வெயில் காலத்தில் உங்க இதயம் பாதுகாப்பாக இருக்கணுமா? அப்ப இந்த 5 விஷயங்களை ஒழுங்கா பண்ணுங்க...!

Summer Care Tips: வெப்பநிலை அதிகரிக்கும் போது அது நம் பல்வேறு வழிகளில் நம் ஆரோக்கியத்தைப் பாதிக்கும், அதில் முக்கியமானது இதய ஆரோக்கியம். கோடைகாலங்களில் மாரடைப்பால் மரணிப்பவர்களின் எண்ணிக்கை அதிகரிப்பதே இதற்கான சான்றாகும்.

வெப்பநிலை அதிகரிக்கும் சூழலில், உங்கள் இதய ஆரோக்கியத்தில் கூடுதல் கவனம் செலுத்த வேண்டியது அவசியம். கோடை வெப்பம் உங்கள் இதய அமைப்பில் கூடுதல் அழுத்தத்தை ஏற்படுத்தலாம், உங்கள் இதயத்தைப் பாதுகாக்க ஆரோக்கியமான பழக்கவழக்கங்களைக் கடைப்பிடிப்பது அவசியம். கோடை மாதங்களில் உங்கள் இதயத்தை ஆரோக்கியமாக வைத்திருக்க உதவும் எளிய வழிகள் என்னென்ன என்று இந்த பதிவில் தெரிந்து கொள்ளலாம்.

உடலின் முக்கிய எண்களை பரிசோதிக்க வேண்டும்

கோடைக்கால நடவடிக்கைகளில் ஈடுபடுவதற்கு முன், உங்கள் மருத்துவரிடம் சென்று பரிசோதனை செய்ய நேரம் கொள்ள ஒதுக்குங்கள். உங்கள் கொலஸ்ட்ரால், இரத்த அழுத்தம் மற்றும் இதய ஆரோக்கியத்தின் பிற முக்கிய குறிகாட்டிகளைப் புரிந்துகொள்வது உங்கள் இதயத்தை ஆபத்திலிருந்து விலக்கி வைத்திருக்க உதவும்.

உங்கள் ஆரோக்கிய எண்களை அறிந்துகொள்வது உங்கள் ஆபத்து காரணிகளை மதிப்பிடவும், உங்கள் இதயத்தை பாதுகாப்பாக வைத்திருக்க தேவையான முன்னெச்சரிக்கை நடவடிக்கைகளை எடுக்கவும் உங்களுக்கு உதவியாக இருக்கும்,

வெயில் நேரத்தில் வெளியே செல்வதைத் தவிர்க்க வேண்டும்

சூரியன் சுட்டெரிக்கும் போது மற்றும் வெப்பநிலை உயரும் போது, பகல்பொழுதின் வெயில் நிறைந்த நேரத்தில் வெளிப்புற நடவடிக்கைகளைத் தவிர்ப்பது நல்லது. அதிக வெப்பம் மற்றும் ஈரப்பதம் உங்கள் இதயத்தை கஷ்டப்படுத்தலாம்.

உங்களுக்கு ஏற்கனவே அடிப்படை உடல்நலப் பிரச்சினைகள் இருந்தால் காலநிலை மாற்றங்கள் உங்கள் இதயத்தின் மீது கூடுதல் அழுத்தத்தை ஏற்படுத்தும். உங்கள் இதய ஆரோக்கியத்தின் சுமையைக் குறைக்க, பகல் நேரங்களில் வெளியே செல்வதைத் தவிருங்கள் அல்லது பீக் நேரங்களில் நிழலில் இருப்பதே நல்லது.

புத்துணர்ச்சியாக உணவுகள் மூலம் நீரேற்றமாக இருக்க வேண்டும்

வெப்பமான காலநிலையில் உங்கள் இதயத்தை ஆதரிக்க நீரேற்றம் முக்கியமானது. நிறைய தண்ணீர் குடிப்பதைத் தவிர, உங்கள் டயட்டில் நீரேற்ற உணவுகளைச் சேர்க்கவும். ஸ்ட்ராபெர்ரிகள், தர்பூசணி மற்றும் பீச் போன்ற புத்துணர்ச்சியூட்டும் பழங்களையும், வெள்ளரிகள் போன்ற ஈரப்பதமூட்டும் காய்கறிகளை சேர்த்துக் கொள்ளுங்கள். இந்த உணவுகள் அத்தியாவசிய திரவங்களை வழங்குவதோடு மட்டுமல்லாமல் இதய ஆரோக்கியத்திற்கு மதிப்புமிக்க ஊட்டச்சத்துக்களையும் வழங்குகின்றன.

வெப்பம் தொடர்பான நோய்களை தெரிந்து வைத்திருக்க வேண்டும்

ஹிட்ஸ்ட்ரோக் மற்றும் வெப்ப சோர்வு போன்ற வெப்பம் தொடர்பான நோய்களின் அறிகுறிகளுக்கு விழிப்புடன் இருங்கள். கடுமையான வியர்வை, குமட்டல் மற்றும் விரைவான இதயத் துடிப்பு போன்ற அறிகுறிகள் குறித்து உடனடி கவனம் தேவை. இந்த அறிகுறிகளை நீங்கள் அனுபவித்தால், உடனடியாக குளிர்ச்சியான சூழலுக்குச் செல்லவும், தேவைப்பட்டால் மருத்துவ உதவியை நாடவும். வெப்பம் தொடர்பான சிக்கல்களைத் தடுக்க அதிக வெப்பத்தில் வேலை செய்வதைத் தவிர்க்கவும்.

மனஅழுத்தத்தை கட்டுப்பாட்டில் வைத்திருக்க வேண்டும்

கோடைகால மன அழுத்தம் உங்கள் இதய ஆரோக்கியத்தில் பாதிப்பை ஏற்படுத்தும், எனவே மன அழுத்தத்தைக் குறைக்கும் செயல்களுக்கு முன்னுரிமை கொடுங்கள். யோகா, தியானம் அல்லது மாலையில் நிதானமாக நடப்பது போன்ற அமைதியான நடைமுறைகளில் ஈடுபடுங்கள்.

அன்புக்குரியவர்களுடன் நேரத்தை செலவிடுவது மற்றும் ஏர் கண்டிஷனிங் மூலம் வசதியான உட்புற சூழலை உருவாக்குவது மன அழுத்தத்தை தணித்து உங்கள் இதய அமைப்பை பாதுகாக்கும். இதய ஆரோக்கியத்தை மேம்படுத்துவதற்கும் கொழுப்பின் அளவைக் குறைப்பதற்கும் மோனோசாச்சுரேட்டட் கொழுப்புகள், வைட்டமின்கள் மற்றும் தாதுக்கள் நிறைந்த உணவுகளை உட்கொள்வதில் அதிக கவனம் செலுத்த வேண்டும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.