இந்த முடி பிரச்சனை உங்களுக்கு இருந்தா... இந்த விஷயங்கள நீங்க கண்டிப்பா செய்யக்கூடாதாம் தெரியுமா?

ஹீட் ஸ்டைலிங் தவறாமல் தவிர்க்கவும்

ஸ்ட்ரைட்னர்கள் மற்றும் ப்ளோ ட்ரைஸ் போன்ற சூடான கருவிகள் பொதுவாக மெல்லிய முடிக்கு பரிந்துரைக்கப்படுவதில்லை. கூந்தலுக்கு உகந்ததாக இல்லாத இந்தப் பொருட்களைத் தொடர்ந்து பயன்படுத்துவதைத் தவிர்க்கவும். இத்தகைய ஹேர் ஸ்டைலிங் தயாரிப்புகளால் உற்பத்தி செய்யப்படும் அதிகப்படியான வெப்பம் முடியின் வேர்கள் மற்றும் இழைகளை பலவீனப்படுத்துகிறது. எப்போதாவது அல்லது வாரம் ஒருமுறை இவற்றைப் பயன்படுத்துங்கள்.

ஜெல் மற்றும் ஹேர் ஸ்ப்ரேவை தவிர்க்கவும்

மெல்லிய முடிகள் ஒரு மென்மையான தோற்றத்தை இயற்கையாக வழங்குகிறது. உங்கள் தலைமுடியில் ஜெல் அடிப்படையிலான ஸ்ப்ரேகளைப் பயன்படுத்தினால், அது ஒட்டும் தன்மையுடன் இருக்கும். மேலும் உங்கள் தலைமுடி மிகவும் மெல்லியதாக தோற்றமளிக்கும். அதற்கு பதிலாக, முடிக்கு அளவை சேர்க்க ஒரு டெக்ஸ்டுரைசிங் ஸ்ப்ரே பயன்படுத்தவும்.

ரசாயனம் நிறைந்த முடி பராமரிப்புப் பொருட்களைப் பயன்படுத்துதல்

ஷாம்பு, கண்டிஷனர், ஹேர் மாஸ்க்குகள், ஹேர் ஆயில்கள், சீரம்கள் போன்ற பல்வேறு ஹேர் தயாரிப்புகளை வழங்கும் பிராண்டுகளால் சந்தை நிரம்பியுள்ளது. ஆனால் மிகச் சில பொருட்களே, உங்கள் தலைமுடிக்கு உண்மையான பராமரிப்பை வழங்குகிறது. இதன் பொருள் பெரும்பாலான முடி பராமரிப்பு பொருட்கள் முடியின் தரத்தை சேதப்படுத்தும் இரசாயனங்கள் நிறைந்தவை. நச்சுத்தன்மையற்ற, அதாவது பாராபென், சல்பேட் இல்லாத முடி வரம்பு தயாரிப்புகளை பயன்படுத்துங்கள். தினசரி பயன்பாட்டிற்கு லேசான ஷாம்பூவைத் தேர்ந்தெடுக்கவும்.

முடியை அடர்த்தியாக்கும் பொருட்களை வாங்குதல்

சந்தையில் உள்ள சில பிராண்டுகள் மெல்லிய முடியை அடர்த்தியாகவும் வலுவாகவும் மாற்றுவதற்கு சவால் விடுகின்றன. இத்தகைய முடியை தடிப்பாக மாற்றும் பொருட்கள் பெரும்பாலும் தீங்கு விளைவிக்கும் இரசாயனங்கள் நிறைந்தவை. இது மெல்லிய முடி பிரச்சனைகளை மோசமாக்கும். அழகு மற்றும் முடி பராமரிப்பு பொருட்கள் போன்ற தவறான வாக்குறுதிகளை தவிர்க்கவும்.

அதிக எண்ணெய் தடவுதல்

தினமும் முடிக்கு அதிக எண்ணெய் தடவுவது அதன் அமைப்பை மேம்படுத்தும் என்று நீங்கள் நினைத்தால், நீங்கள் தவறாக நினைக்கிறீர்கள். நிச்சயமாக, எண்ணெய் தலைமுடிக்கு நல்லது. ஆனால், அதிகப்படியான எண்ணெய் பொடுகுத் தொல்லையை ஏற்படுத்தும். மேலும், நீங்கள் அதிக முடியை இழக்க நேரிடும். அதற்கு பதிலாக, சிறிதளவு எண்ணெய் தடவி, முடிகளில் மெதுவாக மசாஜ் செய்யவும்.

முடி வளர்ச்சிக்கான மாத்திரைகளை எடுத்துக்கொள்வது

நீங்கள் அல்லது உங்களைச் சுற்றியுள்ளவர்கள் முடி வளர்ச்சிக்காக சில மாத்திரைகளை நம்பினால், அழகு யதார்த்தத்தை நீங்கள் ஏற்றுக்கொள்ள வேண்டிய நேரம் இது. சந்தையில் கிடைக்கும் பெரும்பாலான முடி வளர்ச்சி மாத்திரைகள் சாத்தியமான விளைவுகளைக் காட்டாது மற்றும் பல பக்க விளைவுகளை ஏற்படுத்தலாம். ஒரு நிபுணரின் சான்றளிக்கப்பட்ட மருந்துச் சீட்டு இல்லாமல் முடி வளர்ச்சிக்கான மாத்திரைகளை உட்கொள்வதை நிறுத்துங்கள்.

மோசமான உணவைப் பின்பற்றுதல்

நீங்கள் என்ன சாப்பிடுகிறீர்கள்? என்பதை பற்றி கவனமாக இருக்க வேண்டும். நீங்கள் காய்கறிகள், பால் பொருட்கள், முட்டை, இறைச்சி, புதிய பழங்கள், ஆரோக்கியமான பழச்சாறுகள், நட்ஸ்கள் போன்றவற்றை உள்ளடக்கிய சரியான உணவை எடுத்துக் கொண்டால், இது உங்கள் முடி ஆரோக்கியத்திலும் சாதகமான விளைவை ஏற்படுத்தும். அதிக சோடியம் உட்கொள்வது மெல்லிய முடி பிரச்சனைகளுக்கு வழிவகுக்கும் என்பதால், அதிகப்படியான நொறுக்குத் தீனிகளைத் தவிர்க்கவும்.

போதுமான உடற்பயிற்சி செய்யாமல் இருப்பது

முடி உட்பட உங்கள் ஒட்டுமொத்த ஆரோக்கியத்தை பராமரிக்கவும் மேம்படுத்தவும் யோகா ஒரு சிறந்த வழியாகும். பல்வேறு யோகா ஆசனங்கள் தலைக்கு சரியான ஆக்ஸிஜன் மற்றும் இரத்த ஓட்டத்தை அனுமதிக்கின்றன. இதையொட்டி, உங்கள் முடி வேர்களை வலிமையாக்குகின்றன. வழக்கமான யோகா பயிற்சியானது தீவிர முடி பிரச்சனைகளான வழுக்கை, மெல்லிய முடிகள், முடி உதிர்தல் போன்றவற்றுக்கு புலப்படும் முடிவுகளைத் தருவதாக நிரூபிக்கப்பட்டுள்ளது.