விந்தணுக்களின் எண்ணிக்கையையும், தரத்தையும் மேம்படுத்தும் அதிசய 6 பழங்கள்...இதுல உங்களுக்கு பிடிச்ச பழம் எது?

விந்தணு எண்ணிக்கை மற்றும் இயக்கம் ஆகியவை ஆண் கருவுறுதலின் மிக முக்கியமான இரண்டு குறிகாட்டிகளாகும். ஆண்மைக்குறைவு மற்றும் மலட்டுத்தன்மையால் பாதிக்கப்படும் ஆண்களின் எண்ணிக்கை நாளுக்கு நாள் அதிகரித்து வருகிறது. இந்த சூழலில் ஆண்கள் விந்தணுக்களின் எண்ணிக்கை மற்றும் தரத்தை அதிகரிக்க பெரும்பாலும் மருந்துகளை நம்பியிருக்கிறார்கள். ஆனால் உணவை விட சிறந்த மருந்து எதுவுமில்லை என்பதை நாம் மறந்து விடக்கூடாது.

சில உணவுகள் மற்றும் பழங்கள் இயற்கையாகவே ஆண்களின் விந்தணுக்களின் எண்ணிக்கையையும், தரத்தையும் அதிகரிக்கும் என்பது நிருபிக்கப்பட்ட உண்மையாகும். வைட்டமின் சி, வைட்டமின் ஈ மற்றும் ஃபோலேட் போன்ற ஆக்ஸிஜனேற்றிகள் விந்தணுக்களை ஆக்ஸிஜனேற்ற அழுத்தத்திலிருந்து பாதுகாக்கும், விந்தணுக்களின் ஆரோக்கியமான இயக்கத்தை ஆதரிக்கும் மற்றும் ஒட்டுமொத்த விந்தணுக்களின் எண்ணிக்கையை அதிகரிக்கும் என்று ஆய்வுகள் கூறுகிறது. கருவுறுதலை அதிகரிக்கும் இந்த ஊட்டச்சத்துக்களில் பல இயற்கையாகவே பழங்களில் காணப்படுகின்றன, அவை எந்தெந்த பழங்கள் என்று இந்த பதிவில் தெரிந்து கொள்ளலாம்.

கொய்யா

கொய்யா நாம் நினைப்பதை விட மிகவும் ஆரோக்கியமான பழமாகும். விந்தணுக்களின் எண்ணிக்கை மற்றும் தரத்தை அதிகரிக்க விரும்பும் ஆண்கள் அவசியம் கொய்யாவை அடிக்கடி சாப்பிட வேண்டும். கொய்யாப்பழத்தில் ஆரஞ்சு பழத்தில் இருப்பதை விட வைட்டமின் சி உள்ளது. வைட்டமின் சி ஒரு ஆக்ஸிஜனேற்றியாக மாறி விந்தணுக்களை சேதத்திலிருந்து பாதுகாக்கிறது, மேலும் விந்தணு இயக்கத்தை அதிகரிக்கிறது. ஒரு கொய்யா உங்கள் தினசரி வைட்டமின் சி- தேவையை பூர்த்தி செய்ய முடியும். இதன் அளவு விந்தணுக்களின் தரத்தை அதிகரிப்பதாக நிரூபிக்கப்பட்டுள்ளது.

அவகேடோ

அவகேடா ஆண்களின் ஆரோக்கியத்தில் பல அதிசயங்களை ஏற்படுத்தக்கூடியது. இதில் அதிகளவு ஃபோலேட் உள்ளது, இது விந்தணுக்களின் தரத்தை ஆரோக்கியமாக வைத்திருக்க உதவுகிறது, மேலும் விந்தணுக்களின் சிறப்பான இயக்கத்திற்கு வைட்டமின் ஈ மற்றும் டெஸ்டோஸ்டிரோனை உற்பத்தி செய்ய துத்தநாகம் ஆகியவை உள்ளன. ஒரு அவகேடோ பழம் தோராயமாக 41% ஃபோலேட் மற்றும் 28% வைட்டமின் ஈ ஆகியவற்றை வழங்கும். உடலில் ஃபோலேட் அதிகரிப்பது விந்தணுக்களின் எண்ணிக்கையை அதிகரிக்கும் என்று ஆய்வுகள் கூறுகின்றன.

தர்பூசணி

தர்பூசணி என்பது ஒரு அதிசய பழமாகும், தர்பூசணியில் விந்தணுக்களின் தரத்தை மேம்படுத்தும் முக்கியப் பொருளான லைகோபீன் நிறைந்துள்ளது. லைகோபீன் விந்தணுக்களை ஆக்ஸிஜனேற்ற அழுத்தத்திற்கு எதிராக ஆரோக்கியமாக வைத்திருக்கிறது, மேலும் விந்தணுக்களின் இயக்கம் மற்றும் உருவவியல்களை அதிகரிக்கிறது. லைகோபீன் சப்ளிமெண்ட்களை உட்கொள்ளும் ஆண்கள் மேம்பட்ட விந்தணு இயக்கத்தை அனுபவித்ததாக ஒரு ஆய்வு கண்டறிந்துள்ளது, மேலும் தர்பூசணி லைகோபீனின் இயற்கையான மூலமாக உள்ளது.

வாழைப்பழம்

வாழைப்பழம் விந்தணுக்களின் எண்ணிக்கையை அதிகரிக்கும் சிறந்த எளிய உணவாகும், ஏனெனில் இதில் வைட்டமின்கள் ஏ, பி1 மற்றும் சி ஆகியவை உள்ளன, அவை விந்தணுக்களின் உற்பத்தியை அதிகரிக்கின்றன. அவற்றில் ஹார்மோன்களைக் கட்டுப்படுத்தி எண்ணிக்கையை அதிகரிக்கக்கூடிய நொதியான ப்ரோமெலைனும் அடங்கும். வாழைப்பழத்தில் உள்ள பொட்டாசியம் ஒட்டுமொத்த இனப்பெருக்க ஆரோக்கியத்தை மேம்படுத்துகிறது.

மாதுளை

மாதுளை பல ஆரோக்கிய நன்மைகளை வழங்கக்கூடிய மிகச்சிறந்த பழமாகும், மேலும் விந்தணு உற்பத்தியை அதிகரிப்பதில் அதன் பயன்பாடு அறிவியலால் ஆதரிக்கப்படுவதாகும். மாதுளையில் ஏராளமான ஆக்ஸிஜனேற்றிகள் உள்ளன, அவை இரத்த ஓட்டம் மற்றும் டெஸ்டோஸ்டிரோன் அளவை அதிகரிக்க நல்லது.

ப்ளூபெர்ரி

குறைவானகலோரிகள் மற்றும் ஆக்ஸிஜனேற்றிகள் நிறைந்த, ப்ளூபெர்ரிகள் விந்தணுக்களின் எண்ணிக்கை மற்றும் இயக்கத்தை அதிகரிக்க உங்கள் உணவில் அவசியம் சேர்த்துக் கொள்ள வேண்டிய பழமாகும். ப்ளூபெர்ரியில் உள்ள ஆக்ஸிஜனேற்றிகள் விந்தணுக்களின் எண்ணிக்கை மற்றும் இயக்கத்தை கணிசமாக அதிகரிப்பதாக நிரூபிக்கப்பட்டுள்ளது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.