சைனஸ் பிரச்சனை பாடாய் படுத்துதா? இதோ அதை சரிசெய்யும் சில இயற்கை வழிகள்!

ஆப்பிள் சீடர் வினிகர்

ஆப்பிள் சீடர் வினிகர் பல்வேறு ஆரோக்கிய நன்மைகளை வழங்கக்கூடியது. ஆப்பிள் சீடர் வினிகரில் உள்ள ஆன்டி-பாக்டீரியல் பண்புகள் சளி, ஜலதோஷம், அலர்ஜி அல்லது காய்ச்சல் போன்றவற்றை சரிசெய்ய உதவுகின்றன. அதற்கு ஒரு டீஸ்பூன் ஆப்பிள் சீடர் வினிகரை நீரில் கலந்து குடிக்க வேண்டும். இதனால் ஒரு நல்ல பலனை காணலாம்.

ஆவி தெரபி

சைனஸ் பிரச்சனையால் அவதிப்படும் போது, சுடுநீர் குளியல் எடுப்பதன் மூலம், சுவாசப் பாதைகள் திறக்கப்பட்டு சைனஸ் பிரச்சனையில் இருந்து நல்ல நிவாரணம் கிடைக்கும். இல்லாவிட்டால் ஒரு பாத்திரத்தில் சுடுநீரை நிரப்பி, அதிலிருந்து வரும் நீராவியை சுவாசிக்கலாம். இதன் மூலம் உடனடி நிவாரணம் கிடைக்கும்.

மஞ்சள்

மருத்துவ குணம் வாய்ந்த மஞ்சள் அற்புதமான மசாலா பொருள் மட்டுமல்ல. சைனஸ் பிரச்சனையின் போது சிகிச்சையளிப்பதில் பயனுள்ளதாக கருதப்படுகிறது. இதில் ஆன்டி-ஆக்ஸிடன்ட்டுகள் மற்றும் அழற்சி எதிர்ப்பு பண்புகள் உள்ளன. எனவே சுடுநீரில் சிறிது மஞ்சள் தூள் சேர்த்து கலந்து குடிக்க வேண்டும். இது சுவாசப் பாதையில் உள்ள சளியைக் கரைத்து வெளியேற்ற உதவி புரிந்து, சைனஸ் பிரச்சனையில் இருந்து உடனடி நிவாரணத்தை அளிக்கிறது.

யூகலிப்டஸ் ஆயில்

இந்த எண்ணெய் சைனஸ் தொற்றை எதிர்த்துப் போராட உதவுகிறது மற்றும் சுவாச மண்டலத்தை வலுவாக்குகிறது. சைனஸ் பிரச்சனையால் அவதிப்படும் போது ஒன்று அல்லது இரண்டு துளிகள் யூகலிப்டஸ் எண்ணெயை ஒரு துணியில் ஊற்றி, அதை சுவாசிக்க வேண்டும். இதனால் உடனடி நிவாரணம் கிடைக்கும்.

மிளகு

சைனஸ் தொற்றை சரிசெய்வதில் மிளகு மிகவும் பயனுள்ள பொருளாக கருதப்படுகிறது. அதுவும் சுடுநீரில் சிறிது மிளகுத் தூளை சேர்த்து கலந்து, ஒரு நாளைக்கு 2-3 முறை குடிக்க வேண்டும். வேண்டுமானால் இதில் சிறிது தேன் சேர்த்து கலந்து கொள்ளலாம். ஆனால் வாய்ப்புண் இருந்தால், இந்த வழியைப் பின்பற்றாதீர்கள்.