Year Ender 2022: இந்த ஆண்டு கூகுளில் அதிகம் தேடப்பட்ட வீட்டு வைத்தியங்கள் என்னென்ன தெரியுமா?

மலச்சிக்கல்

2022 ஆம் ஆண்டில் மக்கள் கூகுளில் மலச்சிக்கல் பிரச்சனையில் இருந்து விடுபடுவதற்கான வீட்டு வைத்தியத்தைப் பற்றி தேடியுள்ளனர். மலச்சிக்கலைப் போக்குவதற்கு நார்ச்சத்துள்ள பழங்களான கொய்யா, வாழைப்பழம் போன்றவற்றை சாப்பிடுவது நல்லது. மேலும் இஞ்சி டீ குடிப்பதும் நன்மை பயக்கும்.

சளி, இருமல்

குளிர்காலத்தில் சளி, இருமல் பிரச்சனைகளை அதிகம் சந்திக்க நேரிடும். அதுவும் கொரோனா வந்த பின்னர் சளி, இருமல் பிரச்சனையைக் கண்டு பலரும் அச்சம் கொள்கிறார்கள். அதனால் சளி, இருமல் பிரச்சனையை போக்கும் இயற்கை வைத்தியங்கள் குறித்து அதிக தேடியுள்ளனர். சளி, இருமலுக்கு இஞ்சி கசாயம் நல்ல பலனைத் தருவதாக கூறப்படுகிறது.

எடை இழப்பு

இந்தியாவில் பெரும்பாலானோர் உடல் பருமனால் அவதிப்படுகிறார்கள். இந்த உடல் பருமனைக் குறைக்க பலர் ஜிம்மிற்கு சென்றாலும், நிறைய பேர் தங்கள் உடல் எடையைக் குறைக்க இயற்கை வைத்தியங்களை பின்பற்ற விரும்புகிறார்கள். எனவே 2022 ஆம் ஆண்டில் உடல் எடையைக் குறைக்கும் இயற்கை வைத்தியங்களைப் பற்றி மக்கள் அதிகம் கூகுளில் தேடியுள்ளனர். க்ரீன் டீ, பூண்டு, கறிவேப்பிலை போன்றவற்றை வெறும் வயிற்றில் உட்கொண்டால், எடையில் மாற்றம் தெரியும்.

நோயெதிர்ப்பு சக்தியை அதிகரிப்பது

2022 ஆம் ஆண்டில் மக்கள் நோயெதிர்ப்பு சக்தியை அதிகரிக்க மஞ்சள் பால் தயாரிப்பது எப்படி மற்றும் எப்போது குடிக்க வேண்டும், துளசி கசாயம் தயாரிப்பது எப்படி, மிளகு துளசி கசாயம் எப்படி தயாரிப்பது என்பனவற்றை அதிகம் கூகுளில் தேடியுள்ளனர்.

தலைமுடி உதிர்வு

உடல் பருமனுக்கு அடுத்தபடியாக மக்கள் சந்திக்கும் ஓர் பொதுவான பிரச்சனை தான் தலைமுடி உதிர்வு. இந்த தலைமுடி உதிர்வைக் குறைப்பது குறித்த இயற்கை வைத்தியங்களை 2022-ல் மக்கள் கூகுளில் அதிகம் தேடியுள்ளனர்.

வயிற்றுப்போக்கு

2022-ல் ம்க்கள் கூகுளில் அதிகம் எந்த பிரச்சனைக்கு இயற்கை வைத்தியங்களை தேடியுள்ளனர் என்றால், அது வயிற்றுப்போக்கு. உடலில் நீர்ச்சத்து குறைவதால் சந்திக்கும் ஓர் பிரச்சனை தான் வயிற்றுப்போக்கு. இந்த பிரச்சனையை சந்தித்தால் கசகசாவை அரைத்து, மாட்டுப்பாலில் கலந்து குடிக்கலாம்.