டெய்லியும் பல் தேய்க்கும்போது உங்க நாக்கை வழிக்கிறீங்களா? அப்ப 'இந்த' விஷயத்தை கண்டிப்பா தெரிஞ்சிக்கோங்க!

Oral Hygiene In Tamil: நாம் அனைவரும் தினமும் காலையில் எழுந்ததும் பல் தேய்க்கிறோம். ஆனால், எல்லாரும் நாக்கை சரியாக சுத்தம் செய்கிறோமா என்றால், அது குறைவுதான். உங்கள் பற்களை போல உங்கள் நாக்கையும் நீங்கள் சுத்தமாக வைத்திருக்க வேண்டும். ஏனெனில், இது வாய் ஆரோக்கியத்திற்கும் ஒட்டுமொத்த நலனுக்கும் நல்லது.

உங்கள் வாய் ஆரோக்கியத்திற்கும் ஒட்டுமொத்த உடல் ஆரோக்கியத்திற்கும் நேரடி தொடர்பு உள்ளதாக நிபுணர்கள் கூறுகிறார்கள். வாய்வழியாக தான் உங்கள் உடலுக்கு உணவு மற்றும் பானத்தை உட்கொள்கிறீர்கள். உங்கள் உடலின் மற்ற பாகங்களைப் போலவே, உங்கள் வாயிலும் பெரும்பாலும் அதிகம் பாதிப்பில்லாத பாக்டீரியாக்கள் நிறைந்துள்ளன.

இருப்பினும், பாக்டீரியா உங்கள் வாய் வழியாக உங்கள் செரிமான மற்றும் சுவாசக் குழாய்களுக்குள் நுழைவதால், உங்கள் வாயில் உள்ள சில பாக்டீரியாக்கள் உங்கள் உடலில் நோய்களை உருவாக்கலாம். சரியான வாய்வழி சுகாதார பராமரிப்பு இல்லாமல், பாக்டீரியாக்கள் பல் சிதைவு மற்றும் ஈறு நோய்கள் போன்ற வாய்வழி தொற்றுகளுக்கும் வழிவகுக்கலாம்.

இருப்பினும், தொடர்ந்து பல் துலக்குதல், ஃப்ளோசிங் மற்றும் நாக்கை வழித்தல் போன்ற சில வாய்வழி சுகாதாரப் பழக்கங்கள் உங்கள் வாய் ஆரோக்கியத்தைக் கட்டுக்குள் வைத்திருக்கும். உங்கள் ஒட்டு மொத்த ஆரோக்கியத்திற்காக நாக்கு வழித்தல் பற்றி இக்கட்டுரையில் தெரிந்துகொள்ளுங்கள்.

நாக்கு வழித்தல் என்றால் என்ன?

நாக்கு வழித்தல் என்பது நாக்கு ஸ்கிராப்பர் அல்லது கிளீனரின் உதவியுடன் உங்கள் நாக்கின் மேற்பரப்பை சுத்தம் செய்யும் ஒரு செயலாகும். இது பாக்டீரியா, இறந்த செல்கள் மற்றும் நாக்கில் சேரும் உணவுத் துகள்களை அகற்ற உதவும். நாக்கு ஸ்கிராப்பர் என்பது ஒரு மென்மையான, நெகிழ்வான கருவியாகும். பொதுவாக U- வடிவில் காணப்படும் இது, பிளாஸ்டிக் கையைப்பிடியாலும் உலோகத்தாலும் ஆனது.

நாக்கு ஸ்கிராப்பரை எவ்வாறு பயன்படுத்துவது?

பல் துலக்குவதற்கு ஒரு சரியான வழி இருப்பதைப் போலவே, நாக்கு ஸ்க்ராப்பிங் செய்வதையும் சரியாகப் பின்பற்ற வேண்டும். நாக்கைத் துடைப்பது பற்றி நீங்கள் கவனத்தில் கொள்ள வேண்டிய விஷயங்கள் உள்ளன. நாக்கு ஸ்கிராப்பரை சரியான முறையில் எப்படிப் பயன்படுத்துவது என்பதும் இதில் அடங்கும்.

நாக்கு வழித்தலின் நன்மைகள்

வாய்வழி சுகாதாரத்தைக் கடைப்பிடிக்க, பல் துலக்குதலைத் தவிர மற்ற நடைமுறைகளையும் நாம் பின்பற்ற வேண்டும். நாக்கைத் துடைப்பதால் ஏற்படும் சில நன்மைகளை பற்றி இங்கே தெரிந்துகொள்ளுங்கள்.

பாக்டீரியாக்களை திறம்பட நீக்குகிறது

தீங்கு விளைவிக்கும் பாக்டீரியாக்கள், இறந்த செல்கள் மற்றும் நாக்கின் மேற்பரப்பில் குவிந்துள்ள உணவுத் துகள்களை திறம்பட அகற்றும் திறன் காரணமாக, வாய்வழி சுகாதாரத்திற்கு நாக்கு வழித்தல் முக்கியமானது. உங்கள் நாக்கை சரியாக நீங்கள் சுத்தம் செய்யவில்லை என்றால், நாக்கில் நிறமாற்றம் ஏற்படலாம் அல்லது மஞ்சள் நிறமாக மாறலாம்.

இதை நீங்கள் கவனிக்கப்படாமல் விட்டால், இந்த பூச்சு தீங்கு விளைவிக்கும் பாக்டீரியாக்களை அடைத்து, வாய் துர்நாற்றத்திற்கு வழிவழக்கும் (ஹலிடோசிஸ்) மற்றும் வாய்வழி சுகாதார பிரச்சினைகளை ஏற்படுத்தும் என்று நிபுணர்கள் கூறுகிறார்.

சுவை உணர்வை மேம்படுத்தும்

ஆராய்ச்சியின் படி, உங்கள் நாக்கை ஒரு நாளைக்கு இரண்டு முறை வழித்து சுத்தமாக வைத்திருப்பது உங்கள் சுவை உணர்வை மேம்படுத்த உதவும். உங்கள் நாக்கு கசப்பு, புளிப்பு, உப்பு மற்றும் இனிப்பு உணர்வுகளை வேறுபடுத்தி அறியும்.

நாக்கு மிகவும் நன்றாக இருக்கிறது

நாக்கில் அதிகப்படியான பூஞ்சைகள் குவிந்துவந்தால் அது வெள்ளை அல்லது மஞ்சள் நிறமாக தோற்றமளிக்கும். வழக்கமான ஸ்கிராப்பிங் இந்த பாக்டீரியா உருவாவதை தடுக்க உதவும். உங்கள் நாக்கும் நன்றாக தோற்றமளிக்கும்.

ஒட்டுமொத்த ஆரோக்கியத்தை மேம்படுத்துகிறது

உங்கள் வாய்வழி பாக்டீரியாவை அகற்றுவதன் மூலம், உங்கள் வாயில் பிறக்கக்கூடிய துவாரங்கள், ஈறு நோய்கள் மற்றும் பிற சுகாதார நிலைகளைத் தடுக்கலாம். மேலும், நீங்கள் உணவு உண்ணும்போது, உங்கள் வாயில் இருக்கும் கிருமிகள் மற்றும் பாக்டீரியாக்கள் குடலுக்குள் செல்லாமல் தடுக்க உதவும்.

வாய் துர்நாற்றத்தை கட்டுப்படுத்துகிறது

வழக்கமாக நீங்கள் பயன்படுத்தும் பல் தேய்க்கும் பிரஷ்ஷினாலும் நாக்கை வழிக்கலாம். இருப்பினும், வாய் துர்நாற்றத்தை உண்டாக்கும் பாக்டீரியாக்களை அழிக்கும் போது பல் தேய்க்கும் பிரஷ்ஷை விட ஸ்கிராப்பிங் மிகவும் பயனுள்ளதாக இருக்கும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.