இந்திய ஆண்களுக்கு விந்தணு தரம் மற்றும் எண்ணிக்கை குறைய இந்த 5 விஷயங்கள்தான் முக்கிய காரணமாம்...!

சிகரெட், மது மற்றும் போதைப்பொருள்

நீங்கள் புகைபிடிப்பவராக இருந்தால் முடிந்தவரை விரைவில் அதனை நிறுத்தவும். மோசமான விந்தணு இயக்கம் மற்றும் பலவீனமான அல்லது தரமற்ற விந்தணுக்களுக்கு புகையிலை முதன்மைக் காரணமாகும், மேலும் குரோமோசோம்களுக்கு மரபணு சேதத்திற்கும் காரணமாகும். கூடுதலாக, அதிக ஆல்கஹால் டெஸ்டோஸ்டிரோன் அளவைக் குறைக்கலாம் மற்றும் பாலியல் செயல்திறனில் தாக்கத்தை ஏற்படுத்தும். மேலும், போதைமருந்துகளை உபயோகிப்பது விந்தணுக்களின் எண்ணிக்கை குறைவதோடு தொடர்புடையது.

அதிகமான உடற்பயிற்சி

அதிகப்படியான உடற்பயிற்சி டெஸ்டோஸ்டிரோன் அளவையும் விந்தணு தரத்தையும் குறைக்கும். உடற்பயிற்சி செய்வது ஆரோக்கியமானதாக இருந்தாலும், அது மிதமானதாக இருக்க வேண்டும் மற்றும் உங்கள் விந்தணு அல்லது டெஸ்டோஸ்டிரோன் அளவுகளில் எந்த தாக்கத்தையும் ஏற்படுத்தாத அளவில் இருக்க வேண்டும். அளவிற்கு மீறினால் அமிர்தம் மட்டுமல்ல உடற்பயிற்சியும் நஞ்சுதான்.

வெப்பம்

சூடான பாத் டப்கள், நீராவி அறைகள் அல்லது நீண்ட நேர வெந்நீர் குளியல் ஆகியவற்றைப் பயன்படுத்துவதைத் தவிர்க்கவும், ஏனெனில் அவை உடலின் வெப்பநிலையை தற்காலிகமாக அதிகரிக்கக்கூடும், இது விந்தணுக்களின் அளவு மற்றும் தரத்தை பாதிக்கலாம். கூடுதலாக, மடிக்கணினியை மடியில் வைத்திருப்பதை தவிர்க்கவும்.

இறுக்கமான உள்ளாடைகளை அணிவது

இறுக்கமான உள்ளாடைகள் அல்லது ஒல்லியான ஜீன்ஸ் அல்லது பேன்ட் அணிவது டெஸ்டிகுலர் வெப்பநிலையை அதிகரிக்கும், இது விந்தணு உற்பத்தியை எதிர்மறையாக பாதிக்கும். இந்திய இளைஞர்கள் பலரும் இந்த தவறை செய்கின்றனர்.

மனஅழுத்தம்

மனஅழுத்தம் உங்கள் மனஆரோக்கியத்தில் மட்டுமே தலையிடுவதாக நீங்கள் நினைக்கலாம். ஆனால் இது விந்தணுவின் உற்பத்திக்குத் தேவையான சில ஹார்மோன்களில் தலையிடலாம். கருத்தரிப்பதில் உள்ள சிக்கல்கள் உட்பட, தொடர்ச்சியான அல்லது கடுமையான மன அழுத்தத்தால் உங்கள் விந்தணு எண்ணிக்கை பாதிக்கப்படலாம்.