உங்களுக்கு பைல்ஸ் இருக்கா? வலி தாங்க முடியலையா? இந்த எண்ணெயை தினமும் வையுங்க...

கிராம்பு எண்ணெய்

பைல்ஸ் பிரச்சனையில் இருந்து விடுபட கிராம்பு எண்ணெய் பெரிதும் உதவி புரியும். அதற்கு கிராம்பு எண்ணெய் சில துளிகளை பாதிக்கப்பட்ட பகுதியில் தினமும் தடவ வேண்டும். இப்படி செய்து வந்தால், பைல்ஸ் வலியில் இருந்து விடுபடலாம்.

புதினா எண்ணெய்

பைல்ஸ் வலியால் தினமும் அவதிப்படுகிறீர்களா? அப்படியானால் புதினா எண்ணெயை அதற்கு நல்ல நிவாரணத்தை அளிக்கும். அதற்கு சில துளிகள் புதினா எண்ணெயை பைல்ஸ் உள்ள பகுதியில் தடவ வேண்டும். இப்படி செய்தால் பைல்ஸ நீங்குவதோடு மட்டுமின்றி, வீக்கமும் குறையும்.

டீ-ட்ரீ ஆயில்

டீ-ட்ரீ எண்ணெயை பயன்படுத்துவதால் பைல்ஸ் பிரச்சனையை சமாளிக்கலாம். அதற்கு டீ-ட்ரீ எண்ணெயை பாதிக்கப்பட்ட பகுதியில் தடவ வேண்டும். அதுவும் டீ-ட்ரீ எண்ணெயை தேங்காய் எண்ணெயுடன் சேர்த்து கலந்து பயன்படுத்துங்கள். இப்படி செய்வதன் மூலம் பைல்ஸ் பிரச்சனையில் இருந்து விடுபடலாம்.

லாவெண்டர் ஆயில்

நல்ல நறுமணம் கொண்ட லாவெண்டர் ஆயில் கூட பைல்ஸ் பிரச்சனையை குணமாக்கும். அதற்கு லாவெண்டர் எண்ணெயை தேங்காய் எண்ணெயுடன் சேர்த்து கலந்து, பஞ்சுருண்டை அல்லது மென்மையான துணியில் நனைத்து ஆசன வாய் பகுதியில் தடவ வேண்டும். இப்படி தினமும் 2-3 முறை செய்து வந்தால், பைல்ஸ் பிரச்சனையில் இருந்து விடுபடலாம்.

சீமைச்சாமந்தி எண்ணெய்

சீமைச்சாமந்தி எண்ணெயில் ஆன்டிசெப்டிப், அழற்சி எதிர்ப்பு, ஆண்டிஸ்பாஸ்மோடிக் மற்றும் சுடோரிஃபிக் விளைவுகள் உள்ளன. இது காயங்கள், தோல் புண்கள், கொப்புளங்கள் மற்றும் மூல நோய் ஆகியவற்றை குணப்படுத்தக்கூடியது. அதுவும் பைல்ஸ் உள்ளவர்கள் 2-3 துளிகள் சீமைச்சாமந்தி எண்ணெயுடன் விளக்கெண்ணெய் அல்லது தேங்காய் எண்ணெய் சேர்த்து கலந்து, ஆசன வாய் பகுதியில் தடவி சிறிது நேரம் மசாஜ் செய்ய வேண்டும். இப்படி தினமும் 2-3 முறை செய்து வர நல்ல பலன் கிடைக்கும்.

சந்தன எண்ணெய்

சந்தன எண்ணெயில் அழற்சி எதிர்ப்பு பண்புகள், வலி நிவாரண பண்புகள், ஆன்டிபிரைடிக் நடவடிக்கைகள் மற்றும் குளிர்ச்சி பண்புகள் உள்ளதால், இதை மூல நோய் உள்ள பகுதியில் தடவி வந்தால், கடுமையான பைல்ஸ் வலியில் இருந்து உடனடி நிவாரணம் கிடைக்கும். அதற்கு 4-5 துளிகள் சந்தன எண்ணெயை தேங்காய் எண்ணெய், ஆலிவ் ஆயில் அல்லது விளக்கெண்ணெயுடன் சேர்த்து கலந்து பைல்ஸ் உள்ள பகுதியில் தடவி மசாஜ் செய்ய வேண்டும்.