இரவில் படுக்கும் முன் இந்த பழங்களை சாப்பிட்டால் நிம்மதியாக தூங்கலாம்..!

தூங்க செல்வதற்கு முன் நாம் சாப்பிடும் உணவுகள் கூட சில நேரங்களில் நமது தூக்க சுழற்சியை பாதிக்கின்றன. உதாரணமாக படுக்க செல்லும் முன் காபி சாப்பிடும் பழக்கம் நிறைய பேருக்கு உள்ளது. ஆனால் காபியில் உள்ள காஃபின் அவர்களது தூக்கத்தை சீர்குலைக்க காரணமாக அமைகிறது. இது தெரியாமல் தினமும் இரவில் காபியை குடித்து விட்டு தூக்கம் வரவில்லையே என்று புலம்புவோரும் உண்டு. எனவே தூங்க செல்லும் முன் காபி சாப்பிட வேண்டாம் என்று நிபுணர்கள் அறிவுறுத்துகின்றனர்.

இரவில் நல்ல தூக்கத்தை பெற உதவும் சில பழங்கள் உள்ளன. அவற்றில் உள்ள ஊட்டச்சத்துக்கள் பல ஆரோக்கிய நன்மைகளை வழங்குகின்றன. பொதுவாக பலர் காலை மற்றும் மதியம் பழங்களை சாப்பிடுவதில் ஆர்வம் காட்டுவார்கள். ஆனால் இரவில் சாப்பிமாட்டார்காள். அப்படி சாப்பிட்டால் செரிமானக் கோளாறுகள் ஏற்படும் கருத்து உள்ளது. ஆனால் இரவில் படுக்கும் முன் சில பழங்களை சாப்பிட்டு வந்தால் நிம்மதியாக தூங்கலாம். எந்தப் பழங்கள் தூக்கத்தை மேம்படுத்துகின்றன என்பது பற்றி இந்த பதிவில் தெரிந்துக் கொள்ளலாம் வாங்க...

அன்னாசி பழம்

அன்னாசி இனிப்பு மற்றும் புளிப்பு சுவை கொண்டது. இந்த பழத்தில் ஊட்டச்சத்துக்கள் அதிகம். ஆன்டிஆக்ஸிடன்ட்களுடன் மெலடோனின் உள்ளது. தூங்கும் முன் அன்னாசிப்பழம் சாப்பிடுவதால் உடலில் மெலடோனின் அளவு அதிகரிக்கிறது. இது தூக்கத்தை தூண்டுகிறது. இரவு உணவிற்குப் பிறகு ஆரோக்கியமற்ற இனிப்புகளை சாப்பிடுவதற்கு பதிலாக, அன்னாசிப்பழத்தை மூன்று துண்டுகளாக சாப்பிடுவது உங்களுக்கு நன்றாக தூக்கம் வர உதவும்.

பெர்ரி

ராஸ்பெர்ரி, ப்ளாக்பெர்ரி, அவுரிநெல்லிகள் ஆகியவை முக்கியமான பெர்ரி பழங்கள். இவற்றில் ஆன்டிஆக்ஸிடன்ட்கள் உள்ளன. அவை நோய் எதிர்ப்பு சக்தியை பலப்படுத்துகின்றன. முடி மற்றும் தோல் பராமரிப்பில் இது முக்கிய பங்கு வகிக்கிறது. பெர்ரிகளில் உள்ள மெலடோனின் உடலுக்கு மிகவும் நன்மை பயக்கும். தூக்கமின்மையை குறைக்கிறது. இந்த பழங்களை படுக்கைக்கு செல்லும் முன் சாப்பிட்டு வந்தால் நல்ல தூக்கம் வரும்.

தக்காளி

தக்காளி பொதுவாக ஒரு காய்கறியாக பார்க்கப்படுகிறது. ஆனால் உண்மையில் இவை ஒரு வகையான பழங்கள். இவற்றில் லைகோபீன் என்ற கலவை உள்ளது. இந்த கனிமம் தூக்கத்தை தூண்டுகிறது. தக்காளியில் உள்ள ஆன்டிஆக்ஸிடன்ட்கள் ஆக்ஸிஜனேற்ற அழுத்தத்தைக் குறைக்கின்றன. எலும்புகளை வலுவாக்கும். ஆனால் தக்காளியை அளவோடு சாப்பிட வேண்டும். ஏனெனில் இவை உடலில் அமில வீச்சுக்கு வழிவகுக்கும்.

கிவி பழம்

கிவி பழத்தில் மெலடோனின் நிறைந்துள்ளது. இது உடலில் உள்ள சர்க்காடியன் தாளத்தை ஒழுங்குபடுத்துவதில் முக்கிய பங்கு வகிக்கிறது. இது தூக்கத்தின் தரத்தை அதிகரிக்கிறது. தூக்கத்தின் போது ஏற்படும் சிரமங்கள் குறையும். படுக்கைக்கு முன் ஒரு கிவி பழம் அல்லது இரண்டு பழங்களை சாப்பிடுவது தூக்கத்தின் போதும் நீங்கள் எழுந்திருக்கும் போதும் உங்களை புத்துணர்வுடன் வைத்திருக்கும்.கிவி பழம் இயற்கையாகவே தூக்கத்தைத் தூண்டும்.

வாழைப்பழம்

வாழைப்பழத்தில் மெக்னீசியம் மற்றும் பொட்டாசியம் உள்ளது. தசைகளை மீட்டெடுப்பதில் அவை முக்கிய பங்கு வகிக்கின்றன. எலும்புகளை வலுவாக்கும். வாழைப்பழம் மெலடோனின் சிறந்த ஆதாரங்களில் ஒன்றாகும். இந்த ஹார்மோன் ஆரோக்கியமான தூக்கத்தை ஊக்குவிக்கிறது. இரவில் படுக்கும் முன் வாழைப்பழம் சாப்பிடுவது தூக்கத்தின் தரத்தை மேம்படுத்தும்.

செர்ரி

இந்த செர்ரி பழங்களை இரவில் சாப்பிடுவது உடல் நலத்திற்கு நல்லது. இவை உடலில் மெலடோனின் அளவை அதிகரிப்பதுடன் தூக்கத்தின் தரத்தையும் அதிகரிக்கிறது. செர்ரி பழங்களை நேரடியாக சாப்பிடலாம் அல்லது ஜூஸ் செய்து குடிக்கலாம். இவற்றில் உள்ள ஊட்டச்சத்துக்கள் மற்றும் கலவைகள் உடலை ஓய்வெடுக்க தூண்டுகிறது. இதனால் உங்களுக்கு நல்ல தூக்கம் கிடைக்கும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.