For Quick Alerts
ALLOW NOTIFICATIONS  
For Daily Alerts

சத்தான... சிறுகீரை பொரியல்

By Maha
|

வாரம் ஒருமுறை கீரையை சாப்பிட்டு வந்தால், உடலில் இரும்புச்சத்து அதிகரித்து, உடல் வலிமையோடும், ஆரோக்கியத்துடனும் இருக்கும். அதிலும் சிறுகீரையை பொரியல் செய்து சாம்பார் சாதத்துடன் சேர்த்து சாப்பிட்டு வந்தால், அதன் சுவையே அலாதியாக இருக்கும்.

இங்கு சிறுகீரை பொரியலை எப்படி சிம்பிளாக செய்வதென்று தெளிவாக கொடுக்கப்பட்டுள்ளது. அதைப் படித்து அதன்படி செய்து சுவைத்துப் பார்த்து எப்படி இருந்தது என்று எங்களுடன் பகிர்ந்து கொள்ளுங்கள்.

Simple Siru keerai Poriyal

தேவையான பொருட்கள்:

சிறுகீரை - 1 கட்டு (நறுக்கியது)

வெங்காயம் - 2 (பொடியாக நறுக்கியது)

கடுகு - 1 டீஸ்பூன்

உளுத்தம் பருப்பு - 1 டீஸ்பூன்

கடலைப்பருப்பு - 1/2 டீஸ்பூன்

கறிவேப்பிலை - சிறிது

துருவிய தேங்காய் - 1 டேபிள் ஸ்பூன்

வரமிளகாய் - 2

உப்பு - தேவையான அளவு

எண்ணெய் - தேவையான அளவு

செய்முறை:

முதலில் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, உளுத்தம் பருப்பு, கடலைப் பருப்பு, கறிவேப்பிலை, வரமிளகாய் சேர்த்து தாளிக்க வேண்டும்.

பின்னர் அதில் வெங்காயத்தைப் போட்டு பொன்னிறமாக வதக்க வேண்டும்.

பின்பு அதில் நறுக்கிய கீரையைப் போட்டு நன்கு வதக்கி, பின் உப்பு தூவி, சிறிது தண்ணீர் தெளித்து பிரட்டி, மூடி வைத்து கீரையை நன்கு வேக வைக்க வேண்டும்.

கீரையானது நன்கு வெந்ததும், அதில் துருவிய தேங்காயை சேர்த்து பிரட்டி இறக்கினால், சிறுகீரை பொரியல் ரெடி!!!

English summary

Simple Siru keerai Poriyal

Do you know how to prepare siru keerai poriyal? Check out and give it a try...
Story first published: Wednesday, July 1, 2015, 13:02 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more