சத்தான...முருங்கைக்கீரை துவையல்

Veg

oi-Maha

By Maha

Published: Friday, September 21, 2012, 9:40 [IST]

முருங்கைக்கீரை உடலுக்கு மிகவும் சிறந்தது. அதிலும் இந்த கீரையை துவையல் செய்து சாப்பிட்டால் மிகவும் சுவையானதாக இருக்கும். மேலும் இந்த துவையலை பெண்கள் அதிகம் சாப்பிட்டு வந்தால், கர்ப்பப் பையில் எந்த பிரச்சனையும் வராது. மேலும் மாதவிடாயும் சீராகும். இப்போது இந்த துவையலை எப்படி செய்வதென்று பார்ப்போமா!!!

தேவையான பொருட்கள்:

முருங்கைக்கீரை - 100 கிராம் (பொடியாக நறுக்கியது)
கடலை பருப்பு - 2 டீஸ்பூன்
துவரம் பருப்பு - 2 டீஸ்பூன்
உளுத்தம் பருப்பு - 2 டீஸ்பூன்
காய்ந்த மிளகாய் - 4
பூண்டு - 4 பல்
கறிவேப்பிலை - சிறிது
கொத்தமல்லி - சிறிது
தேங்காய் - 1/4 கப் (துருவியது)
எண்ணெய் - தேவையான அளவு
உப்பு - தேவையான அளவு

செய்முறை:

முதலில் ஒரு வாணலியை அடுப்பில் வைத்து, அதில் கடலைப் பருப்பு, துவரம் பருப்பு, உளுத்தம் பருப்பு ஆகியவற்றை போட்டு வறுக்க வேண்டும்.

பின் அதில் காய்ந்த மிளகாய், பூண்டு, கறிவேப்பிலைஇ கொத்தமல்லி, தேங்காய் சேர்த்து வதக்கவும்.

பின்னர் மற்றொரு வாணலியை அடுப்பில் வைத்து அதில் எண்ணெய் ஊற்றி, பொடியாக நறுக்கி வைத்துள்ள முருங்கை கீரையை போட்டு வதக்கி இறக்கவும்.

பின்பு மிக்ஸியில் வதக்கிய கீரை, வறுத்து வைத்துள்ள பொருட்கள் மற்றும் உப்பை போட்டு, நன்கு நைஸாக அரைக்க வேண்டும்.

இப்போது சத்தான முருங்கைக்கீரை துவையல் ரெடி!!!