ஆண், பெண் இருவரின் மார்பகத்திலும் புற்றுநோய் செல்கள் உருவாவதை தடுக்கும் வீட்டு வைத்தியங்கள்..!

இருவருக்குமே..!

மார்பகத்தில் பலவித புற்றுநோய்கள் சாதாரணமாகவே ஏற்பட கூடும். பெண்களுக்கு மட்டும் தான் மார்ப்பகத்தில் இந்த வகை புற்றுநோய்கள் உண்டாகும் என்றில்லை.

இன்று ஆண்களுக்கும் இது அதிக அளவில் பாதிப்பை ஏற்படுத்துகிறதாம். புற்றுநோய் செல்களின் வளர்ச்சியை நம் உடலில் எளிதாக தடுக்க முடியும் என ஆராய்ச்சியாளர்கள் கூறுகின்றனர்.

ஒமேகா 3 உணவுகள்

பொதுவாக மார்பக புற்றுநோயின் அபாயத்தை தடுக்க கூடிய ஆற்றல் ஒமேகா 3 கொழுப்பு அமிலங்கள் கொண்ட உணவுகளுக்கு உள்ளதாம்.

இவை மார்பக பகுதியில் புற்றுநோய் செல்களை நமது உடலில் உருவாவதை தடுக்கிறதாம். ஆதலால் மீன், வால்நட்ஸ், அவகடோ போன்ற உண்வுகளை அதிகம் சாப்பிடுங்கள்.

கொழுப்பு எவ்வளவு..?

உடலில் சேர கூடிய கொழுப்பின் அளவை தெரிந்து கொள்ள வேண்டியது மிக அவசியமானது. உடலில் கொழுப்புகள் அதிகம் கூடினால் உடல் பருமனாகும்.

உடல் பருமன் இருப்போருக்கு மார்பக புற்றுநோயிற்கான அபாயம் அதிகம் என தற்போதைய ஆய்வு கூறுகிறது.

கிரீன் டீ

மார்பக புற்றுநோயை தடுக்க கூடிய ஆற்றல் கிரீன் டீயிற்கு உள்ளதாம். இவற்றில் உள்ள ஆன்டி ஆக்சிடன்ட்ஸ் புற்றுநோய் செல்களை எதிர்த்து போராட கூடிய தன்மை வாய்ந்தது.

வெறும் பாலோ, காபியோ குடிப்பதற்கு பதிலாக கிரீன் டீயை தினமும் குடித்து வந்தால் எதிர்ப்பு சக்தி கூடி மார்பக புற்றுநோயை தடுத்து விடலாம்.

MOST READ: ஆண்கள் உள்ளாடை அணியாமல் இருந்தால், தாம்பத்தியத்தில் கிடைக்க கூடிய பலன்கள் என்னென்ன..?

டார்க் சாக்லேட்

மார்பக புற்றுநோயின் தாக்கம் உங்களை அண்டாமல் இருக்க ஒரு எளிய வழி உள்ளது. அதாவது, டார்க் சாக்கோலேட்டை சாப்பிட்டு வந்தாலே போதுமாம்.

சாப்பிட கூடிய சாக்லேட்டில் 70 சதவீதத்திற்கும் மேல் கோகோ இருப்பது அவசியம்.

வைட்டமின் டி

மார்பக புற்றுநோயை தடுக்க கூடிய ஆற்றல் வைட்டமின் டி வகை உணவுகளுக்கு உண்டு. குறிப்பாக கடல் உணவுகள், பால் பொருட்கள், முட்டையின் மஞ்சள் கரு, காளான், மாட்டின் கல்லீரல் ஆகியவற்றில் இவை அதிக அளவில் உள்ளது. தொடர்ந்து வைட்டமின் டி உணவுகளை சாப்பிட்டு வந்தால் புற்றுநோய் அபாயம் குறையும்.

75 நிமிடங்கள்

ஆண்களும் பெண்களும் தங்களை மார்பக புற்றுநோயில் இருந்து காத்து கொள்ள வாரத்திற்கு 75 நிமிடம் உடற்பயிற்சியை மேற்கொள்ள வேண்டும். இவை ஹார்மோன்களை சீரான அளவில் உற்பத்தி செய்து புற்றுநோய் செல்களை நமது உடலில் வளர விடாமல் தடுக்குமாம்.

தாய்மார்களுக்கு

பெரும்பாலும் இந்த வகை மார்பக புற்றுநோய்கள் தாய்மார்களையே அதிக அளவில் குறி வைக்கின்றன. தனது முதல் குழந்தையை 30 வயதுக்கு முன்பு பெற்று எடுக்கும் தாய்மார்களை பெரிதும் பாதிக்க கூடிய அபாயம் உண்டு. எனவே, 6 மாத காலம் வரை தாய்ப்பால் கொடுப்பவர்களுக்கு இதன் அபாயம் குறையுமாம்.

MOST READ: உங்களின் தலை எழுத்தையே மாற்ற கூடிய இந்த கோடுகளை பற்றி தெரியுமா..?

ஃபோலிக் அமிலம்

சாதாரணமாவே நமது உடலில் இருக்கும் DNA பாதிப்படைந்தால் மிக எளிதில் இந்த வகை புற்றுநோய்கள் உடலில் உண்டாக கூடும். இதை தடுக்க கூடிய தன்மை ஃபோலிக் அமிலம் நிறைந்த உண்வுகளில் உள்ளதாம்.

முக்கியமாக கருப்பு பட்டாணி, முளைக்கீரை, முழு தானியங்கள், பருப்பு வகைகள் ஆகியவற்றில் இது நிறைந்துள்ளதாம். தினசரி உணவில் 400 மைக்ரோ கிராம் அளவாவது இந்த ஃபோலிக் அமிலம் உங்களின் உணவில் சேர்த்து கொள்ள வேண்டுமாம்.

சூது கவ்வும்..!

சமீபத்தில் நடத்திய ஆய்வில் புகை மற்றும் மது பழக்கம் கொண்டோருக்கு மார்பக புற்றுநோயின் பாதிப்பு அதிகம் உள்ளதாக கூறப்படுகிறது. ஆண்களுக்கும் பெண்களுக்கும் இந்த பழக்கத்தால் மார்பக புற்றுநோயின் வீரியம் கூடுதலாகவே இருக்கும். ஆதலால், மது மற்றும் புகை பழக்கத்தை தவிர்ப்பது நல்லது.