கர்ணனின் கவச குண்டலம் போல உங்க உடலை பாதுகாக்கும் நோயெதிர்ப்பு சக்தியை அதிகரிக்க 'இத' குடிங்க!

குளிர் காற்று ஊர்ந்து செல்லத் தொடங்கும் போது, நம் உடலுக்கு வலுவாகவும் ஆரோக்கியமாகவும் இருக்க கூடுதல் பாதுகாப்பு தேவைப்படும். இந்த பருவத்தில் உங்கள் நோய் எதிர்ப்பு சக்தியை அதிகரிப்பதற்கான சிறந்த வழிகளில் ஒன்று ஆறுதலான, சூடான மற்றும் சுவையான பால் சார்ந்த பானங்களை உட்கொள்வது.

பருவநிலை மாற்றங்கள் உங்கள் உடல் ஆரோக்கியத்தை பாதிக்கலாம். குளிர் காலத்தில் உங்கள் நோயெதிர்ப்பு சக்தி குறைவாக இருப்பதால், காய்ச்சல், சளி போன்ற நோய்தொற்றுகள் எளிதாக உங்களை தாக்கலாம். பால் சார்ந்த பானங்கள் உங்கள் நோயெதிர்ப்பு சக்தியை அதிகரிப்பதோடு, பல்வேறு நன்மைகளையும் தருகிறது.

இந்த பானங்கள் உங்களுக்கு அத்தியாவசிய ஊட்டச்சத்துக்களை வழங்குவதோடு மட்டுமல்லாமல், குளிர் நாட்களுக்கு இதமாகவும் வசதியாகவும் இருக்கும். நோய் எதிர்ப்பு சக்தியை அதிகரிக்கும் பால் சார்ந்த பானங்கள் சுவையாக மட்டுமின்றி எளிமையாகவும் தயார் செய்யப்படுகின்றன. அவை என்னென்ன பானங்கள் என்று இக்கட்டுரையில் காணலாம்.

தங்க மஞ்சள் பால்

மஞ்சள் ஒரு இயற்கையான அழற்சி எதிர்ப்பு மற்றும் ஆக்ஸிஜனேற்ற மூலமாகும். அதே நேரத்தில் சூடான பால் உங்கள் மனதை ஆறுதல்படுத்துகிறது. இந்த பானம் வீக்கத்தைக் குறைக்கவும், தொற்றுநோய்களை எதிர்த்துப் போராடவும், உங்கள் நோய் எதிர்ப்பு சக்தியை சிறந்த நிலையில் வைத்திருக்கவும் உதவும். இவை தங்கப்பால் என்றும் அழைக்கப்படுகிறது.

அதை எப்படி செய்வது

தேவையான பொருட்கள்

• 1 கப் பால்
• 1/2 தேக்கரண்டி மஞ்சள் தூள்
• கருப்பு மிளகு ஒரு சிட்டிகை
• சுவைக்காக சிறிதளவு தேன்

வழிமுறைகள்

பாலை சூடாக்கி, மஞ்சள்தூள், கருப்பு மிளகு, தேன் சேர்த்து நன்றாகக் கிளறி, பொன்னிறமாக வரும் வரை கொதிக்க வைக்க வேண்டும். பின்னர், சிறிது ஆறவைத்து அருந்தலாம்.

மசாலா டீ

சாய் ஒரு சுவையான பானம் மட்டுமல்ல; இது இலவங்கப்பட்டை, இஞ்சி மற்றும் ஏலக்காய் போன்ற நோய் எதிர்ப்பு சக்தியை அதிகரிக்கும் மசாலாப் பொருட்களால் நிரம்பியுள்ளது. ஒவ்வொரு மசாலா பொருட்களும் பல்வேறு ஆரோக்கிய நன்மைகளை உங்களுக்கு வழங்குகின்றன. இந்த மசாலாக்கள் செரிமானத்திற்கு உதவுவதோடு, சளி மற்றும் காய்ச்சலுக்கு எதிராக பாதுகாப்பை வழங்குகின்றன.

அதை எப்படி செய்வது?

தேவையான பொருட்கள்

• 1 கப் பால்
• 1 டீ பேக் அல்லது தளர்வான தேயிலை இலைகள்
• 1/2 டீஸ்பூன் அரைத்த இலவங்கப்பட்டை தூள்
• ஒரு சிட்டிகை இஞ்சி,
• சிறிதளவு சர்க்கரை

வழிமுறைகள்

பாலை கொதிக்க வைத்து, தேயிலை இலைகள், மசாலா மற்றும் சர்க்கரை சேர்த்து நன்றாக கொதிக்க விடவும். பின்னர், வடிகட்டி குடிக்கலாம். இது உங்கள் நோய் எதிர்ப்பு சக்தியை அதிகரிக்க பெரிதும் உதவும்.

கோகோ இலவங்கப்பட்டை

கோகோ ஆக்ஸிஜனேற்றத்தை வழங்குகிறது. மேலும் சூடான பால் இலவங்கப்பட்டையுடன் இணைந்தால், அது உங்கள் உடலின் நோய் எதிர்ப்பு சக்தியை அதிகரிக்கும். இந்த பானம் உங்களை ஆரோக்கியமாக வைத்திருக்கும் அதே வேளையில் உங்கள் மனநிலையை உயர்த்தும்.

அதை எப்படி செய்வது

தேவையான பொருட்கள்

• 1 கப் பால்
• 2 தேக்கரண்டி இனிக்காத கோகோ தூள்
• 1/2 தேக்கரண்டி இலவங்கப்பட்டை தூள்
• சிறிதளவு சர்க்கரை

வழிமுறைகள்

பாலை சூடாக்கி, அதில் கோகோ, இலவங்கப்பட்டை மற்றும் சர்க்கரை சேர்த்து நன்றாக கொதிக்க விட வேண்டும். பல ஆரோக்கிய நன்மைகளையும், உங்கள் உடலுக்கு ஆறுதல் தரும் கோகோ நன்மையை அனுபவிக்கலாம்.

குங்குமப்பூ பாதாம் பால்

குங்குமப்பூ அதன் நோய் எதிர்ப்பு சக்தி மற்றும் உங்கள் மனநிலையை மேம்படுத்தும் திறனுக்காக அறியப்படுகிறது. பாதாம் ஆரோக்கியமான கொழுப்புகளையும் வைட்டமின் ஈயையும் ஒட்டுமொத்த நல்வாழ்வுக்கு வழங்குகிறது. இந்த இரண்டு பொருட்களும் உங்கள் உடலுக்கு அதிசயங்களை செய்கிறது.

அதை எப்படி செய்வது

தேவையான பொருட்கள்

• 1 கப் பால்
• குங்குமப்பூவின் சில இழைகள்
• 10-12 ஊறவைத்த பாதாம்
• சிறிதளவு தேன்

வழிமுறைகள்

பால், குங்குமப்பூ மற்றும் பாதாம் ஆகியவற்றை ஒன்றாக கலக்க வேண்டும். கலவையை வடிகட்டி, தேன் சேர்க்கவும். இப்போது தயாராக இருக்கும் சுவையான குங்குமப்பூ பாலை அருந்தலாம்.

ஏலக்காய் ரோஸ் பால்

ஏலக்காய் இயற்கையாகவே நோயெதிர்ப்பு சக்தியை அதிகரிக்கும் மற்றும் செரிமானத்திற்கு உதவியாக இருக்கும். அதே நேரத்தில் ரோஜா இதழ்கள் மனதிற்கு அமைதியான விளைவை அளிக்கின்றன. இவை இரண்டும் ஒன்றாக இணைந்து, ஒரு இனிமையான பால் பானத்தை உருவாக்குகிறது. மேலும், இவை அமைதியான இரவு தூக்கத்தை உங்களுக்கு வழங்கும்.

அதை எப்படி செய்வது

தேவையான பொருட்கள்

• 1 கப் பால்
• ஒரு சிட்டிகை நசுக்கிய ஏலக்காய்
• சில உலர்ந்த ரோஜா இதழ்கள்
• சுவைக்கேற்ப சர்க்கரை

வழிமுறைகள்

பாலை சூடாக்கி, ஏலக்காய், ரோஜா இதழ்கள் மற்றும் சர்க்கரை சேர்த்து, மெதுவாக கொதிக்க விட வேண்டும். இந்த வாசனை உங்களை அமைதி படுத்தும். இதை அருந்துவது உங்கள் உடலுக்கு நன்மை பயக்கும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.