நீங்க பாதுகாப்பா செக்ஸ் வச்சிகிட்டாலும்..இந்த வழிகள் மூலம் உங்களுக்கு பாலியல் தொற்றுநோய்கள் வருமாம்!

முத்தம்

தம்பதிகளுக்குள் இருக்கும் நெருக்கத்தை அன்பை வெளிப்படுத்த அவர்கள் ஒருவருக்கொருவர் முத்தம் கொடுக்கிறார்கள். ஆனால், உங்கள் வாயைச் சுற்றி புண் இருந்தாலோ அல்லது உங்கள் பாலியல் துணையின் வாயை சுற்றி புண் இருந்தாலோ, நீங்கள் வாய்வழியாக முத்தம் கொடுக்க வேண்டாம். பொதுவாக ஹெர்பெஸ் சிம்ப்ளக்ஸ் வைரஸ் வகை 1 (HSV-1) என்று அழைக்கப்படும் இந்த வைரஸ் திறந்த புண், வாய்வழி ஹெர்பெஸ் உள்ள ஒருவருடன் தொடர்பு கொள்வதன் மூலம் பரவுகிறது. வாயில் புண் இருக்கும் போது, வாய்வழி உடலுறவு கொள்வதையும் தவிர்க்க வேண்டும். ஏனெனில், இது யோனி பகுதியில் ஹெர்பெஸ் சிம்ப்ளக்ஸ்-1 வைரஸை ஏற்படுத்தலாம்.

பல் துலக்குதல் மற்றும் ரேசர்களைப் பகிர்தல்

பாலியல் தொற்று நோயால் பாதிக்கப்பட்ட நபர்களுடன் பல் துலக்குதல் ப்ரஷ் மற்றும் ரேசர் கருவிகளை ஒன்றாக பகிர்ந்துகொள்ள வேண்டாம். ஏனெனில், சருமத்தில் காயத்தை ஏற்படுத்தும் சாதனங்களைப் பகிர்வதுகொள்வது இரத்தத்தில் ஆபத்தான தொற்று நோய்கள் பரவுவதற்கு வழிவகுக்கும். இதில் ஹெபடைடிஸ் பி, சி மற்றும் எச்ஐவி ஆகியவை அடங்கும். மேலும், மற்றவர்களுக்கு பயன்படுத்திய ஊசியை ஒருபோதும் நீங்கள் பயன்படுத்தக்கூடாது. உங்களுக்கு வரும் ஆபத்தைக் குறைக்க மற்றொரு நபரின் ரேசர் மற்றும் பல் துலக்குதல் ப்ரஷ் போன்ற சாதனங்களை பயன்படுத்தக்கூடாது என்பதில் கவனமாக இருங்கள். பாதிக்கப்பட்ட உணவு அல்லது பானத்தின் மூலம் ஹெபடைடிஸ் ஏ பரவலாம். மேலும், இது குத உடலுறவின் மூலம் மற்றவர்களுக்கு பரவுகிறது.

மருக்கள் மற்றும் புண்

பிறப்புறுப்பில் மருக்கள் உள்ள நபர் மனித பாப்பிலோமா வைரஸ் தொற்றால் பாதிக்கப்பட்டிருக்கலாம். இந்த நபர்களுடன் உடல் தொடர்பு கொள்ளும்போது, உங்களுக்கும் அந்த தொற்று பரப்பலாம். இதனால், உங்கள் பிறப்புறுப்பிலும் மருக்கள் ஏற்படலாம். பொதுவாக பிறப்புறுப்பில் பருக்கள் போன்ற புண் இருக்கும் நபருடன் நேரடி தொடர்பு கொள்வதன் மூலம் சிபிலிஸ் நோய்த்தொற்று பரவலாம். இது ஆரம்பநிலை அறிகுறியாகும். ஆதலால், புண் இருப்பதாக சந்தேகிக்கப்படும் ஒருவரைத் தொடுவதையோ அல்லது அவர்களுடன் உடலுறவு கொள்வதையோ நீங்கள் முற்றிலும் தவிர்க்க வேண்டும்.

மனித பாப்பிலோமா வைரஸ் தொற்று

மனித பாப்பிலோமா வைரஸ் தொற்று என்பது மிகவும் பொதுவான பாலியல் ரீதியாக பரவும் தொற்றுநோய் ஆகும். 2018 ஆம் ஆண்டில் சுமார் 43 மில்லியன் மக்கள் மனித பாப்பிலோமா வைரஸ் தொற்றால் பாதிக்கப்பட்டிருந்தனர். பாதிக்கப்பட்ட மக்களில் பலர் பதின்ம வயதின் பிற்பகுதியிலும் 20 களின் முற்பகுதியிலும் இருந்தனர். மனித பாப்பிலோமா வைரஸ் தொற்று பல்வேறு வகைகளை கொண்டுள்ளன. சில வகைகள் பிறப்புறுப்பு மருக்கள் மற்றும் புற்றுநோய்கள் உட்பட உடல்நலப் பிரச்சினைகளை ஏற்படுத்தும்.

இறுதிக்குறிப்பு

பாலியல் ரீதியாக பரவும் தொற்றுநோய் மற்றும் ஆபத்தான தொற்று நோயால் பாதிக்கப்பட்ட நபருடன் உங்கள் தோலின் மேற்பரப்பை வெட்டக்கூடிய சீர்ப்படுத்தும் கருவிகளைப் பகிர்வது இரத்தத்தில் நோய்கள் பரவுவதற்கு வழிவகுக்கும். பயன்படுத்தப்பட்ட துண்டுகள், துவைக்கும் துணிகள், ரேசர்கள், உள்ளாடைகள் அல்லது நீச்சலுடைகளை மற்றவர்களிடமிருந்து கடன் வாங்கவோ அல்லது பரிமாறிக்கொள்ளவோ கூடாது. ஏனெனில் இவை பிறப்புறுப்பு மனித பாப்பிலோமா வைரஸ் தொற்றை உங்களுக்கு ஏற்படுத்தலாம்.