உங்க இதயம் ஆரோக்கியமா இருக்கானு வீட்டிலேயே சோதிக்கணுமா? இந்த 3 வழிகளில் ஒன்றை ட்ரை பண்ணுங்க...!

Heart Test at Home: இதய நோய்கள் அல்லது மாரடைப்பால் பாதிக்கப்படுபவர்கள் மற்றும் மரணிப்பவர்களின் எண்ணிக்கை ஆண்டுதோறும் அதிகரித்து வருகிறது, குறிப்பாக இளைய வயதினரிடையே இது மிகவும் வேகமாக அதிகரித்து வருகிறது.

இதனைத் தடுக்க உங்கள் இதய ஆரோக்கியம் குறித்து விழிப்புடன் இருப்பதும், அதைக் கண்காணிப்பதும் அவசியம். உங்கள் இதய ஆரோக்கியத்தை சோதிக்க மருத்துவமனைக்குத்தான் செல்ல வேண்டுமென்ற அவசியமில்லை.

நீங்கள் வீட்டில் முயற்சி செய்யக்கூடிய சில பாதுகாப்பான மற்றும் எளிமையான சோதனைகள் உள்ளன. இந்த சோதனைகள் துல்லியமான முடிவுகளை தராவிட்டாலும், உங்களின் இதய ஆரோக்கியத்தைப் பற்றியை அடிப்படை புரிதலை அடைய உதவும்.

இதுகுறித்து முதலில் உங்கள் மருத்துவரிடம் ஆலோசனை பெறுவது முக்கியம், குறிப்பாக உங்களுக்கு ஏற்கனவே இதய நோய் இருந்தால் இது மிகவும் அவசியமானதாகும்.

படிக்கட்டு சோதனை

படிக்கட்டுகளில் ஏறும் போது மூச்சு வாங்குகிறதா? உங்கள் இதய ஆரோக்கியம் எவ்வளவு ஆரோக்கியமாக இருக்கிறது என்பதை அறிய படிக்கட்டு சோதனை உதவும். ஆரோக்கியமான இதயம் கொண்ட ஒருவர் நான்கு மாடிகளில் ஏறுவதற்கு ஒன்றரை நிமிடங்களுக்கு மேல் எடுக்கக் கூடாது.

அப்படிச் செய்யத் தவறினால், உங்கள் இதயத்தின் ஆரோக்கியம் மிகவும் மோசமாக உள்ளது என்பதைக் குறிக்கலாம். சரியான நோயறிதலுக்கு உடனடியாக உங்கள் மருத்துவரை அணுகவும்.

இதயத்துடிப்பை சோதிக்கவும்

வீட்டிலேயே உங்கள் நாடித் துடிப்பை ஆய்வு செய்ய, உங்கள் இதயத் துடிப்பின் சத்தத்தை உணர, உங்கள் இடது கையின் உள் மணிக்கட்டில் உங்கள் நடுவிரல் மற்றும் வலது கையின் ஆள்காட்டி விரலை வைக்க வேண்டும். அடுத்து, நீங்கள் நொடி கடிகாரத்தை எடுத்து 10 விநாடிகளுக்கு துடிப்புகளின் எண்ணிக்கையை எண்ண வேண்டும்.

ஒரு நிமிடத்திற்கு இதயத் துடிப்பைக் கணக்கிட, துடிப்புகளின் எண்ணிக்கையை மேலும் ஆறால் பெருக்க வேண்டும். ஒரு ஆரோக்கியமான இதயம் நிமிடத்திற்கு 60 முதல் 100 துடிக்கிறது, மேலும் உங்கள் இதயத் துடிப்பு வழக்கமான எண்ணிக்கையை விட அதிகமாகவோ அல்லது குறைவாகவோ இருந்தால், நீங்கள் மருத்துவ ஆலோசனை பெற வேண்டிய நேரம் இது.

ஏரோபிக் பயிற்சிகள்

லேசான ஏரோபிக் பயிற்சிகளைச் செய்யும்போது உங்களுக்கு மூச்சுத் திணறல் ஏற்பட்டால், உங்களுக்கு சில அடிப்படை இதயப் பிரச்சினைகள் இருப்பதற்கான வாய்ப்புகள் அதிகம். போதுமான அளவு ஆக்ஸிஜன் உங்கள் தசைகளுக்குச் செல்லாததால், இதுபோன்ற பயிற்சிகளைச் செய்த பிறகு நீங்கள் சோர்வை அனுபவிக்கலாம்.

அத்தகைய பரிசோதனையை மேற்கொள்வதற்கு முன், உங்களுக்கு ஏதேனும் உடல்நலப் பிரச்சினைகள் இருந்தால், உங்கள் மருத்துவரிடம் ஆலோசனை பெறுவது முக்கியம்.

ஆரோக்கியமற்ற இதயத்தின் அறிகுறிகள்

மேலே குறிப்பிட்டுள்ள சோதனைகளைத் தவிர, உங்கள் இதயம் ஆரோக்கியமற்றதாக இருப்பதைக் குறிக்கும் சில அறிகுறிகள் உள்ளன. அவை என்னவெனில்,

- வீங்கிய கால்கள், கணுக்கால் வீக்கம்
- சகிப்புத்தன்மை இல்லாமை
- மார்பில் அசௌகரியம்
- இடது தோள்பட்டை மற்றும் இடது கை வலி
- நெஞ்செரிச்சல் அல்லது முதுகு வலி
- பாலியல் ஆரோக்கிய பிரச்சினைகள்
- தூக்கத்தில் மூச்சுத்திணறல்
- சரும நிற மாற்றம்
- கால் விரல்களில் வலி

இதயத்தை பராமரிக்க என்ன செய்ய வேண்டும்?

ஆரோக்கியமான இதயத்திற்கு ஆரோக்கியமான வாழ்க்கை முறை அவசியமாகும். இதில் தினசரி வேலை செய்வது, நீரேற்றத்துடன் இருப்பது, உங்கள் இரத்த அழுத்தம், கொலஸ்ட்ரால் மற்றும் நீரிழிவு ஆகியவற்றை நிர்வகித்தல் மற்றும் புகைபிடிப்பதை நிறுத்துதல் மற்றும் மது அருந்துவதை கட்டுப்படுத்துதல் ஆகியவற்றை உள்ளடக்கியது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.