோவிட்-19 தொற்று உங்களுக்கு ஒரு பிரச்சினையாக இருக்காது. இதை நினைவில் கொள்ளுங்கள், யார் வேண்டுமானாலும், வயது, பாலினம், சுகாதார நிலை எதுவாக இருந்தாலும் நீங்கள் வைரஸால் கடுமையாக பாதிக்கப்படலாம். நீங்கள் இளமையாக இருப்பதால் கொரோனாவை எதிர்த்து சிறப்பாக போரிடலாம் ஆனால் உங்கள் மூலம் மற்றவர்களுக்கு பரவுவதை உங்களால் தடுக்க முடியாது. பெரும்பாலும் ஒருவருக்கு அறிகுறிகள் இல்லாதபோது அவர்கள் தொற்று நோயைப் பற்றி கவலைப்படுவதை நிறுத்துகிறார்கள். இதுபோன்றவர்கள் சூப்பர்ஸ்ப்ரெடர்களாக மாறும்போது, அவர்கள் என்ன செய்கிறார்கள் என்பது அவர்களுக்கு முற்றிலும் தெரியாது. உங்கள் மூலமாக வயதானவர்களுக்கு அல்லது பலவீனமானவர்களுக்கு தொற்று பரவும்போது அது அவர்களுக்கு ஆபத்தாக மாறலாம்.

வைரஸை எதிர்த்துப் போராடுவதை விட்டுவிடாதீர்கள்

நம்மில் சிலர் வைரஸையும் புதிய இயல்பையும் எதிர்த்துப் போராடுவதில் சோர்வாக இருக்கிறோம். ஆனால் இந்த கடினமான காலங்களில் தைரியமாக இருக்க நமக்கு ஒரு நேர்மறையான அணுகுமுறை தேவை. இது கைவிட வேண்டிய நேரம் அல்ல, ஆனால் உண்மையில், எல்லாவற்றையும் மிக நேர்த்தியாகப் பின்பற்றி மற்றவர்களுக்கு ஒரு முன்மாதிரியாக இருங்கள். உங்களைப் பற்றித் தெரிந்து கொள்ளுங்கள் மற்றும் அரசு வழங்கிய வழிகாட்டுதல்களை கடைபிடிக்க வேண்டும்.

உங்கள் நோய் எதிர்ப்பு சக்தியை தொடர்ந்து அதிகரியுங்கள்

இந்த ஆண்டு மக்களின் முன்னுரிமை பட்டியலில் முதலிடத்தில் இருப்பது நம் நோய் எதிர்ப்பு சக்தி. கொரோனா வைரஸ் பரவலை எதிர்த்துப் போராடுவதற்காக நம் நோயெதிர்ப்பு மண்டலத்தை வடிவமைக்க நாம் அனைவரும் கடுமையாக உழைத்துள்ளோம். அனைவருக்கும் தடுப்பூசி போட நேரம் எடுக்கும் என்பதால், வைரஸை எதிர்த்துப் போராடுவதற்கான சிறந்த வழி நமது நோய் எதிர்ப்பு சக்தியை இறுக்கமாகவும் உறுதியாகவும் வைத்திருப்பதுதான். எனவே நோயெதிர்ப்பு சக்தியை அதிகரிக்கும் ஆரோக்கியமான உணவுகளை தொடர்ந்து சாப்பிடுங்கள், உடற்பயிற்சியை மறந்துவிடாதீர்கள்.