ஆண்களின் மலட்டுத்தன்மையை போக்கும் அற்புத சிகிச்சைகள்!!!

இனப்பெருக்க பாதை அடைப்பு

சில ஆண்களுக்கு விந்தணு உற்பத்தியாகும் இடங்களிலும், பாதைகளிலும் அடைப்பிருக்கும். இதை அறுவை சிகிச்சை மூலம் சரி செய்யலாம். இதைச் செய்ய இயலாத நிலையில், புதிய தொழில் நுட்ப முறையான விந்தணுவை நேரடியாக விதைப்பைகளிலிருந்து பெறும்படியான முறையை முயற்சி செய்யலாம். வாசக்டமி எனப்படும் ஆண் கருத்தடை முறை இதிலிருந்து முற்றிலும் மாறுபட்ட ஒன்று. மேலும் இந்த முறை பெரும்பாலும் பழைய நிலைக்கு மாற்றத் தகுந்த ஒன்று.

பிட்யூட்டரி குறைபாடு

ஆண்களின் பிறப்புறுப்பு மண்டலங்களில் ஹைபோதலாமஸ் மற்றும் பிட்யூட்டரி சுரப்பிகள் முக்கிய பங்காற்றுகின்றன. ஹார்மோன்களை சுரக்கக் காரணமான பிட்யூட்டரி சுரப்பி மூளையின் செயல்களை ஊக்குவிக்க உதவுகிறது. இதில் குறைபாடு இருந்தால் ஆண்களுக்கு மலட்டுத்தன்மை ஏற்படலாம். கோனாடோட்ரோபின் எனப்படும் சிகிச்சை மூலம் இந்த பிட்யூட்டரி சுரப்பிக் குறைபாடுகளை நீக்கலாம்.

வெரிகோசல்

விரைப்பையில் உள்ள நரம்புகளின் வீக்கம் வெரிகோசல்லை குறிக்கும். இந்தக் குறைபாடுள்ள ஆண்களில் குறைந்த விந்தணு எண்ணிக்கையையும், அசாதாரண தோற்றத்தினை கொண்ட விந்தணுக்களும் காணப்படும். விரைப்பைகளில் காணப்படும் வெப்பம், குறைந்த அளவு ஆக்சிஜன் மற்றும் குறைந்த இரத்த ஓட்டம் ஆகியவை இதற்குக் காரணமாக இருக்கலாம். ஆண் மலட்டுத்தன்மையில் காணப்படும் இந்த குறைபாட்டினை சரி செய்ய சிறந்த வழி அறுவை சிகிச்சையாகும். குறிப்பிட்ட சில சமயங்களில் அதுவும் பயனளிக்காமல் போகலாம்.

அஜூஸ்பெர்மியா

இந்தக் குறைபாடுள்ளவர்களுக்கு விந்தணு மிகவும் குறைவாக இருக்கலாம். மலட்டுத தன்மை கொண்ட ஆண்களில் இது பொதுவாகக் காணப்படும். இதை கண்டறிய விரைப்பை பயாப்சி சோதனையை செய்ய வேண்டியிருக்கும். இதன் மூலம் பிரச்சனையை துல்லியமாகக் கண்டறிய முடியும். விந்தணு உற்பத்திக் குறைபாடுகள் அல்லது உற்பத்திப் பாதையில் அடைப்பு ஆகியவை இதற்குக் காரணமாக இருக்கலாம்.

விந்தணு மேப்பிங்

இந்த முறை மூலம் விதைப்பையில் விந்தணுக்களின் இருப்பிடம் அறியப்படும். மலட்டுத் தன்மை அதிகமாகக் கொண்ட ஆண்களில் சிகிச்சைக்கு இந்த முறை மிகவும் முக்கியமான ஒன்று. இது சற்று எளிதான அறுவை சிகிச்சை தேவைப்படாத, மருத்துவக்கருவிகள் அதிகம் இல்லாத இடத்திலேயே செய்யக்கூடிய ஒன்று. இதன் மூலம் அறுவை சிகிச்சை உள்ளிட்ட இன்ன பிற சிகிச்சைகளின் மூலம் ஏற்படும் பாதிப்புகளிலிருந்து விரைப்பைகளைப் பாதுகாக்கலாம்.