பால் அலர்ஜி இருப்பவர்கள் எவ்வாறு கால்சியம் சத்தை பெறலாம் என தெரியுமா?

சால்மன் மீன் :

சாலமன் மீனில் ஒமேகா-3 கொழுப்பு அமிலம் மட்டுமில்லை. கால்சியமும் நிறைந்திருக்கிறது. பால் அருந்தாதவர்கள் சாலமன் மீனை நிறைய எடுத்துக் கொள்ளுங்கள்.

இதில் அதிக கால்சியம் மற்றும் பாஸ்பரஸ் இருக்கிறது. இரண்டுமே பற்கள் மற்றும் எலும்பு பலத்திற்கு தேவை.

எள்ளு :

அளவில் மிகச் சிறியதாக இருந்தாலும் எள்ளு அதிக கால்சியம் நிறைந்ததாகும். இதில் மெக்னீசியமும் அதிகமாக இருக்கிறது. மூளை மற்றும் இதயத்திற்கு பாதுகாப்பு அளிக்கும். எலும்பு வளர எள்ளை உணவில் சேர்த்துக் கொள்ளுங்கள்.

கிட்னி பீன்ஸ் :

வெள்ளையாக சிறு நீரக வடிவில் இருக்கும் பீன்ஸ் பருப்பு வகை அதிக கால்சியம் கொண்டது. அதனை க்ழுஹம்பு மற்றும் பொறியலாக செய்து உண்டால் பூரண கால்சியம் கிடைக்கும்.

காலே :

காலே கீரையில் அதிக கால்சியம் இருக்கிறது. குழந்தைகளின் எலும்பு வளர்ச்சிக்கும் பற்களின் உறுதிக்கும் இதனை பரிந்துரைக்கலாம்.

இதனை வேக வைத்தோ அல்லது ஜூஸ்காவோ எடுத்துக் கொண்டால் அதன் மினரல் மற்றும் விட்டமின்களை பெறலாம்.

ஆரஞ்சு :

சிட்ரஸ் பழங்கள் விட்டமின் சி நிறைந்தது மட்டுமில்லை. கால்சியமும். பால் அருந்தாதவர்கள் ஆரஞ்சில் அதிக கால்சியம் உள்ளது என மகிழ்ச்சி கொள்ளலாம். தினமும் ஆரஞ்சை சாப்பிட்டு வாருங்கள்.