பல்பையுரு கருப்பை நோயுடன் எடையை குறைக்க வேண்டுமா? இதோ சில டிப்ஸ்...

உணவுக் கட்டுப்பாடு

இந்நோய் தாக்கப்பட்டவர்கள் சாதாரணமாக இருப்பதை விட சற்றே கவனமாக உணவுக் கட்டுப்பாட்டை மேற்கொள்ள வேண்டும். எனவே, உங்களுடைய மருத்துவருடன் கலந்து பேசி, இந்நோயைக் கட்டுப்படுத்தும் வகையிலான உணவு முறைகளை தெரிந்து கொள்ளுங்கள். நீங்கள் உணவுக் கட்டுப்பாட்டை கடைப்பிடிப்பதன் மூலமாக எடையையும் கட்டுப்படுத்த முடியும்.

உணவுக் கட்டுப்பாட்டுத் திட்டம்

இந்நோய் இன்சுலின் எதிர்ப்புடன் தொடர்பு கொண்டுள்ளது என்பதை நீங்கள் அறிந்திருக்க வேண்டியது அவசியம். குறைந்த அளவு கார்போஹைட்ரேட் உள்ள உணவுகளான மெல்லிய இறைச்சிகள், வெள்ளை ரொட்டி, காய்கறிகள் போன்றவற்றை நீங்கள் உண்ண வேண்டும். இவ்வாறு செய்வதன் மூலம் உங்களுக்குத் போதுமான அளவிற்கு எடை குறைந்து விடும்.

குறைவாக, ஆனால் சத்தாக

பல்பையுரு கருப்பை நோயுடன் எடையை குறைக்க முயற்சி செய்பவர்கள் போதுமான அளவு சத்துள்ள, ஆனால் குறைவான உணவை சாப்பிட வேண்டும். மிகவும் அதிகமான கிளைசீமிக் குறியீட்டு மதிப்புள்ள உணவுகளுக்கு சற்றே சிறப்பு கவனம் செலுத்துங்கள். ஏனெனில் இவை இன்சுலின் எதிர்ப்பு சக்தியை ஊக்குவிக்கின்றன.

உடற்பயிற்சி

பல்பையுரு கருப்பை நோயுடன் எடையை குறைக்க விரும்பினால் உடற்பயிற்சிகளை தொடர்ந்து செய்து வரவும். ஏரோபிக்ஸ் மற்றும் கார்டியோவாஸ்குலர் பயிற்சிகளை நீங்கள் செய்து வருவது அதிக அளவு கலோரிகளை நீங்கள் எரிக்க உதவும். மேலும், குறைவான எடை கொண்ட தசை பயிற்சிகளை செய்து, அதிகளவு இருக்கும் சதைகளை குறைக்க முயற்சி செய்யுங்கள்.

மருத்துவ உதவி

பல்பையுரு கருப்பை நோய்க்கு சிகிச்சை பெற்று வரும் நேரங்களில், இந்த நோய் தொடர்பான மருந்துகளை எடுப்பதற்காக நீங்கள் மருத்துவரின் ஆலோசனைகளையும் பெற வேண்டும். ஹார்மோன் சமநிலையற்ற தன்மை மற்றும் இன்சுலின் எதிர்ப்பு ஆகியவற்றை முறையாக கவனித்து, எடை குறைப்பை திறன் மிக்க வகையில் மேற்கொள்ள இந்த மருத்துவ ஆலோசனைகள் நிச்சயம் உதவும்.

தீய பழக்கங்களை தவிர்க்கவும்

புகைப்பழக்கம் மற்றும் கண்டபடி சாப்பிடுதல் போன்ற பழக்கங்களை அறவே கைவிடுவதன் மூலம் நீங்கள் பல்பையுரு கருப்பை நோயை எளிதாக எதிர்கொள்ள முடியும். புகைப்பழக்கம் உடலில் உள்ள இன்சுலின் மற்றும் டெஸ்டோஸ்டிரோன்களின் அளவை அதிகரித்து, அதன் காரணமாக உடல் எடையை அதிகரித்து விடும். மேலும், கலோரி அளவை கடுமையாக பின்பற்றி உங்களுடைய ஒட்டுமொத்த உடல் நலனுக்கும் உலை வைத்து விடும்.

உணவே மருந்து

பல்பையுரு கருப்பை நோயுடன் உடல் எடையை குறைக்க விரும்பினால் உணவே மருந்து என்பதை மனதில் கொண்டு உங்களுடைய உணவுக் கட்டுப்பாட்டுத் திட்டத்தை ஒரே வகையாக பின்பற்றி வாருங்கள். ஏற்கனவே கடைப்பிடித்து வரும் உணவு கட்டுப்பாட்டு முறையுடன், வேறொரு முறையை பின்பற்ற முற்படுவது உங்களுடைய விளைவுகளில் மாற்றங்களை கொண்டு வந்து விடும்.

குறிப்பு

பல்பையுரு கருப்பை நோயை கட்டுப்படுத்துவதோ மற்றும் எதிர்த்து நிற்பதோ மிகவும் கடினமான விஷயமாகும். நீங்கள் மன உறுதி மிக்க மனிதராகவும் மற்றும் கடுமையாக உழைப்பவராகவும் இருந்தால் தான் இந்நோய்க்கு எதிராக நல்ல பலன்களைப் பெற முடியும். எனவே ஆரோக்கியமான வாழ்க்கை முறையை பின்பற்றுங்கள் மற்றும் உங்களுடைய மருத்துவருடன் விவாதித்து பல்பையுரு கருப்பை நோய் தொடர்பான பிரச்சனைகளை முறையாக கவனித்து வாருங்கள்.