உங்களுக்கு நெஞ்செரிச்சல் அடிக்கடி வருதா? அப்ப இந்த 5 உணவுகளை சாப்பிடுங்க... உடனே சரியாகிடுமாம்!

குளிர்ந்த பால்

குளிர்ந்த பாலை பருகுவது அமில வீக்கத்தை உடனடியாக குணப்படுத்தும். ஏனெனில், இதில் அதிகளவு கால்சியம் உள்ளது. இது அமிலத்தை உறிஞ்சுவதன் மூலம் அமிலம் உருவாகாமல் தடுக்க உதவுகிறது. உண்மையில், குளிர்ந்த பாலை பருகுவது செரிமான அமிலத்தை உறிஞ்சுவதன் மூலம் அசௌகரியம் மற்றும் வலியை உடனடியாக குறைக்கிறது என்று நிபுணர்கள் தெரிவிக்கின்றனர்.

கெமோமில் தேயிலை

கெமோமில் பூவை அடிப்படையாகக் கொண்ட தேயிலை அழற்சி எதிர்ப்பு பண்புகளைக் கொண்டுள்ளது. இது அமில ரிஃப்ளக்ஸ் மற்றும் அமிலத்தன்மையின் திடீர் அதிகரிப்பால் ஏற்படும் வலியைக் குணப்படுத்த உதவுகிறது. மேலும், இது உங்கள் வயிற்று அசெளகரியங்களை குறைக்க உதவுகிறது.

பழுத்த வாழைப்பழம்

பொட்டாசியம் நிறைந்த பழுத்த வாழைப்பழங்களை உட்கொள்வது அமிலத்தன்மையின் திடீர் தூண்டுதல்களைக் கட்டுப்படுத்த உதவும் ஓர் சிறந்த வழியாகும். ஏனெனில் இந்த பழம் இயற்கையில் காரத்தன்மை கொண்டது. இது நெஞ்செரிச்சலைக் குறைக்க உதவுகிறது. அகாடமி ஆஃப் நியூட்ரிஷன் & டயட்டிக்ஸ் படி, பழுத்த வாழைப்பழத்தை உட்கொள்வது செரிமான அமிலத்துடன் செயல்படுகிறது மற்றும் உணவுக்குழாயில் ஏற்படும் எரிச்சலைக் குறைக்கிறது.

துளசி இலைகள்

துளசி என்றும் அழைக்கப்படும் புனித துளசி, வாயு மற்றும் வீக்கம் காரணமாக ஏற்படும் அமில ரிஃப்ளக்ஸ் மற்றும் அசௌகரியத்தை குணப்படுத்தும் மருத்துவ குணங்களைக் கொண்டுள்ளது. உண்மையில், துளசியில் உள்ள அல்சர் எதிர்ப்பு பண்புகள், தேநீர் அல்லது பச்சையாக தினமும் உட்கொள்ளும் போது வயிற்றின் அமில அளவைக் குறைக்க உதவுகிறது

இஞ்சி

குமட்டல் மற்றும் வாந்தி போன்ற உணர்வைத் தடுக்க இஞ்சியில் வாந்தி எதிர்ப்பு பண்புகள் உள்ளன. பால் இல்லாத இஞ்சி டீயை பருகுவது, அமிலத்தன்மையால் ஏற்படும் வீக்கம், வலி, அசௌகரியம் ஆகியவற்றைக் குறைக்க உதவுகிறது. இருப்பினும், தினமும் 3-4 கிராமுக்கு மேல் இஞ்சியை உட்கொள்ளாமல் பார்த்துக் கொள்ளுங்கள்.