உங்க தொப்பை கொழுப்பு மொத்தமா குறைச்சி... நீங்க ஒல்லியா மாற இந்த சூடான பானங்களை குடிச்சா போதுமாம்!

டார்க் சாக்லேட் பானம்

இந்த சுலபமான பானத்தை தயாரிக்க, 1 கப் பால் அல்லது பாதாம் பால் அல்லது சோயா பால் இவற்றில் ஏதாவது ஒரு பாலை கொதிக்க வைத்து, 2 டீஸ்பூன் டார்க் சாக்லேட், 2 டீஸ்பூன் இனிக்காத கோகோ பவுடர் சேர்த்து கிளறி விடவும். சுவைக்கு ஏற்றவாறு ஒரு சிட்டிகை ஜாதிக்காய் மற்றும் தேன் சேர்த்து சூடாக அருந்தவும். டார்க் சாக்லேட்டில் உள்ள ஆன்டிஆக்ஸிடன்ட்கள் மற்றும் தாவர அடிப்படையிலான ஃபிளவனால்கள் நீண்ட நேரத்திற்கு முழுமை உணர்வை உங்களுக்கு வழங்குவதன் மூலம் பசி உணர்வை குறைக்கலாம். இதனால், நீங்கள் அதிகம் சாப்பிடுவது தவிர்க்கப்படுகிறது. மேலும், இது வீக்கம், மன அழுத்தத்தை குறைக்கிறது மற்றும் சிறந்த எடை இழப்புக்கு உதவுகிறது. இதை இரவு பானமாக குடித்தால், நிம்மதியான உறக்கத்தை நீங்கள் பெறலாம்.

இஞ்சி டீ

பண்டைய கால இஞ்சி தேநீர் கொழுப்பு இழப்பு செயல்முறையை துரிதப்படுத்த உதவும். இரண்டு கிளாஸ் தண்ணீரில் இஞ்சி சேர்த்து கொதிக்க வைக்கவும். அடுப்பை அனைத்து, அதில், துளசி இலைகளைச் சிறிது சேர்த்து, அவற்றை 3 நிமிடங்கள் ஊற வைக்கவும். பின்னர், தேநீரை வடிகட்டி, 1 தேக்கரண்டி எலுமிச்சை சாறு மற்றும் 1 தேக்கரண்டி தேன் சேர்க்கவும். இஞ்சி மற்றும் எலுமிச்சையில் உள்ள ஜிஞ்சரால், சிட்ரிக் அமிலம் மற்றும் தேன் ஆகியவை தொப்பை கொழுப்பை எரிக்க உதவுகிறது. இந்த தேநீரில் துளசி இருப்பதால் நோய் எதிர்ப்பு சக்தியை அதிகரிக்கிறது. இந்த பானத்தை காலை அல்லது அதிக உணவுக்குப் பிறகு உட்கொள்ளலாம்.

புதினா மற்றும் எலுமிச்சை தேநீர்

புதினா இலைகள் மற்றும் எலுமிச்சை துண்டுகளை தண்ணீரில் கொதிக்க வைத்து இந்த எளிய தேநீரை தயாரிக்கலாம். தேநீரை வடிகட்டி தேனுடன் கலக்கவும். இந்த டீயை குடிப்பதால், செரிமானம், இன்சுலின் மேலாண்மை, வைட்டமின் சி மற்றும் ஆன்டிஆக்ஸிடன்ட்கள் உங்களுக்கு கிடைக்கும். மேலும், இது வளர்சிதை மாற்ற விகிதத்தை அதிகரிக்க உதவுகிறது மற்றும் தொப்பை கொழுப்பைக் கரைக்க உதவுகிறது. இந்த பானத்தை பருகுவதற்கு சிறந்த நேரம் அதிகாலை தான். ஏனெனில் இது நச்சுகளை வெளியேற்றவும், ஒருவரை நீரேற்றமாக வைத்திருக்கவும் உதவுகிறது.

இலவங்கப்பட்டை ஏலக்காய் தேநீர்

இந்த எளிதான தேநீரைத் தயாரிக்க, 2 கப் தண்ணீரை எடுத்து, 2 பச்சை ஏலக்காய்களுடன் 1 அங்குல இலவங்கப்பட்டையை சேர்க்கவும். தேநீரை கொதிக்கவைத்து, பின்னர், வடிக்கட்டி அருந்துங்கள். இலவங்கப்பட்டை உங்கள் வளர்சிதை மாற்ற விகிதத்தை அதிகரிப்பது மட்டுமல்லாமல், சிறந்த எடை மேலாண்மைக்கும் இன்சுலின் ஒழுங்குமுறை மற்றும் இதய ஆரோக்கியத்தை மேம்படுத்த உதவுகிறது. ஏலக்காய் வீக்கத்தைக் குறைக்கவும், செரிமானத்தை மேம்படுத்தவும் உதவுகின்றன. மேலும் உணவுக்குப் பின் சாப்பிடுவது கொழுப்பு எரியும் செயல்முறையை துரிதப்படுத்த உதவும்.