பருவம் அடையாத பெண் குழந்தைகளுக்கு கை மேல் பலன் தரும் வெந்தய லேகியம் !!

வெந்தயம் ஊற வைக்கவேண்டும் :

இரவில் ஒரு பிடி வெந்தயத்தை எடுத்து, நீரில் ஊற வைக்க வேண்டும். மறுநாள் காலையில் ஊறிய அந்த வெந்தயத்தை அம்மி அல்லது கல்லுரலில் அரைத்து விழுதாக்கிக் கொள்ளுங்கள்.

கல்கண்டு மற்றும் வெண்ணெய் சேர்க்க வேண்டும் :

இந்த விழுது எவ்வளவு இருக்கோ அதே எடையளவுக்கு வெண்ணெயும், இனிப்பிற்கு தகுந்த மாதிரி கல்கண்டும் எடுத்துக் கொள்ளுங்கள். குறைந்த தீயில் வாணிலியில் இந்த மூன்றையும் சேர்த்து கிளற வேண்டும்.

திராட்சை போட வேண்டும் :

இதோட கைப்பிடியளவு காய்ந்த திராட்சையும் போடுங்கள். வெண்ணெய் உருகி, நெய் வாசனை வர்ற சமயத்தில் லேகியத்தை அடுப்பிலிருந்து இறக்கி ஆற வைக்க வேண்டும்.

லேகியம் ரெடி :

லேகியம் கெட்டியாகி கமகமனு மணமா இருக்கும். ஆறினதும் ஒரு பாட்டில்ல போட்டு வச்சிக்கிட்டு தினமும் காலைல ஒரு சின்ன நெல்லிக்காய் அளவு உருண்டையைச் சாப்பிடக் கொடுத்தால், சீக்கிரமே பொண்ணு புஷ்டியாகி பருவத்துக்கு வந்துடும்.

புஷ்டியாகவும் சாப்பிடலாம் :

வத்தலும் தொத்தலுமா இருப்பவர்கள் மற்றும் பலவீனமான பெரியவர்களுக்கு இந்த வெந்தய லேகியம் பூரிப்பை தரும். உடலுக்கும் பலம் தரும்.