மூடு சரியில்லையா? சாக்லேட் சாப்பிடுங்க !

Wellness

oi-Jaya

By Mayura Akilan

Published: Thursday, June 21, 2012, 17:31 [IST]

காலையில் எழும்போதே ஏதாவது ஒரு விசயம் நம் மனதை பாதித்துவிட்டால் அன்றைக்கு அவ்வளவுதான் மூடு அப்செட் ஆகிவிடும். மூடு சின்னதாக மாறினாலும் அது மனதை பாதிக்காத அளவிற்கு சில காரியங்களை செய்யலாம் என்கின்றனர் நிபுணர்கள். இசையில் மூழ்கினால் உற்சாக மூடு ஏற்படும், அதேபோல சாக்லேட் சாப்பிட்டாலும் மனம் உற்சாகமடையும் என்கின்றனர் நிபுணர்கள். அவர்கள் கூறும் ஆலோசனையை படித்துப் பாருங்களேன்.

காலையில் எழுந்ததும் காபி அல்லது டீ குடிப்பது பலரது பழக்கம். இது உற்சாகமூட்டும் பானம் என்பதால் இதனை குடிக்கின்றனர். மூடு கொஞ்சம் சரியில்லை என்றாலும் காபி, டீ குடிக்காலாமாம். இதனால் மனதில் ஏதேனும் சஞ்சலம் இருந்தாலும் மாறிவிடும்.

இசையில் லயித்தால் மனதில் எந்த வித கவலையும் குடியேறாது. சின்னதாய் மூட் அப்செட் ஆனாலும் மனதிற்கு பிடித்த பாடலை ஹெட் செட் போட்டு கேளுங்கள். மனம் உற்சாகமடையும்.

நல்ல நண்பன் இருந்தால் எதற்கும் கவலைப்படத் தேவையில்லை. எப்பொழுதெல்லாம் மனதிற்கு டல் அடிக்கிறதோ அப்பொழுது எல்லாம் உங்களின் நண்பரிடம் பேசுங்கள். டல் மூடு மாறி உற்சாகம் பிறக்கும்.

சாக்லேட் மிகச்சிறந்த உற்சாக மூட்டக்கூடிய உணவுப்பொருள். மன அழுத்தம் ஏற்படும் நேரங்களில் டார்க் சாக்லேட் சாப்பிட்டால் அது மன அழுத்தத்தைப் போக்கும் என்று அறிவியல் ரீதியாக நிரூபிக்கப்பட்டுள்ளது. இது மன அழுத்தம் ஏற்படுத்தும் ஹார்மோன் சுரப்பியை கட்டுப்படுத்துகிறதாம். அதுபோல சாக்லேட் சாப்பிடுவதால் உற்சாக மூடு ஸ்டார்ட் ஆகிவிடும் என்கின்றனர் நிபுணர்கள்.

அதிகாலை வானம், பசுமையான காட்சிகள், விழும் அருவி, ஆர்ப்பரிக்கும் கடல் போன்ற இயற்கை அழகினை ரசித்தால் போதும் உற்சாகம் பிறக்கும். எப்பொழுது எல்லாம் மனதிற்கு பாதிப்பு ஏற்பட்டு மூடு அப்செட் ஆகிறதோ வண்டியை எடுத்துகொண்டு ஒரு ஜாலி ட்ரைவ் கிளம்புங்களேன்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.